إلى كل إمرأه سعودية

[عبااديR]

إلى كل إمرأه سعودية

لقد اثار إهتمامي رسالة تتناقلها زوجات سعوديات عن اللي تبي الدلع والكلام الحلو وين تلاقيه.


فحوى الرساله؛ إن اللي تبي الدلع تاخذ لبناني واللي تبي الكلام الحلو تاخذ سوري واللي تبي.....


واللي تبي..... واللي تبي الأجر تاخذ سعودي.


عاد الأخيره هي الشاهد.



معلومه أفتتح فيها رسالتي:

أنا من بيئة زراعية تؤمن أن الأرض الطيبة تعطيها تعطيك، وكثر ما تهتم فيها يكون الثمر أطيب.

إلى كل إمرأه سعودية تعتقد أنها مأجوره لأنها ماخذه زوج سعودي.....
إلى كل إمرأه سعودية تعتقد أنها فاقدة الدلع مع زوج سعودي.....
إلى كل إمرأه سعودية تعتقد أنها فاقدة الرومنسية مع زوج سعودي.....
إلى كل إمرأه سعودية تعتقد أنها فاقدة الكلام الحلو مع زوج سعودي.....
إلى كل إمرأه سعودية تعتقد أنها مظلومه عاطفيا لأنها مع زوج سعودي.....
إلى كل إمرأة سعودية تبحث عن زوج حق دلع ولا كلام حلو.....

أختي الفاضله:
إجلسي مع نفسك صباح يوم من الأيام بعد أن يغادر زوجك السعودي إلى العمل. راجعي يوم الأمس الذي مضى لحظة بلحظة، وأجيبي عن الأسئلة التاليه:

صباح الأمس الباكر؛ من أيقظ زوجك للعمل؟ أنت أم الساعة المنبهه؟
إذا كانت الساعة؛ أين كنتي؟
إذا كنتي أنتي؛ كيف أيقظتيه؟ وبأي صوت نبهتيه؟ وفي أي صورة كنتي عندما تفتحت عينيه؟
بعد أن استيقظ، ودخل الحمام للدش؛ هل وجد حمامه جاهز؟
لما خرج والأمل يحذوه في وجبة إفطار؛ هل كنتي جهزتي له إفطاره؟
(ولا كوب قهوه وكيكه على المكتب)
قبل أن يخرج للعمل؛ من أين أخذ ملابسه؟ (من بين يديك ولا من الدولاب)
هل ساعدتيه في لبسه؟ (وكشختيه وعطرتيه)
بعد اللبس (وقت الخروج)؛ هل من مودع؟ ولا أحسن إختاري أجابه واحدة مما يلي:
1- خرج وأنا نايمه.
2- صحيت من حركته في البيت، فتحت وحده من عيوني وقلت: وين رايح، العمل؟ بالسلامه.
3- كنت جالسه بالصاله، وهو خارج قلت له لاتنسى الأغراض اللي وصيتك عليها.
4- رافقته للباب، وكان وداع حار.
( تبين مساعدة، نحذف أجابتين؟ بس المشكله مانقدر نحذف إلا إجابه وحده بس!!!)

لما وصل المكتب (طبعا إذا قام يفطر الشباب بالمكتب عرفوا وش أنتي من حرمه)؛ هل أتصلتي فيه تتطمنين إنه وصل بالسلامه؟
تالي النهار وهو راجع البيت من العمل، دق الجرس ( معه مفتاح بس يبي أحد يفتحله و يحسسه إن له وحشه)؛ هل أستقبلتيه؟ وشلون؟
بدا ينزع ملابسه؟ هل كنتي معه ونزعتي له ملابسه و..و.. ثم علقتيها بالدولاب؟ (ولا منطوله بطرف السرير)
يبي يدخل الحمام وياخذ دش؛ (كرري السؤال حق دش الصباح).
بعد الدش يبي أسترخاء، رجليه تألمه من الوقفه طول النهار والمشي، جسمه هلكان؛ هل ريحتيه؟ (طشت مويه وملح وهاتك يا تدليك)
الآن يبي غفوه قبل الغدا، هل ساعدتي على توفير الجو الهادئ؟
لما صحي؛ هل وجد الغدا جاهز ولا هو اللي جابه معه من المطعم؟
بعد الغدا أكيد يبي شاي، هل قدمتي له الشاي، وجلستي معه سواليف، وكيف كان يومك؟
الآن فتره مستقطعه إلى الليل، وشلون قضيتوها؟
بالليل وقبل النوم على الأقل ساعتين (إذا فيه عيال أكيد ناموا)؛ وش كنت لابسه؟ كيف رائحتك؟ وشلون صورتك وهيئتك أمامه؟
خلال الساعتين: وش من جو عيشتيه فيه؟ يمكن تتابعون فلم ولا مسلسل وسواليف، بس الجو العام شلون؟
وقت النوم، وأنتي رايحه السرير؛ وش كنت لابسه؟ كيف وضعية النوم مع زوجك؟ (وضعية حنان ولا كأنكم أثنين أصدقاء أستأجروا غرفه بفندق وما لقولهم الا غرفه بسرير واحد (كنج بد) وكل واحد نايم بجهه)

بإختصار لكل الأسئله السابقه:
هل كنتي أنثى مع زوجك السعودي وعيشتيه جو زوج وزوجه؟

طبعاًَ هذى مو كل الأسئله المطلوبه من زوجه أنثى، لكن المهم منها والمطلوب حتماًَ وحق الزوج فيها.

إلى كل إمرأة سعودية تبحث عن زوج حق دلع ولا كلام حلو:
ضعي درجه من 100 على كل سؤال، ووزعيها بحسب الأهميه، ثم أجيبي الإجابه الصحيحه، ومن ثم اجمعي الدرجات التي حصلتي عليها.
كم مجوع الدرجات اللتي حصلتي عليها؟
0% ولا 10% ولا 50% ؟

طبقي النتيجه على المعلومه الزراعيه التي أعطيتها أول الرساله عن الأرض. إعتبري النتيجه هي نسبة إهتمامك بالأرض. والأرض زوجك كيف بتكون الثمره اللي تحصدينها؟

(الثمره أكيد الدلع والكلام الحلو و... و....) اسألي مزارع إذا احتجتي مساعدة.

في النهايه: أتمني من المرأه السعوديه اللي تبي الدلع ما تاخذ لبناني،

واللي تبي الكلام الحلو ما تاخذ سوري واللي تبي...واللي تبي....واللي تبي....

كفايه يكون في العالم العربي كله بس السعوديين محرومين من أنثى.

معلومة أختتم فيها رسالتي:
تعرفون ليه الزوج السعودي يفغر لما يشوف امرأه متبرجه وتطيح سعابيله.
تعرفون ليه الزوج السعودي لما يجلس وزوجته يتابعون التلفزيون وتطل المذيعه عيونه مفنجله بالشاشه.
تعرفون ليه الزوج السعودي لما يتزوج من سوريه ولا مغربيه ولا...ولا...

يحس ان فعلاًَ فيه جنس آخر بالكون غير الذكور.

لأنه في الأصل عايش مع واحد من ربعه.

منقول من الواقع

برأيي الشخصي انه لو فيه زوجة تسوي ما ذكر اعلاه ما راح زوجها يفكر مجرد تفكير بالزواج عليها الا اذا كان مجنونا او مريضا نفسيا

ملاحظة هامة / الموضوع طرح بهذا الاسلوب كتذكير للمتزوجين و المتزوجات و المقصرين والمقصرات فقط .

دمتم بوافر الودّ والمحبة

معرفتكم عسل صافي .. ومحبتكم فعل وافي وشوفتكم دواء شافي .. وتواصلكم معي كافي

[عشق القصيد]

ببصراحه احب المواضيع النقاشيه بس اسمح لي وشو تحسين انك انثى ومدر ايش
انا معك فيه بنات مهملات للرجالهن بس بالمقابل فيه ازواج مره جافين والله لو تحط لزوجها الشمس بكف والقمر بكف ولا يبين بعينه مره ~
عموماا ~ بالتوفيق للمتزوجين واتمنى لهم حيياة مقطعتها الرومانسيه

[عبااديR]

هلا بك وحياكي واسعدني مرورك ومن هنا ان شاء الله راح نتعرف علي كثير من اراء اخوتنا المتزوجات

[ملاكـ الطهر]

ايش هالهجوم عالسعوديات
حسستني ان السعوديه موب انثى الله يهديك بس

هالرسائل اللي تنقل اكيد مزح مثل اللي تنقل بين الشباب
بالعكس السعوديه دايم تدور رضى زوجها بس مايملا عينه شيء وتتحمل عيووبه وصابره عليه اما انتم ومو الكل اي عيب منها ماتتحملونه وتتشمتون !!!!
والا بنات الدول المجاوره بالشحاطه على وجهه وتخليه يكنس وينظف ويغير للاطفال و و و هذا الشيء معروف وشفتها بعيني بس مشكلتكم متاثرين بالمسلسلات

اما انتم السعوديه معيشتكم امرررراء

اتعجب من هالمواضيع ماادري ايش الهدف منه تخلون العالم تتشمت على شيء غلط
بفهم ليه حكمتوا على السعوديات كذا انتم تشوفون مسلسلات سعوديه بحته تعرض هالاشياء او تتكلم عن حياة المتزوحين الخاصه؟؟؟
ولا تتكلمون مع السعوديات وتسالون عن حياتهاا ؟؟
كله كلام نت من نااااس تبي تشوه انوثةالبنت السعوديه لانها محتشمه ومافي مثلهااا وللاسف من السعوديين
السعوديه محافظه على بيتها وماتتكلم بهالمواضيع السخيفه سويت لزوجي وسويت لزوجي هالاشياء خاصه!!!
من فين تجيبون هالكلااام؟؟

[مريم عمر]

.. ووالله وناسه بابا نزله معاشه بنروح الالعاب نصرفه كله....الخ هذي الاغنيه تحمل رساله عظيمه من الفساد المتفشي في المجتمع للاسف وبمجرد مااسمعها بالغلط اجلس الرددها..ليه؟؟!!
لان لها فعل غسيل المخ.. كلهاعباره عن جمل غير ذات المعنى تتكرر بشكل مستمر...>>يازيني لتفلسفت
المهم
الله يعين
بعض وبعض وبعض ماهو كل الحريم مايملى عينهم الا التراب لاوالنظريه الدارجه بخلص فلوسه لهدف بنفسي
وآخر شي الطقه براس اخوانه واهله يجيهم زي الشحاد ابغى فللوس
لازم الرجل والمرأه ويعرفون اش لهم واش عليهم بحدود كل شي بحياتهم فلوسهم اخلاقهم تربيتهم..
وبس

[قحطه]

لحول الله والله الجدل هذا ماراح ينتهي حملات على الفيسبوك وتويتر ومنتديات شغاله ليل نهار هذي فيها وهو فيه يعني والنهاية والاخير وين بنوصل خلاص اللى يبي يتزوج من ديرته هو حر ولي يبي يتزوج من بره هو حر والبنت اللى تبي سعودي هي حره واذا تبي من برا بكيفها وبس انتها الموضوع

[ملاكـ الطهر]

المشاركة الأصلية كتبت بواسطة قحطه

لحول الله والله الجدل هذا ماراح ينتهي حملات على الفيسبوك وتويتر ومنتديات شغاله ليل نهار هذي فيها وهو فيه يعني والنهاية والاخير وين بنوصل خلاص اللى يبي يتزوج من ديرته هو حر ولي يبي يتزوج من بره هو حر والبنت اللى تبي سعودي هي حره واذا تبي من برا بكيفها وبس انتها الموضوع

برافوووو

بجد مدري ايش الفااااايده
المشكله يعممون وانا اكره اسلوب التعميم
في كل مكان الزين والشين
بالسعوديين وغيرهم

[UnItEd CoLoRs]

الله يرضى عليك أخوي عبـــادي نقاش جميل
ودي الأنثى قبل لا تخرج من بيت أهلها كان أحد يدلعها ويحسسها بأنوثتها
ولا يشخط في وشها ليل نهار زي العيال هذا غير كسر الناموس و الاستضعاف
ولا فيه توعيه
أعرف بنات لما كانوا صغار يحسبوا نفسهم عيال ليه ؟
اهلهم يلبسوهم زي العيال و يتكلموا معاهم بنفس الاسلوب

ي عيال الي عندهم أخوات حنّوا عليهم و خدوا بخاطرهم حتى لو كانوا أكبر منكم مايمنع تتذكرها وانت جاي من مشوارك بحلاوه لو كانت ماتاكلها كيسة كلينكس شكلها حلو قول لها حطيها في غرفتك بس كذا عجبتني و تذكرتك اديها رنه من جوالك وسكر و إذا سألتك قول لها انتي ع بالي بس لازم تعرفي حركات لطيفة و عادية في نظركم بس لها أثر جميل و كلموهم بلسان معسول صدقوني حيحطوكم فوق روسهم

الله يسعــدكم وصباحكم رضى

[يارب يارب يارب]

اللي ذكرها الاخ في الموضوع موب أنثى هاذي عبده شي مخلوق لرضاه بس خدمه خدمه خدمه
المهييم الأنوثه موب في الخدمه وتحضير دش وفطور وماني عارفه ايشش اذا هو يبي الانثى لازم هو يصير ذكر بلأول
وشكرا

[عبااديR]

عن أبي هريرة عن النبي صلى الله عليه وسلم قال : { لو كنت آمرا لأحد أن يسجد لأحد لأمرت المرأة أن تسجد لزوجها } أخرجه الترمذي وقال حديث حسن وأخرجه أبو داود ولفظه : { لأمرت النساء أن يسجدن لأزواجهن لما جعل الله لهم عليهن من الحقوق } وفي المسند عن أنس : أن النبي صلى الله عليه وسلم قال : { لا يصلح لبشر أن يسجد لبشر ولو صلح لبشر أن يسجد لبشر لأمرت المرأة أن تسجد لزوجها ; من عظم حقه عليها والذي نفسي بيده لو كان من قدمه إلى مفرق رأسه قرحة تجري بالقيح والصديد ثم استقبلته فلحسته ما أدت حقه } وفي المسند وسنن ابن ماجه عن عائشة عن النبي صلى الله عليه وسلم قال : { لو أمرت أحدا أن يسجد لأحد لأمرت المرأة أن تسجد لزوجها ولو أن رجلا أمر امرأته أن تنقل من جبل أحمر إلى جبل أسود ومن جبل أسود إلى جبل أحمر : لكان لها أن تفعل } أي لكان حقها أن تفعل .