بنات القطار المستجدات تعالو هنا كل مايهمكم ..

[غربه]

السلام عليكم ورحمة الله وبركاته ..


انا طالبه من الدمام بكلية التربيه الأحساء ..

لاحظت فيه بنات كثار نفس وضعي من الدمام يدرسون بالإحساء ..ومحتارين بين قطار وسكن ..


وانا كنت بمثل هالوضع السنه اللي طافت حيره وتشتت ..

لاكن الحمدلله ربي رزقني بوحده من طالبات الخبر ساعدتني ولله الحمد ..


ولأن أهلي رفضو فكرة السكن بتاتاً أظطريت اروح وأجي بالقطار ..


توقعت الوضع راح يكون فيه مشقه وتكاليف وهذا اللي لاحظته من اول ترم ..

لاكن الترم الثاني ولله الحمد المسأله هانت لولا بعض الإشكاليات البسيطه ..

راح أقــولكم على شغله ..


بنآت القطار دايم مجتهدين ومتفوقين أكثر من بنات السكن والإحساء ..

تدرون ليش !

لأنهم يكافحون ويحتسبون في طريقهم لطلب العلم ..

وبنات القطار دايم ع قلب واحد ..

تدرون ليش!

لأنا محتاجين لبعض بكل خطوه ولأنا دوم مع بعض ..


ع العموم راح أبذل جهدي عشان اوصلكم الوضع اليومي ..

عشان ماتجهلون الوضع اللي انتم مقدمين عليه ومايكون فيه تخوف ..

وأحب أكتبلكم حكمتنا البسيطه :

من طلب العلآ ركب القَطار

تآبعوني ~

[غربه]

موقع السكك الحديديه

http://www.saudirailways.org/portal/...rainScheduleAr

بداية مواعيد الرحلات :

http://www.saudirailways.org/portal/...rainScheduleAr

http://www.alyaum.com/services/train.php

سعر التذكره :

20 ريال لدرجة القافله بعد التخفيض المخصص للطالبات فقط ..

وباقي الدرجات:
*الرحــــــاب، وهي الأفخم، ويتميز ركاب هذه الدرجة بتخصيص مقاعد وثيرة ومساحة واسعة، والاطلاع على الصحف والتلفزيون.
٤۰ ريال
*وتأتي درجة الطليعـــــة في الدرجة الثانية من الفخامة والراحة وسعة العربة.
٢٥ريال
*درجة القافـــــــلة وهي درجة الإركاب العادية. >> أوالطلاب بمعنى أصح ..
١۰ ريال

شركة تدابير للسكن ونقل طالبات القطار :
جوال : 0505934865
عندهم موقع ع النت لاكن للأسف مالقيته =(

[غربه]

بعد ماتروحين محطة القطار وتقصين تذكرتك وتمرين تفتشين اغراضك ويتأكدون من بطاقتك الجامعيه ..


تتوجهين للقطار :




وهنا الوضع من داخل درجة القافله اللي يقعدون فيها الطالبات :




وطبعاً الصبآح هدووووء ..

اللي تفرش بطانيتها وتنام واللي تذاكر واللي تفطر واللي تتمكيج =)



لاكن افيد شي ممكن تسوينه بها الوقت هي المذاكره لأن الهدوء يساعد والذهن يكون متفتح فترة الصباح وبالتالي المذاكره تكون افضل :g8:



بعد ساعه نوصل بقيق ويركبون طالبات بقيق ..

وبعدها بساعه نوصل الحساء ونلقى الباصات تنتظرنا ..


فيه باصين لبنات الجامعه ..


تدابير ورغد ..

تدابير ارقى من حيث الخدمه حتى انه يخصص ايام يكون فيها الغداء مجاناً من اي مطعم تختارينه والباصات مريحه جداً وواسعه وعلى أحدث موديل

لاكن تعامل السائق السعودي رسمي جــداً .. ودقيق بمواعيده ومافيه تساهل ..

وياخذ في الشهر : 250 ريال

رغد باص واحد فقط لاكن السائق جداً مهتم بالطالبات يكلم اللي تتأخر ينبهها والبنات معتبرينه زي ابوهم .. للأسف ماعندي رقم باص رغد اللحين إن شاء الله بسأل وبحطه هنا =(

ياخذ بالشهر : 200 ريال

ولما تركبين الباص ظروري تحطين موعد خروجك :

وممكن تحطين بعض الملاحظات للسواق مثل: تطلبين منه يجيبلك كتاب معين او يقصلك تذكره او يبدلك تذكره ويعدل المواعيد أو يجيبلك غداء لوقت الرجعه

يتبع~

[غربه]

هذي كانت الأنطلاقه نشوف العوده ~

طبعاً مهم جداً تبكرين بالخروج من الجامعه وتركبين الباص بدري أحتياط لأن هالمسئله مافيها تهاون إذا تأخرتي راح تأخرين البنات كلهم عن موعد القطار وممكن يفوتكم وتقعدون بالحساء لاسمح الله ..


لما توصلين المحطه راح تقعدين مع زميلاتك بالويتنق أو صالة الإنتظار:




ولما يوصل القطار ماتنفتح البوابه إلابعد ماينزل جميع الركاب :



وطبعاً يكون فيه مسافرين بدرجة القافله غير طلاب واغلبهم عوائل معهم اطفال فممكن يصير شوية إرعاج للي تبي تنام بالرجعه


ويصير أحياناً زحمة :011:


ولآكن عالعمـــوم الرجعــه ممتعه جداً ..

اغلب البنات يطلبون غداء من سواق الباص ويبدون يتغدون سوا:



احياناً البنات تجيهم حالات ويلعبون العاب سخيفه مثل حيوان جماد لأكن نسسسستمتع فيها بشكل =):






وأحياناً البنات تجيهم حالت بلع ماتوقف إلا لين نوصل الدمام =):




واحيانا البنات يتابعون الـ Tv:




فيه بعض البنات ينبسطون ع توم وجيري لما يحطونها لنا



بعد ماتوصلين محطة الدمام بالسلامه

روحي بيتكم >> لااازين علتمينا ..


يتبع ~

[غربه]

ظروري ظروري ظروري

تكــــون شنطتكــ كبيـــــــــره عشان توسع اغراضك انتي مو بس طالبه إنتي مسافره ..




والبــوك بعد أو المحفــظه لازم تكوون كبر قريح عشان تشيل بطاقاتك وتذاكرك




شنطة المكياج ظروريه لك كل الوقت تتمكيجين بالقطار لاكن مامعك وقت تتمكيجن وانتي قايمه الفجر متجهه للمحطه لو تأخرتي دقيقه فاتك القطار :






تحتاجين لـ:



بطانيه خفيفه .. لأنك راح تنامين اغلب البنات يجون المحطه مو شبعانين نوم لأنا نصحى بدري عشان موعد القطار




جل معقم :



لأن القطار يركبونه ركاب كثير من مختلف الألوان والأشكال فشي طبيعي إنك تحتاجينله هذا غير عن إنه اجراء وقائي مهم للوقايه من الفايروس المنتشر كفى الله الشر ومن البديهي انك بتحتاجينه بالجامعه بعد ..


ظروووووووووووري تاخذين معك ورقه صغيره او دفتر من اللي موجود بكل بيت وبكل مكان لأذكار الصباح والمساء عشان ربي يحفظك من الشرور بإذن الله :




حلو تحطين بشنطتك كتاب خفيف يسليك ويفيدك ولاحلى والأجمل لما تحاولين تحفظين جزء من كتاب الله وستثمـرين وقتك بأفضل طريقه وتلتمسين من هالطاعه إن ربي يوفقك بدراستك :






انصحك بكتاب طريق النجاح لعائض القرني راح يحفزك ويفيدك ويملأك بالهمه ..






راح تحتاجين لحالات الطوارئ يكون بشنطتك منها ..

الجامعه تسكر الكافتيريات الساعه 2 ونص وأ حياناً تتأخر عربة الطعام فعشان كذا الإحتياط واجب ..




شيء مهـــــــــــــــــم :011:

يتبع ~

[غربه]

*بما أنك مستجده راح يتأخر إصدار بطاقتك الجامعيه اللي هي شرط أساسي لركوب القطار عشان كذا تجيبين بدالها نسخه من بطاقة العائله ْ~

* لآزم تطلعين تصريح من المرور عشان تركبين الباص وهالشي راح يفهمكياه عن طريق الجوال سواق الباص ..

* مهــم جداً يكون عندك باليوم اكثر من محاضرة ماتسوى عليك 20 ريال ومشوار عشان محاضرة وحده >> تفكيرها مادي شوي

* الوقت ثم الوقت ثم الوقت ظروري يابنات لازم تتعودين على تنظيم الوقت اذكر وحده من البنات كان عندها إمتحان وسهرت طول الليل تذاكر ولما صحت اكتشفت انها تأخرت بسرعه لبست وراحت القطار لاكن للأسف القطار فاتها:011: ترى القطار ماينتظر احد مو زي الباص اللي متعودين عليه ْ~



* لازم تتأكدين ان بوكك فيه بطاقاتك الجامعيه وتذكرتكـ اهم شي لاتظيع ولازم ماتخلى محفظتك من الفلوس لحالات الطوارئْ~




وبالنهايه تذكري انك طالبه مميزه ومالك امثال بالسعوديه كثار

مافيه احد غيرنا بالسعوديه والخليج بكبره يروح الجامعه بقطار

هذا تميز ..

وتذكري بعد انك تكافحين بطريق العلم وان تعبك وشقاك تؤجرين فيه واحتسبي كل ماتعبتي

حطيها ببالك :

عَنْ أَبِي هُرَيْرَةَ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ مَنْ سَلَكَ طَرِيقًا يَلْتَمِسُ فِيهِ عِلْمًا سَهَّلَ اللَّهُ لَهُ طَرِيقًا إِلَى الْجَنَّةِ


وصدقيني هالطريق الطويل اللي تمرين فيه بيخليك تشدين حيلك غصبً عنك لأنك تحملتي كثير عشان توصلين هالجامعه ..

وحده من صديقاتي عندها خالين واحد يركب القطار وواحد يروح بسيارته للحساء اللي يركب القطار ماشاء الله اللحين موظف ببنك وراتبه واصل السماء


لأن اللي بالقطار كان يقضي ساعتين مذاكره بالروحه وساعتين ينام بالرجعه ,,

نظم وقته واستفاد من الطريق ..


وحده من البنات محوله من كلية الأداب بالدمام تقول انها حبت القطار بشكل من ثاني سنه لأنه لما تتعودين عليه بتحبينه ..




اتمنى اني قدرت اجمع اهم النقاط بها الموضوع

وقدرت اخليكم تستفيدون منها

اعذروني كتبته على عجل ..


واللي افدتها بشي أمنتها تدعيلي ادخل التخصص اللي ابي ْ~

[guess!!]

واااو
حبيت القطاار
تمنيت اني أروح وأجي <<

ما شاء الله عليكم مكافحات في سبيل العلم:g8:

يعطيك العافية ع الموضوع الراائع شغل متعوووب عليه

وأتمنى البنات يستفيدون منه وينضمون لكم

موفقيين جميعا

[Benoo]

ماشاء الله


يسلموو غربه على الموضوع

راح يفيد و يحمّس البنات اللي متخوفين من القطار

انا في سكن خاص وتحمست صرت ابغى اروح بالقطار

وان شاء الله تدخلين التخصص اللي تبينه

و تآخذين الدكتواره فيه بعد

[مناكير]

واااااااااااااو مره حمااااااااااااااس:g20:

تمنيت اكووون وياااكم

بس خلاص حجزت لي سكن

.....

موفقه ياغاليه

[روحي فداهم]

مشككووووووره خيتو الله يوفقك ويحقق لك الا تبيه

ابي اسالك الروحه ب10 والرجعه ب10 .؟؟؟ والا روحه والرجعه ب10 ؟؟