[ السنة التحضيــرية ] : حياااكم طالبات السنه التحضريه هنا

[روح الحس]

أخواتي العسولات المقبولات بجامعتنا العزيزه لعام 2011 ولكمووووا فيكم وويالله حيااااه
أنا قررت أنزل هذا الموضوع لغايه وهي مساعده طالبات السنه التحضريه معنوياً ونفسياً للتكيف مع طبيعه المرحله اللي منتقلين إليها ألا وهي الجامعه صحيح الوضع سام هاو فري لكن من حيث الدراسه صدقوني يبله جهد وإراده لأنه الوضع مختلف ميه بالميه عن المدرسه المعلمه في المدرسه كانت هي إللي تلاحقكم عشان تقول لكم ترى بكره في أختبار الجامعه اما في الجامعه الوضع يختلف الكتواره تحط رجل ع رجل وأنتي إلحقي وراها ولا في ساعات مكتبيه محدده لها بالمختصر المفيد هنا في جامعتنا ستعاملون ككبار ذوي مسؤليه وفرصك ستكون قليله لذا سيتوقع منك تحمل المسؤليه والواجبات بدافع ذاتي,وتحمل النتايج والعواقب تبعاً لذلك , ستكوني مسؤله عن قراراتك وأفعالك وطبيعه حياتك ,ولكنك ستكونين محاسبه عن تصرفاتك وردود فعلك.....
لذا حاولي تركزي أختي ع الهدف إللي بذلتي جهد عشان توصلين للمرحله هاذي ألا وهو دراستك..
حبيباتي ضيعتكم معاااي ساعه فصحى وساعه عاميه المهم تحاملوني
وش رأيكم تكون هذه صفحه خاصه فيكم وللكل أستفسراتكم وكثير من الأمور إللي حابه أقولكم عنهاخصوصاً أني أنحطيت بموقفكم وتعرضت لمواقف ماودي تنحطون فيها لان بطبيعه الحال حياتك الجامعيه لأزم تتعرضين لحالات واقعيه من الفشل والنجاح .....
الموضوع حلووو وراح نستانس ونفش خلقنا فيه نبدا من بكره أول صفحه ياليت تدخلون تعرفون عن حالكم .......... ع فكره الموضوع للجادات فقط وإللي يهمهم النجاح في مستقبلهم الجامعي لذا أي موضوع يخص الموضه أرجوا أستبعاده هناك مواضيع تهتم بهل الأشياء وسلام

[c!nema]

-


الله يوفقكم

واي مساعده او سؤال اعرف اجابته ماراح ابخل فيها

[حكآية مشآعر..]

اي والله تعرضنا لمواقف ماننحسد عليها
انا ماتعودت على الكليه الا السمستر الثاني <<<زين تعودتي بعد

[برنسيسه جامعيه]

هلا والله بخواااتنااا التحضيرريااات <<<الي يشووفهااا يقوول تخصصت

السنه التحضيريييه يبيله شده حيييل شوووي
طبعاا اوول مااداااوموون بيصييبكم احباااط شوووي خصوووصااا ساالفه الجداووول بعدييين القااعااات واحيااناا يغيرروون الاسااتذه ولاا القاااعه

بس لمنن تتعوودوون راااح يصييير كل شي سهلللل وحلووووو مع الوووقت

بالتوووفييق لكمووو وفاالكم اكوووس معدل

[*Oni.K*]

ارحبووو بخواتنا الصغاااار

مثثل مااقالو الصبايا رااح يجيكم احبااط ورااح يتغير عليكم الجوو
كل شيء بيصير غير المحاضره لا تاخرتي عليها خمس دقايق يعني غايبه طبعا الا من رحم ربي من الدكاتره والمعيدات
مااراح تتعودي على جو الكليه الا الترم 2 لانوو كذا خذيتي معلومه عن الكليه
شسممة يعني حااولوا قدد ماتقدروون تفهموون ع الدكتوره بالمحااضره لانوو البشرح مابينعااد مرتين
والكلالاس مابيكوون نفسووه لا كل محااضره بقااعه وماشاء الله باليوووم الوااحد بتسووووين رياااااضه تخفييين منهاا


واي استفسااار انا جاااهزهه

[روح الحس]

فديت إللي منورين موضوعنا clnema,حكآيه مشاعر,برنسيسه جامعيه,ساحبه ع الدنيا
نورتونا صراحه يعجبني التفاعل إللي كذا
((جميل أن يكون لك تجاربك الخاصه لتشارك فيها الأخرين,والأجمل أن تعلمهم أين الصواب وأين الخطأ لتساعدهم ع تفادي الأخطاء التي أن وقعت بها مسبقاً فما الذي يحفزك ع ذلك ورغبتك الدائمه في تقديم الخير والمشوره للأخرين فافي النهايه أنت أنسان خسر))

[روح الحس]

بنات السنه التحضريه وش توقعاتكم من المرحله الجامعيه يعني وش هو المقصود بكلامي بحالات من الفشل إللي ذكرتها في مقدمه الموضوع أتمنه تسدحوها هنا ياحلويين راح يكون بدايه صفحتنا بنات التخصص أتمنه تشركونا وتتحفونا بتجاربكم.....

[مشاعر رقيقه]

هلا فيكم بنات

شنو سالفة الجداول والقاعات

[جامعية مقهورة]

يا عزيزتي سالفة الجداول و القاعات ان اول اسبوع دوام تروحين تدورين اسمك في قائمة الاسماء هم يعلقونها و تشوفين كم رقم شعبتك بعدين تستلمين الجدول بس ما اعرف من وين تاخذينه لان مالهم مكان محدد احنا السمستر الاول خذناه اعتقد من الشؤون و السمستر الثاني من دكاترة كانوا في مكان معين و انتي تروحين و تقولين لهم كم رقم شعبتك و تعطيك و ترا الجداول طول السمستر تتغير مو ثابته ممكن تتغير الدكتورة او الدكتور و تتغير القاعات
اما بالنسبة للقاعات الللللللللللللللله يكون في عونكم على الحوسه مرح تدلون المباني الا في السمستر الثاني او السنه اللي بعدها
والله لحس مخ
بس لا تتعقدون من كلامي و تخافون ترا عادي الوضع سهل و بتمشون و تتعودون ان شا الله
و ابشركم بتهسترون مع الجامعة و جوها احلى شي يوم الاووف

بالتوفيق

[آناستازيآ]

شوفو يا حبايبي

من اولها امشو صــــــــــح مع الدكاترة ,, مواد التحضيري سهله يمديك اذا شديتي على نفسك تجيبين معدل ممتاز
الحلو في التحضيري انك طول السمستر مع نفس الطالبات كأنك في المدرسة وهذي فرصه حلوه لتكوين صداقات
الحياة الجامعية يغلب عليها طابع العمل الجماعي وروح الفريق ممكن تشتركون في بحث او واجب او عرض جماعي فنصيحتي لكم ألزقو بالشطار واشتغلو معهم شغل جد لا يكرشونكم وعلى قد التعب راح تلقون النتيجة الطيبه ان شاء الله ..
اظهري اهتمامك واثبتي نفسك حركة الطالبة الهادئة المؤدبة ماتمشي عليهم يا بابا اكثر من 50 بنت في الشعبة بيلحقو على مين ولا مين

نصائح عامة
1/ البسي شوز فلات مريح لانك عزيزتي طالبة التحضيري راح تاكلي هوا من المشي والكرف بين المباني
2/ عندنا قاعات ومدرجات لازم تفرقون بينهم (القاعة) داخل السيب في القسم و(المدرج) في الدوائر اللي برا القسم <<محتاسه منهم
3/ لا تشترون من مكاين القهوة اخر الدوام لانها راح تطلع لكم مويه حارة
4/ الكابتشينو بالبندق لذيذ جربوه
وشكرا