قصيدة ابن مساعد بعد تركه رئاسة الهلال

[(فـ@ـد)]

(سبعة اعوام)

سبْعَة أعوام مرَّت وكل وافي خجول

وكل مغرض وجاحد سافر الابتذال

سبعة أعوام تاهت بين رفض وقبول

ولأني اللي مْقَصِّر ولا بلَغْت الكمال

سبعة أعوام فاتت في صعود ونزول

وهذا حال الخلايق وكلنا للزوال

سبعة أعوام راحت بالعمر للذبول

وانْجلَت لي حقايق وانجلى بي خيال

سبعة أعوام هزَّت كل ثابت أصول

وما سواها السَّفاله راسخة كالجبال

يعلم الله عطيته كل ما كنت انول

صحّتي ؛ صفو وقتي؛ جهد مضني ومال

ويعلم الله بأني ما سمعت لعذول

مرتكي دوم لجله للحمول الثّقال

معضلات ومصاعب هم عاتي مهول

وانتصارَهْ ثواني وانكسارَهْ لَيال

طبع هالقوم يدعو للقرف والذهول

سهل في اعوجاجه صعب في الاعتدال

من مدَح فعْلك أمسى قارعٍ للطبول

ومن مشى بْذمّك أضحى حر صادق مقال

في وسَط يزْدهر به مرتزَق مع جهول

وكل تافه وفاضي ما لقى له مجال

وكاتبٍ يحْسِب انّه حاز كل الحلول

للمشاكل من ادم لين يوم المآل

كل شيٍّ يعَرْفَهْ (مدري) ما هو يقول

(قوقلّي) المدارك جاهز بْكل حال

وساقط بْدَرْس الإمْلا بْكل شاشه يجول

يستفيض وينظِّر عالم ابن الحلال

وناقدٍ تاه ليله بين فسق وكحول

كل أسبوع يكتب عن كريم الخصال

ولاعبٍ صار نجْمه في سقوط وأفول

لا هو الّي توارى أو لقى اعتزال

ما سلم كود ثلة فاضلة من وحول

ساحةٍ للبذاءة دامت أوضح مثال

ثُلّةٍ مستقيمة باختلاف الميول

مايله في خطاها عن دروب الخمال

كل وقتٍ بتلقى به كرام الفعول

والهدى غصب يبقى مهما عم الضلال

يا فخور بعيوبي وش تبيني أقول

غير إن المراجل نادرة في الرجال

وانّ سقْط الأراذل خاويين العقول

أكثريّة زمنّا دون أدنى جدال

وانّ الإنصاف يبطي وابن آدم عجول

قالها في كتابه القوي ذو الجلال

عن سوانا ابتعدنا وما قربنا لوصول

سايرين وعلى الله وحده الاتّكال

وكل إنجاز باقي رغم إنّه يزول

وكل إخفاق زايل لو نُسي ما يزال

يامكرر سؤالك حرص مدري فضول

ماني لاقي إجابه ولا هضمْت السّؤال

وش مكاسب كتوفك يا ثقيل الحمول
وش خساير ظروفك من رأسْت الهلال؟

[أبو يزن الأحمري]

بالتوفيق للأمير عبدالرحمن بن مساعد في حياته المقبله وبالتوفيق للنصر في مشاركاته الآسيوية :)

[المندوب السامي]

صح لسان شاعرها

ولاهنت على النقل

تم نقلها للقسم الادبي لعدم تكرارها بالقسم الرياضي

بن مساعد يودع الهلال بقصيدة

[ابوباني]

ولاعبٍ صار نجْمه في سقوط وأفول

لا هو الّي توارى أو لقى اعتزال


ياكثرهم ياسمو الامير لك التوفيق وصح السانك

[طلال المطيري1]

كاااان زماااان الشاااعر يكوون هو القائد ثم جاء اجيال وصار الشاعر هو كبيير العشيره او القووم ثم اجيال وصار اكثر واكثر للرجال اللي فيهم الخير وكذا ....ثم جاء هالجيل وصار مع ........اي شخص مع الاحترام يقول انا شاعر ..
............
تعجبني قصيدته اللي قبل مده...يقول فيها انا شاعر غصب عن أنف .....مدري ايش..
..يعني وصلنا حتى بالشعر غصبن عنك تقول عني شاعر ههههههه اللهم لاشماته.
....
والله الاغلبيه او المتذوقيين للشعر تعرف القصيده الجزله وتعرف اللي يقراء جريده .
.يا اخي عندنا احساس مايمكن لها الدرجه يستخف فينا...
انا لا أعلق على هذا الرجل . ما اقول فيه شي لكن ليس بشاعر..فيه من يخالفني وفيه من يوافقني ..
تبقى حريه رائي لاأكثر

[طلال المطيري1]

وأضيف نقطه عشان ما أحد يقول انت ضد او ضد
من الأمراء تعتبره شاعر يعني ...الكبير ..وابن عبدالمحسن

[Dr ʀeнαв]

_

ربي يوفقَه في حيآته
وداعه صعبَ لكن لا بد منَه
وبالتوفيق للزعيم في مشوآره
يعطيك العافية على النقل ياخوي
كل الشكر لك

[(فـ@ـد)]

أخي واستاذي الغالي طلال !! والله فيه شعراء كبار جدا ولهم اسمائهم ما اشوف في شعرهم زود لكني ابرر ذلك بأن اسلوبهم لا يتوافق مع وجداني ومشاعري .. وابن مساعد ما أقول انه فلتة زمانه ولكن له قصائد جميلة كأي شاعر وله بعض القصائد (اي كلام )...واحيانا اجده يسرد الشعر سردا نثريا مملا واحيانا اجد في القصيدة بعض الابيات التي تستحق الاعجاب . وبعض الرجال اللي تقدرهم لو يقول بيت مهزوز او مكسور تحفظه له .. مثل اشعار جدي وجدك وابوي وابوك ...والرجل بعيدا عن الرياضية يستحق الاعجاب -مني على الاقل - رغم انني لا أحب المشاهير او اصحاب المناصب كما يقول احد اصدقائي شكرا لك وشكرا لذائقتك الفخمة التي اعرفها في مواضيع اخرى .
تقبل مودتي وتحيتي واحترامي ...

[طلال المطيري1]

صدقت فهد
يعني مثلا أبن جدلان انا من الناس اللي مايمكن اسمع له مباشره من ألقائه ولا افهمه لماذا الالقاء صعب عنده ...لكن أقراء له ومن فحولة الشعر في ها الزمن لاغبار عليه..والعكس صحيح
وامثال كثيره..
لكن لاتحاول تقنعني هذا الرجل ...........
تحياتي لك

[Gayda'a @]

..

تملكني القهر

عندمآ أعلن أستقالتهـ

..

شعرت وكأن الهلال خسر

أبأهمـ الروحي ..

..

وفقهـ المولى أينمآ رحل

..

( وبعض الرجال اللي تقدرهم لو يقول بيت مهزوز او مكسور تحفظه له .. مثل اشعار جدي وجدك وابوي وابوك ...والرجل بعيدا عن الرياضية يستحق الاعجاب -مني على الاقل - )

..

صدقت يآ سيدي ..

والله أن بعض الرجآل .. مكآنتهـ ومقدار الأحترام الذي تكنهـ لهـ

ويفرضهـ هوعلى الجميع .. ؟! يجعلكـ ترى كل حرف .. منهـ كيفمآ كآن

كـ الذهب الذي لا يقدر بـ ثمن ..

..

أحسنت القول .. والرد ..

على الأخ طلال ..

..

شكرآ لـ طرحكـ

سيدي ..

..