قصص الجن...!!!

[دمعه الشوق]

السلام عليكم ورحمة الله وبركاته


(((((( الجن قصص )))))))


هذي بعض القصص بس ما أبى أحد يحلم في الليل ههههههههه
وهي حقيقة


ولا تنسون أن الجان من مخلوقات الله





القصة الأول
صارة لواحد
عندما كان في الثانوية في أحدا المحافظات جنوب الرياض وهذه القصة قبل تقريا 20 سنه


بداية القصة
عشرة شباب قرروا أن يطلعون للبر وهذا المكان موحش
المهم ويوم جت الساعة ثمان الصبح تقريباً تحركوا و معهم يمكن أربع سيارات
ويوم وصلوا للمكان وفرشوا البساط شافوا حمار ياكل عاد الشباب ماصدقوا
وستلموا الحمار ألي يشوته وإلي يركب فوقه وإلي يمحطه وفي الأخير
تركوه خلوه ينحاش المهم وثم جلس يطبلون وإلي يرقص وإلي يغني
(مع التوضيح هذا الفعل حرام ) ومطولين على المسجل وفلة أحجاج
ومع ذلك فانه يصلون وجاء الغذاء وجاهم بدوي ضعيف قال أبغى آكل معكم
ردوا وقالوله (أنقلع أنقلع) والبدوي راح وهو زعلان وجاء المغرب وشبوا النار
(في الشتاء) وسواليف يمين ويسار وضحك وسعة صدر وجاهم بدوي ثاني
سلم عليهم وخش معهم جوا يسولف معهم (ويعطيهم من الرخيص)
وهم كان ومقابلينه يعني قدامه وبينهم النار وفجاءه وهو يسولفون
<وصار يناظر وراهم ويقول لا إله إلا الله > ألتفت الشباب كلهم على
ورى يناظرون وش يناظر وشافوا شي غريب
وش تتوقعون شافوا ؟؟؟؟
شافوا رجال شايب يمشي بعصى وشعره طويل وعيونه تنور حمر (كأنه ليز)
وجاي لمهم عاد الشباب بعد ما شاف هذا المنظر رجعوا يناظرون قدام
ومالقوا البدوي إلي يسولف معهم (إختفا ؟؟؟؟)
الشباب إنحاشوا وإنقسموا مجموعتين ناس يمين وناس قدام لين تقابلوا في الشارع العام
ثم ركضوا مع بعض في الشارع وفجاءه لقوا الشايب نفسة قدامهم مره ثانية
رجعوا وراء ( ويقول راوي القصة صرنا نركض في خط واحد الكل يخاف يصير الأخير)
المهم وقفوا السيارات الماشية تقريباً وقفت 6 سيارات الناس يقلون وش فيكم
وتختلط الأصوات إلي يقول جن وإلي بقى شوي وينهبل والناس مستغربين وش إلي يصير؟؟
المهم دخل بعض الناس وجابوا لشباب أغراضهم
وهذي نهاية القصة ..............


يـــــــــــا شباب انا قايلتلكم لا أحد يخاف الله يعينكم الليله





القصة الثانية صارت الشخص حسب روايته


وهي إنه وكم واحد من أقربائه قرروا يطلوعون لأحد الروضات تبعد تقريباً 150 كيلوا
عن الرياض أظاهر أنكم عرفتوها ؟؟ صح عليكم ورضة خريم


تقريبا عددهم 11 واحد
المهم وصلة الدفعة الأولى وهي أربعة أشخاص ومعهم الخيمة وهو واحد منهم
ومهم ددسن موديل 92 مصدي ههههههههههه
المهم بدوا يدقون الخيمه وهم يدقون جت المجموعة الثانية وهم أربع أشخاص
وجلسوا يساعدون في تزين الخيمة ويوم خلصو بعد صلاة المغرب
أتصلو على المجموعة الثالثه وصاروا مضيعين وراح هو واحد يدور عليهم
وطبعاً هو الي يسوق وكان الساعدة 10 الليل تقريبأ جلسوا 3 ساعات يدقون في الخيمة
ونزل الأغراض ونزين بعض الأشياء
المهم واحنا ماشين بالددسن ندور على الشباب الضايعين لقينا مجرى وادي يعني ما فيه موية
يعني غراز قالي وش رايك نقطع الوادي وإلا لا قلتله يالله أقطعه!! دخلنا وغرزنــــــــــا
تغريزة شينه الكفر ماينشاف حاولت أنادي الناس بالكنود علشان يطلعونا ولكن لا مجيب
المهم أخويننا المضيع وصل للخيمة وحنا معززين شاف اللمعة نور أو لمبات قال بروح أناديهم
علشان يطلعونا راح خويي وانا في السيارة بلحالي والدنيا ظلام والبطارية ضعفت
يعني ماأقدر أنادي بالكنود وانا جالس اناظر يمين ثم يسار وفجاءه ؟؟؟
سمعة ضرب قوي في القزازه (الشباك) إلي وراء ألتفت على طول ماشفت شي
قلت هذا خويي يستهبل وقلبي ينبض 15 نبضه بالثانيه
وبعد شوي ضربة قزازة السايق وألتفت مالقيت شي وبديت اتفلفس (هذا التمدد أليحصل
للزجاج عن شدة البرد) وماطولت الا والقزازه إلي جني ضربة ظربة قويه
وأنط (أقمز) على مرتبة السواق وأفتح النور وأحط على العالي وأشوف خويي
توه يجي من بعيد
جاء ومعه ناس معهم جيب وطلعونا والحمدالله على السلامه





القصة الثالثة "
هذه القصة حصلة لواحد من الزملاء والذمة على الراوي


يقول : أنهم يوم كانوا في المتوسط عنده عيال عم وكانوا هو وعيال عمه يلعبون في مزرعة
كبيرة ممتلئة بالنخل الرفيع أو الطويل وهذي المزرعة كبيره ومظملة في الليل
ويطلع منها أصوات أخر الليل
المهم لعب هو وعيال عمه محمد واحمد وأخته الصغيرة والحله (مكان الفوز) أول المزرعة إختبأ محمد مع خوينا ورى أحد الجدران
وأحمد والبنت الصغيرة يبحثون عنهم
وفجاءه البنت شافت محمد متعلق على نخلة وصرخت بصوت عالي (شفتك )
أحمد أنطلق بيمسك محمد إلي فوق النخلة .. محمد متوزي ورى الجدار مع خوينا ؟؟؟؟
وشلون صار فوق النخلة ؟؟؟؟؟؟ ++++++صاروا محمدين ++++++++
المهم أحمد شاف محمد فعلاً متعلق على النخلة ناداه وقال :تراني شفتك يا محمد وهو رافع صوته
إندهش محمد وخوينا ألي متوزين ورى الجدار !!!!!!!!!!!!!!!!!
وش السالفه ؟؟؟؟؟؟؟؟؟؟؟؟؟؟
راح محمد و خوينا لمكان الحلة وأحمد يناظرهم وهو متعجب !!!!!
توني شايفك فوق النخله وش لون جيتني
رد محمد أصلاً أنا متوزي ورى الجدار ولا قربة عند النخله
{ صار محمد ألي متعلق فوق النخله من (==== الجن ===== ) متلبس بشكل محمد }
{ ومحمد الأصلي متوزي مع خوينا ورى الجدار }
إنتهت القصة



وفي الختام وقبل ما نودعكم


أي واحد صار له موقف أو صار لأحد أقرباءه أو سمع قصة لا يبخل علينا



منقوووووووووووووووووووووووووووووووووووووووول

[تباشير الفجر]

قصص مرعبه بالفعل الله يعينا شكلنا مش نايمين اليوم :s11:

[دمعه الشوق]

ههههههههههههههههههه
لا عادي نامي ولا تخافين
مشكووووووووووره على المرور

[خوية الحاسب]

قصص مرعبة احب اقرائها

[طيوب]

:[QUOTE=دمعه الشوق;622595]السلام عليكم ورحمة الله وبركاته


(((((( الجن قصص )))))))


[size="6"][color="purple"]هذي بعض القصص بس ما أبى أحد يحلم في الليل ههههههههه




ومالقوا البدوي إلي يسولف معهم (إختفا ؟؟؟؟)
الشباب إنحاشوا وإنقسموا مجموعتين ناس يمين وناس قدام لين تقابلوا في الشارع العام
ثم ركضوا مع بعض في الشارع وفجاءه لقوا الشايب نفسة قدامهم مره ثانية
رجعوا وراء ( ويقول راوي القصة صرنا نركض في خط واحد الكل يخاف يصير الأخير)
المهم وقفوا السيارات الماشية تقريباً وقفت 6 سيارات الناس يقلون وش فيكم
وتختلط الأصوات إلي يقول جن وإلي بقى شوي وينهبل والناس مستغربين وش إلي يصير؟؟
المهم دخل بعض الناس وجابوا لشباب أغراضهم




ههههههههههههههههههههههههههههههه
هههههههههههههههههههههه
ههههههههههههههه
هههههه




بموووووووووت

من الضحك
اي رعب
قسم بالله ربع ساعة اضحك ماني عارف اكتب


كل كوم ومحمد كوم

.......وأحمد والبنت الصغيرة يبحثون عنهم
وفجاءه البنت شافت محمد متعلق على نخلة وصرخت بصوت عالي (شفتك )
أحمد أنطلق بيمسك محمد إلي فوق النخلة .. محمد متوزي ورى الجدار مع خوينا ؟؟؟؟
وشلون صار فوق النخلة ؟؟؟؟؟؟ ++++++صاروا محمدين ++++++++
المهم أحمد شاف محمد فعلاً متعلق على النخلة ناداه وقال :تراني شفتك يا محمد وهو رافع صوته
إندهش محمد وخوينا ألي متوزين ورى الجدار !!!!!!!!!!!!!!!!!
وش السالفه ؟؟؟؟؟؟؟؟؟؟؟؟؟؟
ههههههههههههههههههههههههه

شفتك

والله لي زمان ماضحكت مثل هالمرة

قصة حلوة قصدي نكته
حلوووووة
يعطيك العافية
دموووووووعه

[دمعه الشوق]

ههههههههه
مشكوووووووووور طيوووووب
تعجبني صراحتك

[أنين]

امممممممممممم

اممممممممممممممم

لا تعليق

[دمعه الشوق]

ههههههههههههه
حلوه شكلك خفتي