[ عامة ] : نصائح للطلاب و الطالبات المستجدين ..

[Priceless]

السلام عليكم ورحمة الله وبركاته ..


حبيت افيد الطلاب و الطالبات المستجدين ..

وراح اكتب لكم نصائح للسنه التحضيريه ..

اولا انا اعتبر من ضحايا السنه التحضيريه ..

لماذاا ؟؟ .. لاني لم استطع المحافظه ع المعدل في الترم الثاني ..

انا جبت في الترم الاول 4.84 .. والترم الثاني 3.93

وصار معدلي 4.38 .. ( )

عشان ما تكونون ضحايا مثلي ابعلمكم كيف تتعاملون مع هالسنه على شكل نقاط ..



1 - في الترم الاول حاول تجيب اعلى معدل ممكن لان الترم الثاني صعععب جدا جدا ..

2 - الترم الاول يشمل هذه المواد : انجليزي ، عربي ، الاحصاء الحيوي ، المصطلحات الطبيه ، ثقافه اسلاميه (وطبعا كلها بالانجليزي ما عدا اللغه العربيه و الثقافه الاسلاميه . هذا الترم سهل جدا جدا ..

3 - الترم الثاني يشمل هذه المواد : فيزياء ، كيمياء ، احياء ، انجليزي ، عربي ( كلها بالانجليزي ما عدا اللغه العربيه ) ..

4 - في الترم الثاني حاول تحافظ على معدلك لان هذا الترم صعب جدا ..

5 - حاول تركز على مادة المصطلحات الطبيه لانها هي الاساس للتخصصات اللي بتدرسها ..

6 - للعلم تقدر تغير تخصصك خلال السنه التحضيريه ولمره واحده فقط .. لان هذي السنه عامه لكل التخصصات ..



وبالنهايه انا ما اقصد اني اخوفكم من الترم الثاني فقط انبهكم ان هذا الترم ليس بسهولة الترم الاول ..

وان شاء الله تكونوا استفدتوا مني .. وشكرا لكم ..

[Brbareza]

يعطيك العافيه
بس ياريت تعطونا فكره عن الاشياء الي بندرسها بهالمواد
كتب او معلموات تستفيد منها الحين قبل الدراسه
علشان يكون قدرنا ناخذ فكره عن المنهج ونستعد له
خصوصا للي مثلي مو مره مع اللغه الانجليزيه

[بقايا حلم انثى]

يعطيك الف عافيه وبالتوفيق ..
بس اللي لغته مو مره تمام بالانجليزي وش يسوي

[دحمي طواريء]

فعلا

الترم الاول لازم تجيب معدل قوي

لان الترم ثاني بيكون ثقيل عالطالب

انا الترم الاول جبت 4 ونص في الثاني خيست جبت 2.70

[كيان]

بقايا حلم انثى لاتخافين انا لغة الانجليزي مو كويسه بس جبت معدل انا الترم الاول جبت 5والترم الثاني
4.97 ذاكري اول بأول وكلهم دروس خاتووهم بالثانوي بس بالانجليزي يعني شدوا حيلكم وتجيبون

[الكوثر 1]

يارب يسهل على الجميع ريحتوني

ان شاء الله الجميع تكون معدلاتكم عالييه

[Rymaas]

عندي سؤال كيف طريقة حساب المعدلات يعني لازم اجيب درجاات كامله بكل المواد او ع حسب معدل الكلاس يوزعو الدرجات

[انسان أنا]

مشكورة على مجهودك وموضوعك الجميل

[r.m.m]

موضوع مره مهم ، الله يعطيك العافيه ع الطرح ،
ولحد يخاف من الانجليزي لان راح يطور معاك بالاهتمام ، يعني اذا كنتي مهتمه وترجمتي اي كلمه ماتعرفينها ، راح تجمعين كميه من الكلمات الي تساعدك بالدراسه وبالنهايه اخر همك اللغه وبتتعودين ..

[ممرض مجتهد]

جزاك الله خير