التركيز بمفهوم شكوى التظلم بحيث يكون منطقي وايجابي

[Aseel Hamad]

السلام عليكم
بدون مقدمات
لاحظت اكثر الشكاوي مضمونها لا يصح ان تكون شكوى ولا تعتبر تظلم

وبالتالي ستهمل اذا كانت غير منطقية وغير صحيحة

مثل " الدكتور ماجاب اسئلة العام غيرها وكانت صعبة " هذا مو من حقنا نطلبه ولا يعتبر تظلم اذا غيرها ولا يعتبر تظلم اذا كانت صعبة

مثل " الاسئلة كلها كانت خارج المنهج " ترا الدكتور اذا يبي يستقعد يقدر بأي طريقة او بأخرى يثبت انها داخل المنهج يقدر يقول اذا حولت الاحرف عربي مو معناها خارج المنهج ويقدر يقول جبت اسئلة من احصاء في الادارة هم دارسينها ومترابطة ويقدر ويقدر

ومثل ما ذكر في تويتر بأن المواد مترابطة الاحصاء التحليلي والاجتماعي وطبيعي يكون في اسئلة منهم..

احنا نبي نركز على الاغلاط الواضحة اللي محد يقدر يقول انها صح وفعلا تعتبر تظلم

مثل " الاسئلة كانت موحدة لمادة الاحصاء التحليلي ومادة التحليل الاجتماعي علما بأن كل مادة تختلف في محتواها وفي المستوى " كذا مايقدر يقول طبيعي مترابطة .. لان مانزلت المادة الثانية ولا اخذناها

مثل " الدكتور لم يجب على تساؤلاتنا ولم يحضر بالمحاضرات المباشرة"المحاضرات المباشرها هدفها الاساسي التفاعل بين الطلبة والدكتور لتوضيح الامور الغير واضحة بالمحاضرات المسجلة

نقدر نقول ان اغلب الاسئلة كانت غير واضحة وصعبة ولم تشرح في المحاضرات والدكتور يتجاهل نقاط كثيرة بالمحتوى لم يشرحها وانه ترك كثير اسئلة مهمة تبين مدى فهم الطالب للمادة وراح جاب اسئلة من احصاء في الادارة سبق حليناه وركز على النقاط الصعبة والمحاضرات الصعبة وماكان في تفاوت بالاسئلة سهل متوسط صعب...الخ

اللي ابي اوضحه ان لازم تكون شكوتنا مقبولة وتعتبر فعلا شكوى تأخذ بعين الاعتبار ونركز بمضمون الشكوى

مانبي سب ودعاء والفاظ غير لائقة كذا نخليهم حتى لو كانوا ناويين يتساعدون خلاص يبطلون بعد هالاسلوب وبدل مايكون الغلط عليهم نخليه علينا

مانبي نوصل الكلام لوزارة التربية والتعليم وش بنستفيد لو بعد كل اللي درسناه وتعبناه تلغى من الاعتراف ؟؟ يعني شهادتنا تصبح غير معترف فيها

مانبي ننشر الكلام بالجرايد ويصير كل من هب ودب يقول سمعنا ان جامعتكم فاشلة ومدرسينكم فاشلين ودراستكم فاشلة اكيد انتوا فاشلين

ليش نسيئ سمعة جامعتنا وشهادتنا ومستقبلنا ونظلم حقنا وتعبنا ومجهودنا؟؟

نبي نكثف عدد المعترضين على الاختبار لان ذكر ان عدد المعترضين قليل
مع اني اشك في ذلك

بس مايمنع ندبلها ومانخليلهم اي طرف او مخرج يبررون فيه

اخيرا انا الحمدالله تفاءلت من ردة فعلهم لان اكيد مو من صالحهم ولا من صالح الدكتور ان فجاءة مادة معينة الكل خبص فيها ولا في اي طالب جاب درجة كاملة او حتى ممتازة او جيدة جدا بما فيهم الطلبة اصحاب المعدلات المرتفعة اللي انا منهم
وبكذا ماعليكم الا ان تكثفوا عدد الاعتراض بالشروط اللي اتفقنا عليها ..

وتمتعوا باجازة سعيدة ويااااااااااارب الكل تجيه الدرجة اللي يرضى عنها ونتحمس اكثر لمستوى خامس

اعتذر للمشرفين والمشرفات اني كتبت هالكلام بموضوع مستقل خارج المواضيع المثبتة بس حبيت ابرز واركز على هالنقاط..

استودعكم الله اللذي لا تضيع عنده الودائع

[محمد الشمريـ]

عليكم السلام ’’’
اذا اهملوا الشكاوي! ما راح يهملون العدد الكبير ’’’

[الخمري]

حسبي الله عليك يالنجار خليتنا نمشي وانهوجس بك انت واختبارك حسبي الله ونعم الوكيل من جد غربلنا الله يغربله

[Aseel Hamad]

رد الفريدان يقول مافي سؤال خارج المنهج

شفتوا لا تركزون على هالنقطة بس