 |
|
||||||
| إدارة أعمال 2 ملتقى طلاب وطالبات المستوى الثاني ادارة اعمال التعليم عن بعد جامعة الملك فيصل |
 |
|
|
أدوات الموضوع |
|
#1
2011- 5- 24
|
||||
|
||||
|
ذهاب السفير الى الجامعه لثاني يوم على التوالي
هاذي قصه سفيرنا لليوم الثاني على التواااالي
ربي يجزيه الف خيييير مااااقصر كفى ...ووفى  السلام عليكم ورحمه الله وبركاته كيف الحلوين انشالله تمام جيت اقولكم قصه حياتي لليوم الثاني انا رحت الجامعه لعيوونكم من الساعه 9:30 على الرغم من اني على راس العمل لكن رتبت مع زملائي بالعمل علشان يغطون علي وبصراحه ما قصروا الله يجزاهم خير اللي تعبني بالجامعه اليوم فيه بعض الدكاتره موو مسجل مقر مكتبه بالبلاك بورد .. لكن فالبدايه على طول دايركت الى مكتب الدكتور عبداللطيف بالغرسه . لكن تفاجأت باسلوبه الرائع وصدره الرحب دخلت السلام عليكم رد هو عليكم السلام يا اهلا وسهلا كيف يا احمد يقولي احمد قلت دكتور وش احمد ماني احمد انا فلان قال موو انت توك دقيت علي بالجوال وقلت لي بجيك بالمكتب قلت انا حبيت اخليها لك مفاجأه جيت بدون موعد <_< وش عنده وزير الداخليه مفاجأه ... ههههههههه المهم خشيت بعينه على طول قلت دكتور ترى حنا مصدومين منك بالمستوى الاول وخايفين بالمستوى الثاني ضحك وهو منحرج قال صحيح انا عارف الشي هذا بس صدقوني راح تشكروني المستوى الثاني قلت دكتور نبي المهم سهل علينا الله يسهل عليك قال انا قلت لكم المهم بالمحاضره الثالثه قلت دكتور انا جيت هنا من سبت البلاك بورد ما يفتح معانا قال صحيح البلاك بورد كثيره الشكاوي عليه لكن ذاكروا اسئله الواجب العشر اسئله وتضمن عشر درجات بأذن الله وركزوا على المحاضره السابعه والمحاضره المباشره الثالثه التمارين يقول ركزوا على التمارين بالمحاضره السابعه والمباشره الثالثه (( لاحضوا التمارين التمارين )) وعندكم الفصول التسعه معكم فقط اما بالنسبه للفصل البنود وفصل البنك المركزي هذي محذوفه يعني الفصول اللي حددها لنا قبل فصلين محذوفه معنا وقاعد يسألني كيفك انت مليح قلت لا والله يا دكتور ماني مليح مصدوم ... وقمت امدح فيه واتشكره وكان هوو مستعجل وتعذر مني قالي جاني طلب من الدكتور عبدالله النجار لانه فعلا جاه اتصال وانا عنده بالمكتب وبصراحه نسيت اسئله عن اسئله الكتاب بس انشالله باسأله بكره ارجوا المعذره على النسيان ... وبعدها طلعت منه ورحت الدكتور خالد عطيه المحاسبه وما ادراك المحاسبه .. طبعا بعد السلام قلت دكتور الحين بالنسبه للواجب الثالث نحله صحيح ويعطينا 3/4 وش السالفه اكثر من مره وكان بس محاولتين والبارح سمعت من احد الشباب بالبلاك بورد قالي مددوها الى 5 محاولات قال بالنسبه للمحاولات وعددها والله موو من عندي من عند الاداره يعني النجار واعضائه اما بالنسبه للواجب صحيح انا جتني شكاوي كثيره بس صدقني هذي المشكله من الطلاب نفسهم قلت كيف وحنا نحله ميه بالميه قال السستم عندنا مبرمج على الاسئله والاجابات بشكل عشوائي يعني لوو فتحت الواجب اول مره وحليت وحبيت انك تعيده مره ثانيه بتشوف الاجابات موو مثل ترتيبه بالواجب الاول متغيره اماكنها قلت صحيح .. قال هنا المشكله وبالنسبه للمحاسبه اجاباتها دقيقه ومتشابهه وبعض الاجابات تتكون من جزئين مثل من حـ/ ملخص الدخل الى حـ/ اخر المده وتشوف فيه اجابه العكس وهكذا يقول بعض الاخوان من مجرد بس يشوف الجزء الاول من الاجابه يروح على طول يحط عليها يفكرها الاجابه الصحيحه .. وقالي لازم تحلون بتركيز .. قلت طيب يا دكتور بالنسبه للمقرر طويل ومثل ما انت عارف حاطينه مع الانجليزي بيوم واحد وش هذا يا دكتور ما يمدينا قال صحيح وهذي بصراحه مشكله كبيره وحنا كدكاتره كلمنا الدكتور عبدالله النجار ورفض قال ما جتني شكاوي على الجدول وقالي الدكتور انتوا لازم تدخلون على النجار وتكلمونه قلت طيب يا دكتور هل في مجال انه يتغير خلال اليومين هذي اذا كلمناه قال ما اتوقع بس يمكن تفيدون اخوانكم المستوى الجاي ........ قلت طيب بالنسبه للمذاكره هل فيه شي بتقولنا ركزوا عليه او فيه شي محذوف مع العلم ان المحاضره 13 مو كامله قال بالنسبه للمحاضره 13 موو كامله هذي مشكلتها فنيه من البلاك بورد واذا المقصد تبون تذاكرونها اطبع المحتوى وذاكر وصدقني بتفهمها على طول اما بالنسبه للتحديد يقول ما اقدر اقولكم هذا محذوف والا هذا ركزوا عليه وهذا لا تركزون عليه لان لوو لاحظت جميع المحاضرات مرتبطه في بعضها كل محاضره مرتبطه بالمحاضره باللي قبلها وانا بصراحه ما اقدر احدد لكم شي صعبه جدا بس صدقوني الاسئله سهله جدا قلت طيب يا دكتور هل هي نفس اسئله اختبر نفسك قال بالضبط نفس الصيغه بس لا تحفظ اسئله اختبر نفسك افهمها لان المحاسبه اغلبها فهم وانشالله بتعدون كلكم قلت شكرا يا دكتور وطلعت ..... وبعدها رحت للزول وما ادرك ما الزول خمس مرات اتردد على مكتبه ما حصلته الا بالمره السادسه بعد طلعت الروح وبصراحه نفسيته عكس الدكاتره اللي قبله نفسه براس خشمه والعياذ بالله وتصدقون يا شباب وبنات انه يكلمني ما يطالعني .. لدرجه اني شكيت اني شين لابعد درجه احبطني ذا الزول قلت دكتور الرياضيات طوويل وصعب حيل وحنا ما عندنا الوقت الكافي علشان نذاكر قال موو مشكلتي هذي مشكلتكم انتوا ذاكروا وربكم يعين قلت طيب يا دكتور فيه شي من الفصول بتقول ذاكروه او ركزوا عليه قال كلها معكم انا حددت لكم المحذوف بالمحاضره المباشره الثالثه ..قال عندكم المحاضره 14 توضح لكم طريقه الاسئله وتساعدكم كثير قلت ما فتحت قال اطبعوا المحتوى وذاكروا منها واي اشكاليه تعالي هنا قلت انا بقدر اجيك بس غيري ما يقدر قال لا انشالله ما راح يحتاج تجوني انشالله سهله بس ركزوا وقال وعندكم الاتصال الاتصال احفظوا القواعد فقط اما التمارين ما راح تجيكم انشالله لانها طويله ومعقده والحل يأخذ اكثر من دقيقتين .. قلت يا دكتور فيه مسأئل طويله وتأخذ اكثر من دقيقتين قال انا قلت لكم المسأله اللي تاخذ اكثر من دقيقتين توقعوا انها ما راحت تجيكم .... بس قال الاتصال ذاكروا القواعد فقط اما التمارين طويله ما راح تجي ... هاه انتبهوا هذاني اقولكم الاتصال تذاكرون القواعد لا احد يقول السفير يقول الاتصال محذوف .. انا اقول ذاكروا القواعد اما التمارين ما راح تجي على كلام الدكتور وبصراحه الدكتور ما عنده اخلاق اعوذ بالله دخلت وطلعت ما حط عينه بعيني ولا يناظر فيني ... عموما ما همني نضرته ولا شفقت على نظرته ... طلعت رحت ادور الدكتور احمد الشريف وللاسف 8 مرات اتردد على مكتبه على فترات متفرقه وما احصله بس وين بيروح اجيبه اجيبه ارجوا المعذره يا اخوان .. رحت للدكتور غسان نايفه كذا مره وما حصلته وعلى ما اظن الدكتور غسان نايفه ما قصر معنا بصراحه شبه تقريبا عطانا الاسئله بس انشالله احصله بكره قولوا انشالله رحت ادور الدكتور عبدالحكيم المطر لجل بعض الاخوان و7 مرات اتردد على مكتبه ولا احصله وسألت عنه اخر شي الساعه تقريبا 1ونص ذكروه لي في ورشه عمل قالوا لي عنده محاضره عن التربيه البدنيه رحت هناك فتحت الباب القاعه فيها فوق 100 طالب تقريبا تخيلوا واقف على الباب ورفعت يدي كان فيه اكثر من دكتور وانا بصراحه ما اعرفه لاني ما درست الماده المستوى هذا بس من اجل بعض الاخوه قلت دكتور عبدالحكيم شوي لوو سمحت استغرب من ذا اللي جاي يناديه في محاضرته جاني قالي نعم قلت دكتور انا دورتك اكثر من مره في مكتبك ما حصلتك قالي صحيح اليوم انا مشغول قلت دكتور انا من طلبه الانتساب وانت نزلت لنا ملزمه وحده والملزمه الثانيه ما نزلت والمحاضرات المباشره وحده بس قال يا ابني جاي تناديني بين الطلاب كلهم علشان تسألني عن الانتساب .. تقطع علي وقت المحاضره قلت ايه يا دكتور جاي اناديك لاني من الطلاب المحسوبين عليك واذا وقتك من فضه حنا وقتنا من ذهب يا دكتور قال شوف بالنسبه للمحاضرات عندنا الاخون بالادراه بالبلاك بورد اما بالنسبه للملزمه مر علي بكره وانشالله خير قلت اوك بجيك بدري بمكتبك قالي اووك حياك ... بس اللي انا انصدمت منه وللحين موو راضي يدخل راسي ولا راح يدخل روسكم ان الدكتور محمد العقيل جيت ادوره قالوا لي هذا انتقل لجامعه الامام بالرياض قلت انا ما يصير وشلون وهو معنا بالمباشره والمسجله . استغربوا قالوا للي يمكن انت غلطان قلت ماني غلطان انا متاكد من اسم الدكتور قالوا لي ما ندري بصراحه اللي نعرفه الدكتور محمد العقيل انتقل لجامعه الامام بالرياض من بدايه الترم هذا قلت طيب وحنا والملزمه اللي منزلها لنا وش ذا نذاكرها والا لا لا تنكبونا قالي الدكتور اللي ناقشته روح لرئيس الدراسات الاسلاميه الدكتور عبدالله السماعيل رحت ادوره ما حصلته بمكتبه ترددت عليه 4 مرات ما حصلته بس بكره بجيه بدري بدري بدري لازم اعرف وش القصه وش ذا المهزله والتباهي والاهمال ماده بدون دكتور سلامات والله لوو حنا حيوانات ما يسووون معنا كذا ... عموما رحت لاعضاء البلاك بورد شؤؤؤن الطلاب وسالتهم عن المحاضرات المباشره قالي اكتب المواد اللي تعانون منها كتبت جميع المواد السته وزدت عليها الصحه واللياقه شيك قالي مستحيل هذه مفتوحه ووراني اياها قلت وشلون عندكم تفتح وعندنا لا قال شوف حنا بنسوي تحديث للبلاك بورد وادخلوا انتوا قلت طيب عندنا الرياضيات المحاضره 14 ما تفتح قال نزلوها قلت حتى ولو نزلناها ما تفتح قال طيب اطبع المحتوى وذاكروا منه .. قتل بنحاول وبصراحه المحاضرات تفتح قدامي عندهم استغربت شكيت باجهزتنا بس اذا ما فتحت اليوم بروح بجهازي بكبره بكره وبدخله عليهم يشوفون بعيووونهم .... وبعدين سألته عن ايقونه التظلم قال التظلم فتحناها باول الفصل قلت طيب والحين قال لا خلاص قلت طيب فيه ناس متظلمين كثير وحرام بعيد الواحد ما يقدر يجي قال مالكم الا مصلح الله يصلحه بس بالسياسه قلت طيب رقمه شي نبي نتواصل معه قال الشخصي ما نقدر مسؤليه علينا وبيزعل اذا عرف اما الجامعي ما اعرفه بصراحه رحت انا وطقيت الباب على مصلح وكان المكتب مقفل على الساعه تقريبا 1:45 قلت بكره بحصله الصباح قال انشالله بتحصله .. قلت طيب فيه ناس بالمستوى الاول ماخذين بالاقتصاد الجزئي 60 D وبالمستوى الثاني يتفاجأون انها نزلت الى 53 و 54 قال ايه هذولاء اساسا 53 و 54 وزدناهم ولما عرف الدكتور مصلح رفض قال لا ليه تزودوهم رجعووها على الاول واضطرينا نرجعها قلت وشلون تعطون وتحسفون قال وربي مو من عندنا من مصلح هو المسؤؤؤل الاول والاخير قلت وش قصده بالحركه هذي يبي الناس تسدد مره ثانيه قصده فلوووس بنعطيه بس يرجع الدرجات ويعدينا المستوى الاول بالمواد كلها حنا ما همتنا الفلوس حنا همنا ذا الماده اللي ندرسه اربع شهور ونذاكره اخر الترم ونحاتيها قال والله موو من عندنا من عند مصلح كلموه وادخلوا عليه وانشالله يتساعد معكم ... قلت طيب فيه مشكله عامه بالاختبارات فالقاعات وخاصه وقت الاختبار قال وش هي قلت عدم الحرص على الوقت من قبل المراقبين وما فيه ترتيب قال عندنا هنا بالجامعه مستحيل قلت لا موو هنا بالمراكز الثانيه برا الاحسا قال صحيح سمعت عنها وتكلموا فيه كثير ووصلت الدكتور عبدالله النجار بس تعال بكره وكلمه عن زملائك .... قلت طيب ايقونه المشاركه والواجبات متى تفتح ترى ملينا الانتظار زهقنا قال بكره ما اظن بس انشالله ذا فالقريب العاجل .... قلت طيب اللي يبي يغير مركز اختباره مثلا بحفر الباطن ويبي يختبر بالرياض قال هذي يسويها من بدايه الترم مووو الحين بعد ما تحددت الاختبارات وصعبه حيل الحين لان كل واحد اسمع محدد ومركزه محدد يدخل على البلاك بورد ويعرف مركز اختباره قلت طيب بالدمام ليه خليتوها ثلاث مراكز قال والله ما ادري هذي عند النجار ... قلت يعطيك العافيه وطلعت وانا محبط بعض الشي من المهزله اللي قاعده تصير وارجوا المعذره يا اخوان على التقصير وبعض الاخوه الله يسعدهم حطولي اسئله متاخره وانا بصراحه ما شفتها الا اليوم بس انشالله اغطيها بكره ... ارجوا المعذره انا اسف اسف جدا على التقصير ويؤسفني وضعك يا اخ stc ونفسي ارجع درجتك على اول بس مثل ما انت عارف العين بصيره واليد قصيره .................................... شباب واللي سألني سؤال وانا ما جبت له جواب ارجوا يعذرني ويحطه مره ثانيه ... لاني ممكن اكون ناسي او شي (جلا من لا يسهى)) وبصراحه ما ادري هل ممكن اني احط ايميلي هنا بالمنتدى من اجل التواصل مع بعض الاخوان اللي حاب يستفسر عن شي بالجامعه او شي .. والا ممنوع ااني انزل الايميل وارجوا المعذره يا اخوووان للمره الثانيه والالف .... تحياتي للجميع للطلبه سفيرررررر |
|
2011- 5- 24
|
#2 |
|
أكـاديـمـي مـشـارك
|
رد: ذهاب السفير الى الجامعه لثاني يوم على التوالي
يعطييك العاافية انتي ةالسفيير
|
|
2011- 5- 24
|
#3 |
|
أكـاديـمـي ذهـبـي
|
رد: ذهاب السفير الى الجامعه لثاني يوم على التوالي
.gif "(204)") اكوووس سفير يعننننننننننني الاقتصاد الكلي اهم شي اسئله الواجب العشر اسئله <<اي سئله هذي و المحاضره السابعه التمارين بالمحاضره السابعه والمباشره الثالثه الثالثه (( لاحضوا التمارين التمارين )) وعندكم الفصول التسعه معكم فقط اما بالنسبه للفصل البنود وفصل البنك المركزي هذي محذوفه يعني الفصول اللي حددها لنا قبل فصلين محذوفه معنا
|
|
2011- 5- 24
|
#4 |
|
أكـاديـمـي مـشـارك
|
رد: ذهاب السفير الى الجامعه لثاني يوم على التوالي
يعطييييييييه العافييه ويعطيك العافيه عالنققققل
بس عندي سؤال الحين كيف نقل د. محمد يعني خلاص مافي اختبار عقيده وكلنا ناجحيين  < لحد يصصدق تراني امززح  متششكره خالص 
|
|
2011- 5- 24
|
#5 |
|
أكـاديـمـي فـضـي
|
رد: ذهاب السفير الى الجامعه لثاني يوم على التوالي
يعطيك العافيه ماقصرت بس شئئين لفت انتباهي الي جالس يصحح واجباتنا ويشوفو مشاركتنا بالعقيده من يطلع بما انه كاتب باسم ال عقيل الشي الثاني متى ان شاء الله افتحو ايقونه التظلم وش هذا الكذب انا من ضمن الي كان عندي صفر وليل نهار جالسه اشيك
.gif "(107)")
|
|
2011- 5- 24
|
#6 |
|
أكـاديـمـي فـضـي
|
رد: ذهاب السفير الى الجامعه لثاني يوم على التوالي
سؤال اخوي السفير ما تعبت وانت تكتب كل هالحكي !!
مآشآء آالله عليك .. ترى عيني بآردة تشكرآت ويعطيك آالله آلف آلف آلف عآفية |
|
2011- 5- 24
|
#7 |
|
أكـاديـمـي فـضـي
|
رد: ذهاب السفير الى الجامعه لثاني يوم على التوالي
رجعت مره ثانيه الحين يعني الله يستر بالنسبه للعقيده مانعتمد على ا لاسئله ولا كيف
|
|
2011- 5- 24
|
#8 |
|
أكـاديـمـي ألـمـاسـي
|
رد: ذهاب السفير الى الجامعه لثاني يوم على التوالي
حبايبي ذاااكر العقيده وذاكر اسئله المراجعه
وجوده او عدمه ماراح يلغي الاختبار اكيد وثانياً المحذوف من الاقتصاد الكلي فصلين السابع والثامن النقود والبنوك والبنك المركزي الكتاب في وجهي لاحد يقولي تأكدي او خطأ وهذا كلام السفير موجود بالتوووفيق وشاكره لكل من يدعي لي
|
|
2011- 5- 24
|
#9 |
|
أكـاديـمـي ألـمـاسـي
|
رد: ذهاب السفير الى الجامعه لثاني يوم على التوالي
الف الـــــــــــــــــــــــــف شكر .. صراحه موضوعك هذا ممتاز وجا في وقته
 .. أهـــم شي عبداللطيف بلغرسه .. أصلا من المحاضرة المباشره شفت أسلوبه في الردود معانا كان ممتاز لكن جاب الأسئله بالأختبار كانت صدمه من جد .. ربي يحنن قلبه علينا .. كويس يعني أسئلة الواجب معانا .. والمحاضرة التاسعه بعد .. أن شااء الله يكون قد كلامه .. .. والزوول غريبه طبعه كذا .. يمكن من كلام الطلاب عنه صار يحقد عليهم .. مو هذا الترم بس .. والترم الماضي بعد .. وحاول يغير أسلوبه حتى المحاضرة التمهيديه شرحها شرح مفصل .. مشكووووووووور مره ثانيه .. وتستاهل التقييم
|
|
2011- 5- 24
|
#10 |
|
أكـاديـمـي مـشـارك
|
رد: ذهاب السفير الى الجامعه لثاني يوم على التوالي
جزاه ربي الجنه هالسفير والله ماقصر
ربي يعطيك الف عافيه وجزاك الجنه ان شاء الله (شمعه امل ) |
|
| مواقع النشر (المفضلة) |
| الكلمات الدلالية (Tags) |
| مباني, التوالي, الى, الجامعه, السفير, ذهاب, دول, علي |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| رساله الى مسؤلين الجامعه | سامي2 | ملتقى طلاب التعليم عن بعد جامعة الملك فيصل | 5 | 2011- 4- 23 05:00 PM |
| رساله إلى منسوبي الجامعه | ماجد سليمان مطر | ارشيف المستوى 2 تربية خاصة | 18 | 2011- 4- 15 05:13 AM |
