|
منتدى كلية التربية بالجبيل منتدى كلية التربية بالجبيل ; مساحة للتعاون و تبادل الخبرات بين طالبات كلية التربية بالجبيل و نقل آخر الأخبار و المستجدات . |
|
أدوات الموضوع |
#1
|
||||
|
||||
منين يودي على فين
بسم الله الرحمن الرحيم
السلام عليكم ياغاليات.. عندي بعض الإسفسارات.. الآن وحدة عندها شكوى على الكلية وين تروح ؟ من المسؤلة اللي أقدر أكلمها تحل الامر؟ فيه رابط خاص للكلية لهذا الامر؟ أنا داومت..ورحت اسال عن بعض الدكتورات وعن بعض الامور وكل مارحت ينقال لي مدري حتى الادارة رحت لهم مايدرون الدكتورة اللي اسال عنها داومت ولا لا ..!!حتى اللي معها في المكتب رحت لهم الضهر مايدرون عن شي فريت كل المكاتب اسال ولا احد عنده جواب .. الحين ماعند الاداره تسجيل حضور للدكاترة والاساتذة ؟ يعني الوحدة تداوم على راسها ؟ تعبت فريت أنا وخوياتي كم ساعه كل وحده تقول مدري ولا ترسلني لمكان ثاني ..ولا اسال عن وحده ناس تقول مكتبها في المكان الفلاني وناس تقول مكان ثاني !! كيف الموضوع ؟ الحين مو العميده مكتبها اللي برى عند الباب؟ موهي لطيفة البوعينين؟ ياناس ترانا ضايعين اذا الادارة ماتدري عن شي بالله من يدري؟ أعتذر عن الامر لكن كل الايام اللي داومتها اكلت هوا واهلي معصبين مره وانا واصله معي .. والله حرام مو حالة ذي محد يدري عن شي وش نسوي كيف نداوم ونسال سارت امور عليها راح نقدم شكوى وحتى الان الله يعين الكليه على للي بيسير .. |
2011- 9- 23 | #2 |
مشرفه منتدى كلية التربية بالجبيل سابقاً
|
رد: منين يودي على فين
الله يعينكم ان شا الله
ثاني شي ياقلبي مكتب العميده مو اللي برااا مكتبها قريب من الشؤون لون الباب بني خشب كبير و.... إيه نعم هي لطيفه البوعينين حاولي تروحين للإرشاد الطلابي قبال مكتب العميده يمكن يساعدونك |
2011- 9- 24 | #3 |
أكـاديـمـي
|
رد: منين يودي على فين
عوافي ياغاليه ..
يعني مكتب الاداره ماغيره يختي رحت لهم البيبان مفتوحه واسال مايدرون عن شي .. والله حاله .. مشكوه خيتوو وبروح مرة مليون وان شاء الله خير |
2011- 9- 24 | #4 |
أكـاديـمـي فـعّـال
|
رد: منين يودي على فين
والله حتى انا وخويآآتي نفس الوضع
نلآحق ونشابق على انفسنآ وماحد معبرنا وذي تودينا لذيك نروح للشؤون روحوا للاداره نفتر على المكآتب والستافات ونفس الشي روحي السيب الا جنبوو لا مو ذا السيب السيب الا جنبو جابوا لنا دوخة راس بس في النهايه عرفنا ان مافي دراسه بالعربي .. بس مو عارفين كيف يقولوها ! |
2011- 9- 24 | #5 |
أكـاديـمـي فـعّـال
|
رد: منين يودي على فين
ياحياتي أنتي وإياها عادي راح تتعودون على كليتنا العجيبه و الفريدة من نوعها إلي ما فيها أحد يدري عن شيىء
|
2011- 9- 24 | #6 |
مشرفه منتدى كلية التربية بالجبيل سابقاً
|
رد: منين يودي على فين
^^^^
ههههههههه قسم بالله كلامك ابو الصحح كله كليتنا خطيييييرة |
2011- 9- 25 | #7 |
أكـاديـمـي
|
رد: منين يودي على فين
ياحظي يعني مو بس أنا واللي معي...
طيب وش رايكم نقلب عليهم مو مضاهرات لا ..بس نطول السنتنا بس بادب .. مو حاله الامر ماكلين هوا مو احسن تسير الكلية بدون اداره مو لازم لانها نايمه ماتدري عن شي.. الوالد بيكلم العميده ولو ماتغير شي خلال فتره وجيزة راح يسير شي موطيب لهم .. اذا هم روس كبيره في من هو اكبر منهم نروح له .. بس انتم لاتسكتون وتسيرون كيوت خذوا حقكم غصب بس بادب |
2011- 9- 25 | #8 |
أكـاديـمـي
|
رد: منين يودي على فين
والله مااحد شيب كثر بنات الانجلش والله من كل شي من دكاتره من تغيير خطط في السنه 3 خطط هذا الواقع مو خيال ومحاضرات وشي عجيب
|
2011- 9- 25 | #9 |
أكـاديـمـي
|
رد: منين يودي على فين
معك حق يختي حاله ..
مدري على ايش تسمى تربيه اليوم ساعة الاربع متاخره المس وبعدها ارسلت وحده لانها مغير الكلاس .. وحسبت غياب ...حال |
2011- 9- 25 | #10 |
أكـاديـمـي فـضـي
|
رد: منين يودي على فين
كلنا اول الايام كان ودنا نحرق الكليه من سالفه التطنيش ومن كلمه مادري
بس تعودنا وحياتنا الجامعيه ماشيه بتتعودون ياحلوات والله يكون بعونا |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
هل يوجد دبلوم انجليزى | حراير جدة | منتدى معهد بيرلتز للغات الاجنبية | 4 | 2012- 7- 11 02:56 AM |
نماذج وقواعد مهمة بتحل اي مسألة اسئلة محلولة مبادئ المحاسبة | قانون عقلي | إدارة أعمال 1 | 27 | 2012- 5- 21 11:54 PM |
لا يوجد أنسان بلا قلب! ♥ | " A L K A D I " | ملتقى المواضيع العامة | 17 | 2011- 8- 12 07:51 PM |
[ اللغة الانجليزية ] : هل يوجد كلية اداب قسم انجليزي بمدينة الدمام ( بنين )؟؟؟ | ناوي الصناعية | منتدى كلية الآداب بالدمام | 3 | 2011- 8- 10 04:49 PM |
صور محمد بن فطيس في لندن + قصيده لندن | ابن فـــهـــد | ملتقى المواضيع العامة | 3 | 2011- 6- 8 03:30 PM |