|.. ضاقت أطراف المدينة ..|

[M U A T H]

صباح / مساء الخير

قصيدة أرشيفية مُحسّنة ..
تتشرف بمشاركتكم

:
:



ضاقت أطراف المدينة وأصبحت بعده ظلام
الحبيب اللي مسافر وأرسل يقول " الوداع "

فـــزّ قلبـي يتبعــه / تلعـب بـه أمــواج الغــرام
هـايــمٍ فـي بحـر حبَّــه دون مجـداف وشـراع

صرت تمثــال بغيابه " لا حيــاة ولا انعــدام "
واقف بظلي مكـانـي / وراح لـه كلـي متـاع

أعشقــه كثر النجـوم و كثر مـن صلّـى وصـآام
وكثـر ذرات الرمـال اللي ابصحارينا الوساع

وأعشــق حــروفٍ نطقهـاآ بعـد ما اتلعثـم وقــام
قال " أحبـك " والعمر دونك ترى كله ضياع

إن حكـى! كـل القـوافـي تنحني له من هياآم
وان سكت! تبقى القصايد خامده دون اندلاع

وان فـَرَح ! غنّـى لفرحــه / كـل عصفــور وحمـام
وان زعل! حتى الجبل يبكي كما اطفالٍ رضاع

وإن ظَهَر راح القمر يسدل على حسنه لثاآم
خآلقه كمّل جمـآلـه / لا هو زور ولا اصطناع

إن بديت أوصـف جمـاله أتعـب ألقى له ختـام
وإن ختمـت ألقى كـلامي يُنتـزع منـي انتـزاع

تــلّ قلبـي بنظرتـه يــوم ارسـل بعينـه سهــام
يا سهامه اللي خذتني واشبعت قلبـي التيـاع

ارحمـي حــال المدينة وانزعي ذاك الظلام
اللي من ساآفر "حبيبي" صابنا بكلمة ودآآع

:
:


وسلامتكم
معاذ القاسمي
* مكتوبة في مواقع أخرى

[l a v e n d e r]

معاذ ..

القصيدة حلوووة ..

ابداع تسلم عالذوق والاحساس العذب ..

[M U A T H]

المشاركة الأصلية كتبت بواسطة بوسي كات

معاذ ..

القصيدة حلوووة ..

ابداع تسلم عالذوق والاحساس العذب ..

بوسي


مرورك أجمل والله ،
ممنون جدا لحضورك وكلامك الحلو

[الوردة الخجولة]

ياعيني انا والله وصف ولا اروع
وكلماات كانت جميله باكثر من بيت
يعطيك العافيه على الطرح
وماننحرم من جديدك
تقبل مروري

[ريمنقو]

قصصيده جداً جميله ومفعمه بالاحاسيس ,,
معاذ تقبل النقد ؟؟

[Velvet Eyes]

تــلّ قلبـي بنظرتـه يــوم ارسـل بعينـه سهــام
يا سهامه اللي خذتني واشبعت قلبـي التيـاع

ارحمـي حــال المدينة وانزعي ذاك الظلام
اللي من ساآفر "حبيبي" صابنا بكلمة ودآآع


^

قصيدة روعة والله يرد كل مسافر للي ينتظرونه

[M U A T H]

المشاركة الأصلية كتبت بواسطة الوردة الخجولة

ياعيني انا والله وصف ولا اروع
وكلماات كانت جميله باكثر من بيت
يعطيك العافيه على الطرح
وماننحرم من جديدك
تقبل مروري

ألف شكر وردتنا على حضورك وتشريفك
ومرورك مطلوب ما أتقبله وبس !!

نورتي واسعدتي

[M U A T H]

المشاركة الأصلية كتبت بواسطة ريمنقو

قصصيده جداً جميله ومفعمه بالاحاسيس ,,
معاذ تقبل النقد ؟؟

رمنقو ،،
جميل إني ألقى كلمة ثناء على محاولاتي منك

تفضلي ، وبكل رحابة صدر نقدك مقبول ومطلوب

الخلل كبير، والأبيات فيها من الكسور ما الله به عليم
لكن ننتظر التوجيهات من الاساتذه مثلك وشرواك

[ريمنقو]

لآ والله القصيده كاملهه وجميله ولافيها كسور ,,
وكل بيت له معنى قوي , لكن ملاحظتي هنآ ففقط في هالشطر

وان زعل! حتى الجبل يبكي كما اطفالٍ رضاع


/


كنت تقدر تصورّ بأفضل من هذي الصورة , ,
انت استاذي وانا اتعلم منك مازلت انا على عتبه المبتدئين ,,




تقييممم ولو ان التقييم مايوفي حق هالقصيده

[M U A T H]

المشاركة الأصلية كتبت بواسطة ريمنقو

لآ والله القصيده كاملهه وجميله ولافيها كسور ,,
وكل بيت له معنى قوي , لكن ملاحظتي هنآ ففقط في هالشطر

وان زعل! حتى الجبل يبكي كما اطفالٍ رضاع


/


كنت تقدر تصورّ بأفضل من هذي الصورة , ,
انت استاذي وانا اتعلم منك مازلت انا على عتبه المبتدئين ,,




تقييممم ولو ان التقييم مايوفي حق هالقصيده

تسلمين يا رمنقو ،
اطراءك يشرفني ، ونقدك يدعمني والله

بالنسبة للتصوير في هالشطر أو البيت كامل واللي قبله واللي بعده
حاولت أوصل صورة بأنه كل شي ممكن يتأثر بالموصوف في القصيدة ، وإن تأثيره ما وقف على الشاعر فقط
وبما أن الجبل ما يُذكر إلا كرمز للقوة ، حبيت أستغل هالشي وأقوي من وصفي لتأثير الموصوف بقوة تأثيره في الجبل

مجرد تصوير يحتمل الخطأ والصواب ،،

جدا سعيد بملاحظتك وتواجدك يا رمنقو ، أثريتي الموضوع بتفاعلك
شرفتيني شاعرتنا