وش رايكم في الي تبي تحول من الجامعة بعد المستوى الرابع

[شموخ,,]

السلام عليكم

اخواني واخواتي حابه اطرح عليكم موضوع تناقشنا فيه انا وصديقتي ونبي آرائكم

حاليا انا واياها خلصنا مستوى رابع تخصص علم اجتماع

وهي الحين ناوية تحول تخصص ادارة مستشفيات في جامعة الملك عبدالعزيز

على حسب كلامها وظائفه مطلوبة اكثر من علم اجتماع

وانا من رايي انه حرام تحول بعد تعب سنتين وترجع تدرس من جديد واقولها ان جامعة فيصل افضل بس مو مقتنعة وتقول وش يثبت!!

انتوا وش رايكم وش تنصحونها ؟؟

عطوها رايكم

[خالد السعد]

المشكلة سعر البترول الحين نازل ..

Up للنقاش ..

[شموخ,,]

مافهمت وش دخل سعر البترول في الموضوع ؟؟؟!!!

[ممكن انجح]

شوفي نهايتها زواج وعيال ونهايط عند عيالنا بشهايدنا وبس

[my Dreams]

يجب ان تسأل نفسها من اين لها ان القسم الاخر مطلوب ومرغوب في سوق العمل هل هناك احصائيات رسمية ام هي وكالة يقولون .
تخصص علم الاجتماع مع رخصة هيئة التخصصات الطبية كأخصائية اعتقد انها اقوى .
البداية مرة اخرى وبنظام جديد وتخصص في نظري حظه الاوفر للذكور كادارة المستشفيات اعتقد يجب عليها مراجعة نفسها كثيرا فجامعة الملك فيصل اغلقت ابوابها في هذا التخصص واقصد علم الاجتماع فلا مجال للعودة مجددا اذا ما اخفقت في تجربتها او مغامرتها هذه وفي النهاية دعيها تستخير فما خاب من استخار

[شموخ,,]

المشاركة الأصلية كتبت بواسطة my dreams

يجب ان تسأل نفسها من اين لها ان القسم الاخر مطلوب ومرغوب في سوق العمل هل هناك احصائيات رسمية ام هي وكالة يقولون .
تخصص علم الاجتماع مع رخصة هيئة التخصصات الطبية كأخصائية اعتقد انها اقوى .
البداية مرة اخرى وبنظام جديد وتخصص في نظري حظه الاوفر للذكور كادارة المستشفيات اعتقد يجب عليها مراجعة نفسها كثيرا فجامعة الملك فيصل اغلقت ابوابها في هذا التخصص واقصد علم الاجتماع فلا مجال للعودة مجددا اذا ما اخفقت في تجربتها او مغامرتها هذه وفي النهاية دعيها تستخير فما خاب من استخار

اشكرك على ردك القيم اخي الفاضل

ماقصرت

[Bo Ahmed]

اقول لاتضيع سنتين من عمرها على الأمل وتخلص التخصص اللي هي فيه الآن وتجيب معدل كويس وتاخذ ماستر بالتخصص اللي ترغبه وكل التوفيق للجميع

[نهايه العالم]

خليها علي قسمها افضل

[وفاء العيساوي]

من رأيي انه حرام تضيع سنتين على الفاضي , عن تجربه زوجي داخل انتساب في جامعة الملك عبد الزيز الدرجات يلي يحطوها له شختك بختك كل المواد يلي اخذها الترم يلي فات نفس الدرجه حاطيها له كلها 64 وتندم انه مادخل جامعة فيصل , والكل يشتكي من خسف الدرجات ووحده من صديقاتي تقول زوجها بعد يدرس في جامعة عبد الزيز وصديقه كانو جنب بعض وكانو يغشو من بعض في الاختبار وكلهم نفس الحل لما طلعت النتايح واحد ناجح بامتياز والثاني راسب , نصيحه لاتغير , اسفه على الاطاله

[reaching higher]

فيصل كنظام دراسة افضل .. اعمال فصلية و مراكز اختبار بدون مقابل ..

جامعة عبدالعزيز .. سمعت نفس الشئ الدرجات في بعض المواد .. تنحط ماحد يدري على اي اساس .. مثل ماقالوا الاخوات


ادا اصرت تغير تخصصها خليها تغير لكن ماتطلع من فيصل .. على الاقل مايحتاج معادله مواد .. و بعض المقررات تدرس بالقسمين .. يعني ماتدرس كل شئ من جديد

واخيرا .. الاستخاره ثم الاستخاره