تجربتي مع الاكاديمية !!

[جرير الجبيل]

السلام عليكم ورحمه الله وبركاته ــ


طبعا حبيت انزل هالموضوع .واحكي لكم تجربتي وفي نفس الوقت فضفضة ع اساس يكون عندكم خبر مسبق ..وماحد يطيح باللي طحنا فيه ــ يكفينا مرمطة . :011:


بالنسبة لي اول مافتحو الاكاديمية كان فيه اعلان يقولك قدم .وراح تحصل علي 3 شهادات .حاسب سنتين وانجليزي سنتين .وشهادتك الصحية سنتين .فكان العرض مغري صراحة


وكانت كلها بـ 45 الف ــ


توكلنا ع الله وسجلنا .وكان تخصصي مساعد طبيب اسنان .اول ترم بدينا ندرس حاسب وانجليزي ..لين ماتمينا ..اوول ترم وخلصنا..جاء ثاني ترم .قالو لنا ..حنا انهينا عقدنا مع المعهد الحاسب والانجليزي ..وبكذا ياتبون تكملون تاخذون شهادة صحية ..ولا اطلعو من الاكاديمية ..


يعني شهادة حاسب وانجليزي بــح


عرفو يلعبونها صح ــ


ماعلينا ..قلنا بنكمل دام هالشهادة مضمونة .والتخصصات الصحية بالسعودية مطلوبة بما ان المستشفيات تعج من هالفلـبن


الا ع فكرة نسيت.تري قالو لنا .حنا حتي بعد تخرجكم .راح نكون معكم لين تتوظفون .ويحلف المدير وحنا مصدقين < مخفات

تخرجنا .وكنا ثاني دفعه .. هذيك السنة ’


كنا تقريبا 7 فقط ــ


اختبرنا اختبار الهيئه وخلصنا منه وبكذا امورنا تمام ــ


جلسنا نحوس ندور وظيفة .. مامن شي ..نبي نكمل مالنا اي بعثات ياهل الدبلوم الصحي ..



وهالحين خاش بالسنة الثالثة .............والحين نهايتي موظف في جرير ..بائع



دوام كرف.من 9 الصباح الي .12 الظهر ومن 4 العصر الي 11 الليل .عشان انسي بس هوس وظيفة الصحة لانها وسوست بي


لاحد يقول مادورت زين مافية مستوصف خاص ماعندهم لي ملف ..مافية مستشفي عسكري ماسيرت عليه .. حتي قطر ورحت لها ..








فالله يعينكم .مابي احطمكم ..لكن يكون عندكم خبر مسبق .


لتفادى الصدمة ـ




تحياتي ــ

[صمت الحزن]

بديت افكر وش راح يصير لي بعد التخرج
يعني حتى البنات كذا لا حرام تعبنا
انت قدمت في الديوان من فترة انفتح
كل تاخيرة فيها خيرة انتظر وشف وش يصير
الله يكون بعونك

[دكتورهـ مرجوجه]

وشوله هآلتحطيم:011: لا ان شالله نتوظف

بعدين كمل مجآلك فيه كلية الغد إدخل بكالوريوس وتصير جامعي

[ميغا]

:o3:

جد حرآآم وربي بس انتي لا تياس من رحمة ربك وصدقني يمكن هالتاخير له فايده عشان تتوظف بمكان حلو ومثل ما قالوا اخواني كان في توظيف للدبلومات الصحيه قبل فتره كان قدمت

والارزاق بيد الله اخوي ماتدري وش مكتوب ^^

انا اعرف وحده اختها تمريض وتوظفت جد بعيد بس اهم شئ حكومي

اهم شئ انت لاتيآآس ان شاء الله قريب نسمع منك انك توظفت

[بندوره]

اشو اني طلعت منها الله يعينك

[Aca.Student]

والله انك صادق
كلهم نصب بنصب

[Aca.Student]

المشاركة الأصلية كتبت بواسطة صمت الحزن

بديت افكر وش راح يصير لي بعد التخرج
يعني حتى البنات كذا لا حرام تعبنا
انت قدمت في الديوان من فترة انفتح
كل تاخيرة فيها خيرة انتظر وشف وش يصير
الله يكون بعونك

ياجماعه الديوان قفل من زمان

[المصادر]

الله يعينك اخوي بس اقول الله يستر من الى جاي بس اقول الحمدلله اني طلعت من حاجة اسمها دبلوم

[سجود الروح]

السبب مو لانه دبلوم


والله في بنات معاي تمريض كل الدفعة توظفت بمستشفيات حكومية


أنا أقول التخصص الى دور


الاكاديمية


قهر وربي


أخوي جرير الجبيل مو بس انت ما عطوك شهادة الحاسب حتى احنا


للحين مافي شي


حسبي الله عليهم وانشاالله مانشوف شي اسمه اكاديمية



وربي مقهورة فيهم

[ممرضه شطوره]

يمه منكم تخوفوووووون

<< متأمله ومخططه على اشياء كثيرره


شكلي قاعده ارسم احلام على الرمال وستمحيها البحار