[ مشروع التخرج ] : اللي عنده مشروع يدددخل

[سنين الالم]

السلام عليكم


صبحكم الله بالخير ياوجيه الخير والله يكتب لنا ولكم كل مافيه خير


موضوع جديد وبداية جديدة في اخر ترم ومتفائلين ان شاء الله بالتتخرج مهما تخوفنا الله يوفقنا وياكم



عندي مشروع التخرج عند الدكتور / صديق عطا ومسجلين رقمه وايميله بالايقونه


الكارثه ان الرقم مغلق من له اربع ايام وماعنده واتساب والايميل ارسلت له قبل يومين ولارد ابغاه يوجهني ويعطيني موضوع ابدا فيه في البحث


اللي عنده هالمشكله او عنده افاده او حل اي اي شي بليز هيلب مي الوضع مش ولا بد عندي متقروش منه وابي ارتاح من بدري دام معنى وقت

[الحظ العنيد]

الموضوع انت تختاره اهم شي يكون عن مشكله اجتماعيه سعوديه واقرا التعليمات حقت المشروع اللي بالايقونه احنا كانوا كاتبين موشرط نتواصل مع المشرفين لان اغلبهم مايردون بس حاول تتصل فيه مره ثانيه او بالاوقات المحدده

[مو أحد]

شف انا سويت مشروعي ولا اتصلت ولا راسلت دكتور والحمد لله خذت a+
مو شرط تتواصل معه أهم شي موضوع يخص التخصص وتستوفي الشروط. .بالتوفيق

[البروفسورة]

لازم يرد عليه يمكن يقول له تعليمات والا شيء هو يبيها

يمكن انتوا غير فيه تعليمات ما احتجتوها

انتظر اشوي كم يوم والا راسل المشرفين

انا كلمت الدكتورة المشرفة بالعكس استفدت ورتبت لي افكاري

[سنين الالم]

والله ماتركت احد ماراسلته لا تويتر ولا الاسئلة المتكرره ولا ايميل الدكتور واتصلت عليه للمعلوميه في اوقات مختلفه حتى اوقات الدوام. صحيح ان الشطرو تكفي بس تراه هو اللي يصحح المشروع اخاف اختارلي موضوع من عندي ويرسبني او يقول اللي ماتواصل معي معناتها ماسوا اللي ابي جنني الله يكفينا شره. اللي عنده هالدكتور يعلمني ولا بسحب على اهله وببدا في مشروعي يبيله وقت وهذا يماطل مايرد

[B.gh]

وانا بعد انتظر الرد
انا عند د.ام العز يوسف احترت كيف اوصل لها اول شي يقولون الرقم ممنوع الواتس اب وثاني شي الايميل كان ناقص اخر شي sa وعدلته وارسلت لها ولا ردت الين اليوم بنتظر الى نهاية الاسبوع اذا ما ردت خلاص ببدا فيه واتوكل على الله


Sent from my iPhone using ملتقى فيصل

[البروفسورة]

انتوا ابدوا فيه واهم شيء يكون من مواضيع علم الاجتماع

انا بقولكم وش قالت الدكتورة يمكن تستفيدون

قالت اهم شيء ان الموضوع مناسب للتطبيق الميداني
وانك توصلين للفئة المستهدفة
والفئة المستهدفة تناسب الموضوع

وتصممي الاسئلة المناسبة لتساؤلات البحث

تساؤلات البحث = استبيانات البحث

ويكتب الموضوع النظري بعلمية ومنهجية

وفي الاستمارة او الاستبيان تتركي اخر سؤال مفتوح للاجابة

مثل هل هناك اي اضافات اخرى

وقالت اهم شيء التطبيق والعمليات الاحصائية
بحث بدون تطبيق يعتبر بحث ناقص

[ابو تالاا]

سويته من غير ما اكلمه وعادي

وتراه طيب وكريم في الدرجات

[~النايفه~]

___

انا عند الدكتوره صباح اللي كان عندها يطمني ويقولي كيف كان اسلوبها

[ســــلآف]

الردود السلبيه الرجاء عدم النصح فيها ... لا تتسببون في رسوب احد

يمكن انتم ضبطت معكم عند دكتوركم ... يمكن هو دكتوره ما تضبط معه

انتظر بعد المباشره الأولى وراح يردون عليكم

ليه مستعجلين .... باقي الوقت والله يبارك لك بوقتك