[ استفسار ] ممهم تقنية المعلومات

[muha9]

السلام عليكم
لوسمحتوا اللي ذاكروا تقنيه المعلومات عادي ابدا فيه بكره يعني يومين اذاكره ؟او افتحه من الحيين الله يسعدكم ردوا
وايش اصعب ماده تشوفوها بمذاكرتكم تو استلم اجازتي من يومين واحس خايفه اجيب العيد

[نورا ..]

السلام عليكم والرحمه :
الاصعب او هي سهله لكن لانها كثيييره ماده الاحصاء في الاداره .. وبعدها الاداره الماليه واساسيات المحاسبه :
تراهم مو صعبين بس يحتاجون وقت تقدرين تذاكرين المحتوى وترجعين للتبويبات وامورك طيبه طبعاً في اجزاء محذوفه من هالمواد
وركزي على المباشرات فيها اشياء مهمه والدكاتره الله يعطيهم العاافيه متعاونين جدا ًأو هذا اللي حسيته .. تقنيه المعلومات اليوم ببدا فيها ان شاء الله
وَ لا تخافين ولاشي توكلي على الله وأبدي مذاكره من هالحين يمداك ان شاء الله وبإذن الله أمورك سهالات .

[وضحى بنت سعد]

نوراا ربي يجزاك خير كمية طاقة ايجابيه

ربي يوفقنا و يسهل علينا

[ابن عياد]

حتى الاحصاء سهل . اخذي تبويب ام جهاد اسئله وجبها شرح للحل . مايبي لها غير يوم يومين وتحفظين الاحصاء . اقصد على رواق يوم يومين . اسأليني مجرب ما اخذ الا يومين مع تبويب ام جهاد . وااااضح . وبالنسبه للمحاسبه خليك على اختبر نفسك قسم بالله لتشربينها شراب . والماليه الدكتور يقول بيحط القوانين في ورقه جانبيه يعني مغير تعوضين فالقوانين . سهالات ان شاءالله . هدي وتوكلي على الله .

[سطام الهجله]

المشاركة الأصلية كتبت بواسطة ابن عياد

حتى الاحصاء سهل . اخذي تبويب ام جهاد اسئله وجبها شرح للحل . مايبي لها غير يوم يومين وتحفظين الاحصاء . اقصد على رواق يوم يومين . اسأليني مجرب ما اخذ الا يومين مع تبويب ام جهاد . وااااضح . وبالنسبه للمحاسبه خليك على اختبر نفسك قسم بالله لتشربينها شراب . والماليه الدكتور يقول بيحط القوانين في ورقه جانبيه يعني مغير تعوضين فالقوانين . سهالات ان شاءالله . هدي وتوكلي على الله .

إبن عباد وش اختبر نفسك ذي ؟؟؟؟

[ابن عياد]

اختبر نفسك اسئله يحطها الدكتور نهاية كل محاضره . اساسا تلقاها فالملخصات . في نهاية كل محاضره ، من الاخر - زبدة المحاضره .

[وضحى بنت سعد]

هو صحيح بينزل القوانين بس كيف نعرف كل مساله وش القانون الي يناسبها ..

لانه ما اراح يعطيك المطلوب بشكل واضح و دقيق فلازم نركز على المسأله و هذا كلام الدكتور ...

الله يعين تقنية المعلومات فكرتها اسهل من كذاا .. بس ان شاء الله يساعدنا و يجيب اسأله سهله وواضحه ..

[ابن عياد]

اغلب القوانين تكون كتابه مهي رموز ، مثل النسب الماليه يقول احسب نسبة النقديه او السيوله ويحط القانون في اخر صفحه على حسب كلام الدكتور . فمثلا نسبة التداول قانونها الاصول المتداوله تقسيم الخصوم المتداوله . ويعطيك فالسؤال مجموع الاصول المتداوله والخصوم المتداوله . ما عليك الا تعويض مباشر . اغلب القوانين كذا . وعندك النظري وان شاءالله الامور كلها واضحه .