أحلام و قــــــانا

[مـــروج]

http://jrnas.org/uploader/uploads/mrouj...rm

أحلام طفله في السادسة من عمرها بشرتها الشفافه ونظرتها البريئه وعيونها العسلية توحي بالإطمئنان لمن ينظر اليها هادءه وعفويه كثيرة الأسئله ابتسامتها مخمليه، توفيت والدتها ساعة ولادتها والتحق والدها بالجيش واستشهد في اليومين الأولين من بدأ الحرب المفتوحه في لبنان وظلت تعيش في منزل جدها (لأبيها) الحنون وجدتها الطيبه ،، التي تخفف عنها خوف الحرب عند سماع اصوات الانفجارات والذين لجأوا جميعا مع مجموعة من المدنيين الى احد المنازل في قانا بعد ان طالت الحرب المفتوحه اياما طوال

ذات يوم وعند المغيب كانت الجده تدعو ربها بأن تنتهي هذه الحرب التي ضلت اكثر من اسبوعين
وفجأه .....أين أحلام؟؟؟؟؟؟

-أحلام انتي وينك ياماما

- انا هون بشوف الشمس ياتيته

الجده وهي ضاحكه:

- ليش حبيبتي هاي اول مره بتشوفي الشمس فيها!

- لأ بس شكل الشمس زعلانه من الي عم بيصير ببلدنا ، بخاف بكره ماتطلع الشمس

- لا حبيبتي ماتخافي الشمس كل يوم بتطلع

- بس يمكن تطلع وبتروح لناس تانيين ونحنا لأ، يمكن بتخاف يوصلها الضرب

أخذت الجده حفيدتها واجلستها في أحضانها وقالت لها وهي تداعب خصلاتها الذهبيه

- بتخافي عالشمس حبيبتي؟

- اي تيته

- بس الشمس بعيده مارح يوصلها شي وبكره ورح تشوفيها يله قومي ادخلي معي

وتدخل الجده مع أحلام لذلك المنزل الذي ضاق من عدد الآجئين فيه

اختفت الشمس تماماً، ذهبت الأضواء والوقت غروب،

وتجلس أحلام تلعب بالحجارة الصغيره مع جدها ليعلمها الاعداد

وبعد برهه:

- جدو !! امتى بتودوني عالمدرسه

- عن قريب حبيبتي

وتنهض أحلام وتحتضن جدها وتقبله قائله :

- الله ..اد ايش بحبك ياجدو

- جدو ..

- عيون جدو

- انا جيعانه بدي آكل

- هلأ ستك بتجيب لك الاكل

وتأتي الجده بقطعه من الخبز وقطعه جبنه وتعطيها لأحلام

وتأكل أحلام عشائها البسيط وتسئل جدتها

- ليش القمر بيجي بالليل بعد ماتروح الشمس؟

- الله هيك بيريد حبيبتي

- بس أنا بحب القمر والشمس يكونوا مع بعض

- مابيصير يابنتي القمر بيجي بس بالليل تيضوي النا...

تقاطعها أحلام قائله لها

- والشمس بتيجي الصبح وبيصير الانفجارات لهيك الشمس بتزعل والقمر مبسوط

- ياماما قومي نامي هلأ

- بس انا نفسي بحلوان

- ماعندي هلأ حلوان بكره بيروح معك جدو بيتمشى معك ويجيب لك حلوان

وتسعد أحلام بكلام جدتها وتحضنها بقوه وتقبلها وتقول:

- أنا ابحبك كتير تيته وبحب جدو كتير بس لاتنسو الحلوان

رتبت الجده الفراش وجهزته وقالت : يله حبيبتي تعالي نامي

ووضعت أحلام رأسها عند جدتها وعيناها تحلقان في سقف الغرفه...

دقائق صمت واذا بأحلام تسئل جدتها

- تيته !!! ليش دايما في حرب؟

- هيدا الي مكتوب يابنتي انو اسرائيل بتحاربنا وماعم تتركنا بحالنا وبتاخد منا كل شي

- ليش اسرائيل بدها تاخد ارضنا وبيوتنا؟

- لانهن كفار وظالمين والظالم مابيخاف الله

- وحتى ياخدوها شو بدهن يعملوا؟؟ يقتلونا!!!

- ليش انتي كتيرة حكي حبيبتي

ولكن أحلام تواصل أسئلتها

- شو بيصير لو متنا ؟؟ الموت بيوجع ؟؟

وبصوت يرجف تقول أحلام

- أنا خايفة تيته ..

- لاتخافي حبيبتي .الموت مابيخوف الموت زي النوم واريح كمان

- كيف اريح؟

- يعني مارح نسمع لا دوي ولا رح نشوف اي حروب

- بس هنكون بلتراب !!

- لا ماما نحنا بنكون بالسماء.....

- يعني هلأ ماما وبابا بالسماء؟؟

- اي حبيبتي هلأ نامي

دقائق من الصمت وتعود أحلام وتسئل جدتها:

- كيف شكلها ماما؟؟

- شبهك حبيبتي

- انا نفسي اشوفها...

وتأخذ أحلام بالبكاء

وتسئلها جدتها :

ليش عم تبكي حبيبتي

وتجيب أحلام باكيه

- بابا وحشني كتير بدي اشوفوه ...

وتحبس الجده دموعها كي لا تراها حفيدتها ، ، ثم تقول

- رح تشوفي الماما والبابا ان شاء الله

- بشوفهن!! كيف؟ ؟

- بس تنامي هلأ رح يجوكي بأحلامك

- شو عرفك تيته؟

- لانو ربنا بيحبك وبيحب كل لصغار ومابده يزعلوا لهيك رح يفرحك ويخلي الماما والبابا يزوروكي الليه وتشوفيهون

- انا بحب الله كتير

وتمسح أحلام دموعها وتقبل جدتها

- تصبحي على خير تيته

- وانتي من اهله ..يله قولي بسم الله الرحمن الرحيم وغمضي عينك

- بسم الله الرحمن الرحيم

ونامت أحلام وهي تشعر براحه مما سمعته من جدتها

يدخل الجد لينام :

- أحلام نامت ولا لسى؟

- نامت بس بدها حلوان

- لعيونها بكره من الصبح بجيب الها حلوان

- الله يخليك يارب ..تصبح على خير

- وانتي من اهله


ويعم الصمت في اركان المنزل وفي اركان المنطقه

وياتي فجر يوم جديد وتشرق الشمس التي طالما خافت أحلام عليها ولكن الشمس كانت فعلا حزينه

حزينه لإشراقها على تاريخ دموي يعيد نفسه في نفس المكان

حزينه على مجزره ،،

حزينه على جثث تراكمت فوق بعضها ،،

حزينه على اشلاء أطفال ،،

حزينه على أحلام أطفال اندفنت معهم ،،

حزينه على يوم مثلت فيه اسرائيل أبشع مظاهر الوحشية النازية اليهودية والعنصرية الصهيونية،،

حزينة على يوم دمرت فية الطفولة و الإنسانية،،

وأين هي أحلام ؟

أحلام توفيت في أحضان جدتها

توفيت وهي تحلم بوالديها

توفيت وهي تنتظر الصباح لترى الشمس بأمان

توفيت وهي تنتظر يوم جديد ليجلب لها جدها الحلوان

توفيت وكان اخر مالفظته اسم الله الرحمن

[ولاية]

هكذا تحطمت احلام احلام
واحلام مثيلاتها من الاطفال

نبث شكونا الى الله على الاعداء الغاصبين

الف شكر اختي مروج على هذه المشاركة الرائعة

اختك
وولاية

[سحر]

قـصـه تثير الأحساس وتألم القلب

تسلمي اختي مروج على المشاركه الرائعه

لاخلا ولاعدم

سحر

[زهرة الربيع]

أطفال ... لا ذنب لهم وجدوا وسط هذه الحرب الدمويه
سلبت طفولتهم .. برائتهم ... وحياتهم ..

دمتي لنا اختي على هذه النقله

تحياتي

[ربي زدني علما]

اختي مروج

ان شاء الله تظهر شمس الانتصار دائما بجهود المقاومين

ليدحروا الظلم والدوان عن ارض العزة والاباء


اشك لك موضوعك

وفقتي لكل خير

تحياتي

[المثالية...]

جزيت كل الخير على هذه الأطلاله اللي زي الشمس



فعلا من قرأ مواضيع مثل هاذي يحس بالنعمة اللي هو فيها لله الحمد والمنه بوسط أهلنا ماكلين شاربين نايمين ولا صاحين نعمة لا تقدر بأي ثمن



مشكورررررررررررررررررررررررررررررررررررررة

[مـــروج]

ولاية



سحر



زهرة الربيع



ربي زدني علما



المثالية...



شــاكـرة مــروركمـ العــبق بـشدى الورد ..

لاحــرمنـا الله منكمـ ولا من تـواجـدكمـ ..

دمتمـ بـود ونـقاء ..





مـلحوظـة : الـرابط فـي آعـلى المـشاركة رابط مـوسيقـى ..