|
المستوى الأول - كلية الأداب ملتقى طلاب وطالبات المستوى الأول جميع تخصصات كلية الآداب التعليم عن بعد جامعة الملك فيصل. |
![]() |
|
أدوات الموضوع |
#1
|
|||
|
|||
يا إدارة المنتدى أنصفونا من غسان نايفة
بسم الله الرحمن الرحيم
تفاجأت بأن جميع ما أكتبه عن الدكتور غسان نايفة يحذف ؟؟؟؟ وأنا أسألكم بالله وش تبون نسوي في رجل أعطانا ثلاث ملخصات وقال الاختبار يبي يجي منهن لا ولزيادة التضليل يقولك ((( أحذفوا قطعت آلينا "" هاض ماراح تجيكم في الاختبار "" ))) والله وتالله وبالله وأيم الله أني جايب مدرسين أنجليزي ( واحد الحصة بخمسين والثاني الحصة بمية ) على شان الملخص الي أعطانا إياه واخرته يمسكن الهوى ويضرب فينا عرض الحائط ومن زين الطبع جواله مقفل والا والله يانا ناويه بمكالمه بتبرد الكبد إن شاء الله أسألكم بالله يا أدارة المنتدى وش تبون بعد هذا كله نسوي تبون نسبح بحمد غسان ونقدس له !!!!!!!!!!!!!! والله يادعوتين في ظهر الغيب وفي السحر وفي أخر ساعة من الجمعة ماراح تخطيه إن شاء الله هذي سهامي ياغسان راح أرسلها عليك والله يتولى أمرك أجل تسفيه الرجال والضحك على دقونهم يبي يمر كذا لا والله هو إن جاء إليا لن يلاقي فرجا **** قسم مني ووعد لا نجوت إن نجا . يا إدارة المنتدى جزاكم الله خير النصفه النصفه تكفون لا تظلمونا زود على هالظلم أقسم بالله لو الدكتور غسان ساكت كان ماقلنا شيء لكن يعطينا ملخص ويقول أدعوا لأختي بالرحمة وبعدين ينزل استدراك ويقول لا تذاكرون قطعة آلينا حسبي الله عليه حساب عسير ولا حول ولا قوة إلا بالله |
![]() |
#2 |
متميزة قسم الدرسات الأسلامية _المستوى الرابع
![]() |
رد: يا إدارة المنتدى أنصفونا من غسان نايفة
الواحد صار يخاف حتى من الرد
![]() |
![]() |
#3 |
مشرفة سابقة
![]() |
رد: يا إدارة المنتدى أنصفونا من غسان نايفة
اخوي سبق و انظلمنا مثلكم بالترم الماضي صارت نفس السالفه مع دكتور جزاء في اختبار النحو 1 جاب لنا اسئلة ما احد قدر يحلها
وصارت مواضيع نفس اللي صارت مع دكتور غسان و كلها تم حذفها مو بس لانها تطاول على احد الدكاترة لان حتى الاعضاء بينهم و بين بعض صار فيه تبادل بكلام ماله داعي حنا هنا اخوان و لا نبي احد يشيل على الثاني اذا من اولها صار فيه هواش و زعل بينكم شلون بتكملون بعدين بيختفي التعاون بينكم لان مافي احد ينسى انه فلان / ة سبق و تطاول عليه بالكلام و هذا الموضوع واضح و صريح جداً تفضلوا ادخلوا عليه http://www.ckfu.org/vb/t185937.html#post3628542 و للمعلوميه ترا اختبارنا مستوى ثالث انجليزي لمادة القراءات و المطالعات اللي يدرسها د. غسان صار معنا نفس الشي جاب لنا قطع ما ندري من وين ماهي بالمنهج كله اذا تبون ادارة الجامعة تشوف موضوعاتكم عن د. غسان فيه منتدى النقاش هناك ممكن د. النجار و غيره يطلعون على هالموضوع و ان شاء الله بيلقون لكم حل و بتعدون المادة و ما احد راح يحملها عسى ربي يوفقكم و يسهل عليكم كل صعب |
![]() |
#4 |
مشرفة سابقة
![]() |
رد: يا إدارة المنتدى أنصفونا من غسان نايفة
و على فكرة اخوي ماهي موضوعاتك بس اللي تم حذفها كل الموضوعات الي عن د. غسان تم حذفها
|
![]() |
#5 |
أكـاديـمـي فـضـي
![]() |
رد: يا إدارة المنتدى أنصفونا من غسان نايفة
وش بلاكم شبآب بنآت
الرجآل مآهو بملزوم يعطيم ملخصآت او اي شي يسهل عليكم بآمكانه يقول ثلاث كلمات مثل ماقالوها كمن دكتور الله يسامحهم " شاهد المحاضرة والملزمه وارجع للكتاب" يعني هذا الي تبغونه ؟؟ الدكتور متساعد معنا الى اقصى حد وش تبغون اكثر من كذا ؟ لكن زي ماقال الدكتور كتور اذا اكرمت الكريمـ ................ وكان صادق بهالشي وهذا الكلام للعموم مو لصاحب الموضوع ولا تاخذ الموضوع شخصي يعني دمتم |
![]() |
#6 | |
أكـاديـمـي فـضـي
![]() |
رد: يا إدارة المنتدى أنصفونا من غسان نايفة
اقتباس:
أختي الله يجزاك الجنة حاولي تفهمين علي بارك الله فيك أنا مو على سهل الأسئلة والا صعبها خليه يحط الي يبي بكيفه لكن لا يعطيني ملخص ويقول ذاكره وادع لأختي بالرحمة وبعدين ينزل بالبلاك بورد يقول أحذفوا قطعة الينا ماراح تجي ثم نفاجاء بأن الملخص كله ماجاء منه شيء فهمتي هالحين بارك الله فيك أن المسألة ماهي صعب الأسئلة والا سهلها الأمر فيه إستغفال للطلاب وظلم عجيب |
|
![]() |
#7 | |
أكـاديـمـي فـضـي
![]() |
رد: يا إدارة المنتدى أنصفونا من غسان نايفة
اقتباس:
لكن يعطيني ملخص ويقول ذاكر هالملخص وأخرها مايجي شي من الملخص هذا الي يخلي الواحد يقهر أي كريم وأي لئيم بارك الله فيك اللئيم هو الي يخدع العالم بالمكر والحيلة وأحقاد في نفسه مايعلم بها الا الله ياخي أختبرنا العقيدة وقلنا للدكتور العقيل جزاك الله خير يادكتور مع أنه قال شاهدوا المحاضرات لكن رجل جاك في وجهك وقال ذاكر تنجح ماهو يجي ويقول ذاكر هالملخص وبعدين يجيب أسئلة من راسه |
|
![]() |
#8 |
أكـاديـمـي فـعّـال
![]() |
رد: يا إدارة المنتدى أنصفونا من غسان نايفة
بإذن الواحد الأحد الفرد الصمد بننجح
الله ما يضيع اجرنا واجرك Forget ![]() |
![]() |
#9 |
مشرفة سابقة
![]() |
رد: يا إدارة المنتدى أنصفونا من غسان نايفة
ادري و ادري انكم مقهورين و صدقني سواها فينا قالنا بتجيكم القطع اللي احلها معكم بالمحاضرات فقط
و اتفاجأنا بأن القطع خارجيه وحده عن التطعيس و الثانيه عن الاعشاب وهم ولا قد مروا علينا خير شر |
![]() |
#10 |
أكـاديـمـي فـضـي
![]() |
رد: يا إدارة المنتدى أنصفونا من غسان نايفة
الى الان فيه ناس مو فاهمه حنا ليه معصبين من الدكتور غسان
يحسبون ان عشان القطع خارجيه ترى والله نعرف ان من حق الدكتور انه يحط اللي يبي ومتوقعين هذا الشي من لمى دخلنا هالجامعه بسسسسسسس الاعتراض انه اوهمنا بقطع غييير وقالنا ذاكرو منها راح تجيكم وحذف بعدين قطعة الينا على اساس يسهلها لنا يعني اعتراضنا على كذببببه وغدره لنا لو قال بجيب قطع ولو حتى ما اتكلم كان عادي بس يتحايل علينا بطريقة بزراان ماتليق فيه كدكتور وما تلقين فينا كطلاب |
![]() |
مواقع النشر (المفضلة) |
الكلمات الدلالية (Tags) |
أنصفونا, المنتدى, عشان, إدارة, نايفة |
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
الرسوم +الجدول | صدق العطاء | ارشيف المستوى 4 تربية خاصة | 2 | 2011- 2- 23 12:11 PM |
خطة تأكيد التسجيل للفصل الدراسي الثاني1431/1432 هـ | Elizabeth | منتدى كلية التربية بحفر الباطن | 16 | 2011- 2- 12 11:38 PM |
التقويم الدراسي للفصل الدراسي الثاني 1431 _ 1432هـ | ابو وحيد | المستوى الثاني - كلية الأداب | 13 | 2011- 2- 1 05:20 PM |
بخصوص مادة الصحه النفسية لذوي الاحتياجات الخاصه | سعود العنزي | ارشيف المستوى 3 تربية خاصة | 106 | 2011- 1- 13 11:55 PM |
ممكن حل اسئلة المحاضرة 15 | القناص2 | ارشيف المستوى 1 تربية خاصة | 62 | 2011- 1- 5 01:19 AM |