 |
|
||||||
| منتدى معهد بيرلتز للغات الاجنبية ملتقى طلاب وطالبات معهد بيرلتز للغات الاجنبية |
 |
|
|
أدوات الموضوع |
|
#1
2011- 12- 22
|
|||
|
|||
|
تجربتي بمعهد بيرلتز
السلام عليكم ورحمه الله وبركاته حبيت اشاركم تجربتي بلمعهد ولان جد يستاهل اول انا مثل ماتشوفون بمعلوماتي انتساب مطور يعني فاضيه هلترم كله فا قلت انا وصديقتي لازم نستغلها بشي مفيد قررنا على دوره كامبردج للحاسب بس المشكله ماعرفنا وشو المعاهد المعتمده والمعهد الى لقيناه بعيد شوي وتفتح متاخر الدوره وقررنا نروح دوره انقلش وهاذا كان اقرب معهد لي انا وصديقتي وتوكلنا على الله ودخلناه رغم انه غالي 3000 بلشهر وحنا ماكنا ضامنين انه بنستفيد ولا لا المهم اول ماجينا سوولنا اختبار تحديد مستوي هو عباره عن محادثه بيني والمرشده بلمعهد وكانت تسالني اساله ووطلعلي المستوي الاول  خخخخخانا وصديقتي نفس الشي وطبعا المستوي الاول مو هو الى اي بي سي لا ها>ا يسمونه تاسيسي المهم ماطولنا تقريبا يومين وبلشنا بلكلاس كان فى 7 طالبات وحيل وناسه المس الى درستنا كانت كنديه وحييل تجنن وحبوبه وهي ماخذه ماستر بلانقلش من كندا رغم صغر سنها اسمها مس اسماء درسنا تقريبا شهرين الا اسبوع وكانت الدراسه جدا ممتعه واخر يوم سوينا حفله صغيره وجبنا اكل وسوينا مراجعه على كل المنهج المس تحاول تفهكم بكل ماتقدر وبلعكس ماحد كان فينا مستحي والى يغلط محد يضحك عليه وبلعكس عادي تصححلك هي صراحه ماكانت تصححلنا كثير لان كانت تشوف لما تصحح كلنا ننحرج وحاله وقالت ماراح كثير اصحح لانكم لفل وان بس بلفل توو المس حقتكم بتظطر تصححلكم واصلا انتم تكونون واثقين من نفسكم اكثر خلصنا لفل وان واختبرنا فيه الاختبار كان على ورق طبعا وكان سهل مرا وحلو والحين حان بلفل تو مع مس ثانيه وهم بعد مرررا تجننن بلاجمال المعهد حييل حلو واستفدنا منه مرا وثقتنا زادت اكثر من اول بكلامنا وحيل يشجعون انه نتكلم والمنهج مرا حلو حقهم الرسبشن الصبايا فيه يهبلون والمرشده تهبل فى كافي صغير بلمعهد اول ماجينا كان يبيع كوفي وشاي وحلويات وشبسات بس بعدين صار مافى والحين رجعوه مرا ثانيه المعهد مررا نظيف ممم شنو بعد اي والشهاده حقتهم معتمده وتجي من برا انا طلعت شهادتي حقت لفل وان بس للحين ماطبعوها بس طلعت درجاتي وللحين توني بنص لفل تووو وماتوقع راح اكمل بلمعهد اولا بتبدا دراستي وحابه اتفرغ عشان اجيب درجات وثانيا غالي شوي معنه يستاهل بلنسبه للرسوم اول لفل كان الرسوم 3000 ثاني لفل قللو 150 وصار 1850 وهاكذا كل لفل يقللون 150 هاذا كل الى ببالي الحين واي سال انا حاضره 
|
|
2011- 12- 24
|
#2 |
|
أكـاديـمـي
|
رد: تجربتي بمعهد بيرلتز
حلووووووووو ودي اني اسجل فيه
يقولون دراسته قوووويه بس مشكله السياره والحين تقولين المستوى بـ 3000 تو ماش الصرااحه صعبه 3000 للمعهد و 500 وإذا ماصصار أكثر للسياره تو ماش يصييييييييييير |
|
|
|
2011- 12- 24
|
#3 |
|
متميزه بملتقى التعليم عن بعد - جامعه الدمام
|
رد: تجربتي بمعهد بيرلتز
اي والله غالي بس انا الى فكرتبه اقط 3000 واستفيد ولا اقط 1500 بمعهد ثاني وماستفدي ولا شي
واخترته لانه اقرب معهد لبيتي |
|
|
|
2011- 12- 27
|
#4 | |
|
أكـاديـمـي نــشـط
|
رد: تجربتي بمعهد بيرلتز
اقتباس:
 كثير مدحو المعهد .gif "(204)") وكنت استنى تجربه تنقال ليالمهم بسألك انتي تقولين كل مل لفل 3000 والفل الثاني ينقص السعر بس كم ينقص 150 ريال ؟؟ وصار 1850 هم نقصو 150 او 1500 والا قصدك 2850 |
|
|
|
|
2011- 12- 30
|
#5 |
|
متميزه بملتقى التعليم عن بعد - جامعه الدمام
|
رد: تجربتي بمعهد بيرلتز
لا شوفي الحين اول لفل
راح يطلع عليك ب3000 وبعدين اذا سجلتي ثاني لفل راح يطلع عليك 2850 ولما تكملين وتسجلين ثالث لفل راح يصير 2700 يعني كل ماكملتي لفل ينقصون من حق الدوره 150 |
|
|
|
2011- 12- 31
|
#6 |
|
متميزه التعليم عن بعد - التربية الخاصه
|
رد: تجربتي بمعهد بيرلتز
^
^ طيب آلحين انتمْ تتكلمو آلانجليزي بطلآقه , يعني تفهمو إلي ينقآل لكمْ وتقدرو تردو ! <- تبي تسجل وودهآ بمعلومآت أكثر عن آللغه
|
|
|
|
2012- 1- 2
|
#7 |
|
متميزه بملتقى التعليم عن بعد - جامعه الدمام
|
رد: تجربتي بمعهد بيرلتز
كتبت رد شطوله وانمسح بلحظه قهرررررررررررررررررر
 اوك بعيد بس باختصار بلفل ون ماكنت اسولف كثير والابله ما تسال كثير يمكن هاذا من ضمن منهجهم لان البنات يكونن توهم مبتدئين فا ماتبي تحرجهم كنا نفهم عليها الحمدلله بلفل توو عاد هاذي الفله خخخخخخخخخ كثير تسولف معانا ونسولف معاهم وتشرح وتفهم وتجيب كل حيلها وحنا بس نسولف معاها معنه ساعه يالله نركب جمله بلبدايه بس الحمدلله الحين نسولف اجراء واكثر سرعه من اول وسالنا متي اتوقعين نكون اوك بلانقلش وممكن ناخذ التوفل قالت اتوقع تقدرون تاخذونه اذا خلصتو المستوي ال5 او الل6 عاد قلت حلو لو بكل عطله صيفيه اخذلي لفل لما اوصل ل5 او 6 انا مشكله الابديه هي القواعد خخخ مو مرا اعرفلها اتمني افدتكم بس ياليت الى عنده سوال يحط اعجاب او اي شي ينبهني انه فى احد مر الموضوع وعنده استفسار لاني انسي هلموضوع بلذات خخخخ لان اول موضوع بهلقسم |
|
|
|
2012- 1- 2
|
#8 |
|
متميزه التعليم عن بعد - التربية الخاصه
|
رد: تجربتي بمعهد بيرلتز
يعطيك آلعآفيه
طيب , ممكن تستفسرو لنآ هل فيه عروض بالصيف ! ويعني هيكآ < لنو ودي أسجل انا وأختي بالصيف ونستفيد من هاللغه إلي موب جآي تطب لسآني  <- إي وآلله أنه منسي مشكككَورهـ عَ هيك معلومآت ,, ومنكمْ نستفيد
|
|
|
|
2012- 1- 2
|
#9 |
|
أكـاديـمـي
|
رد: تجربتي بمعهد بيرلتز
بصرآآحه موضوعك رآآيق ،
و ماا شاء الله علييك ربي يوفقك سؤآلين - المعهد وين ؟ - عندهم بآصات للطالبات ؟
|
|
|
|
2012- 1- 3
|
#10 |
|
متميزه بملتقى التعليم عن بعد - جامعه الدمام
|
رد: تجربتي بمعهد بيرلتز
هلا بنات
اوك بلنسبه للصيف كل المعاهد بتكون لها عروض بلصيف اكيد وانا الى اعرفه عنهم عندهم عروض حلوه بلصيف مكان المعهد تلاقينه ورا مجمع الراشد فى شي اسمه واحه المستهلك هو قباله بلضبط وتحته فى محل رجالي حق قماش اسمه اتوقع الاختيار الاول اذا موب غلطانه ولا مافى باصات للطالبات للاسف حيل ودي بهلشي بس ماتوقع بيوفرونه بس انا اشوف المسات الى عندهم اغلبهن يجن بباص بس خاص ماله شغل بلمعهد واي سوال ثاني لايردكم الا الكيبورد |
|
|
|
| مواقع النشر (المفضلة) |
| الكلمات الدلالية (Tags) |
| بمعهد, بيرلتز, تجربتي |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| تجربتي في اختباري القدرات للجامعيين والكفايات للغة الانجليزيه | طموحي فوق | ملتقى الدراسات العليا و الابتعاث | 11 | 2012- 1- 20 02:59 AM |
| تجربتي مع الاكتئاب | البريئة2 | ملتقى المواضيع العامة | 59 | 2011- 12- 23 02:43 AM |
| فتح باب القبول والتسجيل بمعهد طيران القوات البرية ... لحملة الثانوية العامة والكلية التقنية | secret55 | آخر أخبار القبول و التسجيل في الجامعات و الكليات و المعاهد | 0 | 2011- 12- 16 08:35 PM |
| هذه تجربتي مع المذاكرة والاختبارات وبانتظار تجاربكم فمنكم نستفيد | my Dreams | ملتقى طلاب التعليم عن بعد جامعة الملك فيصل | 22 | 2011- 11- 19 10:06 AM |
