المشاركة الأصلية كتبت بواسطة متفائله بقوة

المشاركة الأصلية كتبت بواسطة فيوليتا

حسبي الله ونعم الوكيل والله لو كنت ماني مذاكرة احسن لي كان اقول
أساتهل قلعتي هذا جزاء الي مايذاكر لاكــــــــن..
ذكرنـآآ وتعبنـآ قلبنـآ وسهرنا اليل وحرمنا عينا النوم وعيت النفس تاكل كله عاشان هالماده
أحس كل دقيقه اذا ضاعت يوجعني قلبي عليهـآآآ كنت مجتهدة ومتأمله خير ...
وكنت مأتامله على أحلام كثيرة ...
لاكن ...
ماأقول الا حسبي الله ونعم الوكيل
وان شـآء الله نطلع منهـآآ.
وماأحد فينـآآآ يحمل الماده ...
قولو آميــــــــــــن:cry111::cry111:

المشاركة الأصلية كتبت بواسطة عزتي سمو ذاتي

المشاركة الأصلية كتبت بواسطة Ħаḏố0ồЧ

عآد تبين الجد آمجآد أقولهآ والحق ينقآل

الأسئلة كآنت حلوة جدآ بسس للأسف أنآ اللي مآ ذآكرت لأني قلت في نفسي إذآ دكتور المآدة

نفسية وأسئلته كآنت الله بالخير مع اللي قبلنآ هذي وش بتفرق عنه

والله طلعت أحسسسن منه بكثير قسسم بالله أني أشوف الأسئلة وندمآنه لآني مآ ذآكرت

ولو أحملهآ بموت قهر

لآحظي هذآ وأنآ مآ ذآكرت أقول كذآ كيف اللي فآرم أوم الملزمة فررم

>> لحد يخآف ترى ذكرت الله

بعدين تدرين أنه البنآت عندنآ مآ شآء الله طآلعين لمآ خلص نص الوقت مع أني قلت الأختبآر هذآ مآ بشوف

ولآ وحده بالسسآحه والله بس جآ نص الوقت إلآ السسآحة متعبيه بالبنآت والضحكه شآقه الوجه تبآرك الرحمن


يختي دكتور علم النفس تغير ظنتي والله لو يجيب أسئلة تفك الرآس غسلتم شرآعه

وقلتم لو أنه و لو أنه ... > لحد يزعل هذآ الصدق


لحد يعصب ترآه مجرد كلآم

المشاركة الأصلية كتبت بواسطة كابشينو

الاسئلة جدا صعبة:cry111:

المشاركة الأصلية كتبت بواسطة فرولة توت

صراحة
اختي يعطيك العاافية
اسئلة فووق مستووانا بكثير ابي افهم لية هذا كلة
وش بيصير ..لاسهلت لنا الاسئلة

حطي اسئلة الطلاب يجوبوون عليهاااا ..
مادة دسمة مررررة وتحتاج اكثر ووقت بسسسس..
الى الله المشتكى..

المشاركة الأصلية كتبت بواسطة عبدالعزيزالمطلق

اختي امجاد مساء الخير والله يعدي ها الماده للجميع على خير
اختي ما دامك ذكرتي وظيفتك كوكيلة مدرسة فانا بعد معلم والله العالم وش اللي حدنا على الدراسة في تخصصات اخرى لان هذي اخطاء وزارة والكل يدري عنها ولاهي محور حديثنا
والقصد من ذكر الوظيفه هو اننا لدينا طلاب ونفهم في مثل ها المواضيع والحقيقة انك كفيتي ووفيتي في الرد ولكن ازيدك بعد من الشعر بيت ان الجامعه المفروض يوم غيرت الدكتور معلم المادة وفي ها التوقيت اللي كل واحد مستغربه اقل شي المحاضرة المباشرة من حقنا اننا نسمع ونسأل عن نوعية الاسئلة وطريقتها واذا كانهم يقولون هذي حرمه كيف تتكلم اقل شي تنزل لنا معلومات عن الاسئلة عن طريق الرسائل المباشرة وتشوف ردودنا او تكلف احد من الدكاترة في القسم ينزلها لكن نسمع ونحمل محاضرات الدكتور فهد وبصوته وصورته ويقول المحاضرات 2 و3 محذوفه ونحسبها الاصلية واثرها حقت الترم الماضي اعتقد الرد نبيه من المسئولين في الجامعه والا ليش حطو المحاضرة المباشرة يعني وش الفايدة منها الا لقاء مفتوح بين الطلبة واستاذ المادة واذا كان كلامي غير صحيح ليش وضعو عليها درجات وطالبونا بسماعها وتحميلها اذا كانت غير مهمه ثم تجينا اسئلة بها المستوى وعلى المحاضرات المحذوفه خصيصا هذا سؤال ثاني للمسؤولين . وانا عن نفسي الحمدلله بعدي المادة لكن اخواني واخواتي وش ذنبهم زي ما ذكرتي اللي كبير في السن واللي مريض واللي مرتبط باعمال والزوجه اللي وراها بيت وزوج وش ذنب الجميع يحمل المادة والسبب اخطاء وتخبطات جامعتنا الموقرة بالاضافة الى اماكن الامتحانات العشوائية وانا واحد منهم جنب بيتي في غرب الرياض 4 مراكز واروح لمركز 20 عند استاد الملك فهد قبل الاختبار بساعتين وارجع بعده بساعتين هذا كان الطريق ما فيه حوادث وكل هذا وعندي مادتين واليوم الثاني عندي اختبار
اختي امجاد الاخطاء كثيرة ولا ندري من هو المسؤول عن ما يحصل لطلبة الانتساب عن بعد حتى البلاك بورد يتعطل حوالي الشهر والنصف ثم نرجع نعيد جميع اعمالنا من الاول وكل يوم نجد ما نعيدة مرة ثانية يطلع صفر بالعكس نحن المجتهدون من اول الترم ضاعت علينا اعمالنا وصرنا مضحكه للي ما اشتغلو الا بعد الحج لاننا عدنا اعمالنا من جديد وتحملنا كل هذا وسكتنا واحتسبنا الاجر وما زلنا نحتسب
لكن تجي مصيبة زي هذي ما اتوقع احد بيتحملها ولازم نعرف ليش صار فينا كذا والسؤال موجه لجامعتنا الموقرة .
وتقبلو مروري جميعا