المشاركة الأصلية كتبت بواسطة n.h.a بنآآآآت الله يخليكم ابي ترشحون لي دكتوره زينه للفيزياء وتكون اسئلتها نفس اسلوب الكتاب وسهله ومو دقيقه وتراعي مابي احمل الفيزياء للمره الثالثه خلاص ابي اعدي والله ضايق صدري ابي اعدي هالماده وافتك منها وحده امدحت لي ابتسام النعيم تقول ماتطلع عن الكتاب انتم وشرايكم مو شرط اخذ معها هي بس ابي دكتوره كويسه وتراعي واسئلتها سهله

الدكتورة ابتسام بصراحة انا ماجربتها بس يمدحونها من ناحية شرحها وتعاملها وما اقدر احكم لك على اسئلتها لإني مو مجربتها بس ان سمعتها طيبة بين بنات القسم

ومن ناحية دقة الأسئلة أحس كلهم لازم يكون فيه شي دقيق بأسئلتهم حتى لو فقرة وحدة

بس مع ذلك أنصحك بالدكتورة إيمان القرافي
إذا جدولك مناسب مع شعبتها لا ترددين شقول لك عنها شرح ممتاز + أخلاق راقية + تعاون مع البنات لأبعد حد ( ما شاء الله لاقوة إلا بالله )
وحتى في الدرجات تساعد كثير أنا بصراحة تفاجأت بدرجتي في الشهري توقعتها اقل من اللي عطتني اياه
بس في النهائي تقريبا زي ماتوقعتها وكانت عالية الحمد لله
واسئلتها ماتطلع من منهجها ومنوعة اكتبي المصطلح العلمي مسائل رسومات واكتبي المعنى الفيزيائي لها
مقارنات صح وخطأ استنتاج بس في النهائي جابت 3 تعاليل فيها تحوير شوي بس مااثرت كثير ولو كنتي فاهمة بتحلينها

الدكتورة شعفة آل مهباد نفس الشي ماتطلع عن منهجها وشرحها حلو واسئلتها سهلة ومنوعة تقريبا تشبه اسئلة الدكتورة إيمان بس لازم تجيب سؤال شوي دقيق

م.تهاني شفت اسمها في الجدول درست معاها معمل وهي توها صايرة دكتورة بس من ناحية المعمل كانت ممتازة من ناحية الشرح والأخلاق بس مااختبرت معاها

الدكتورة نوال كل شي فيها تمام واسئلتها شوي تعتمد على الفهم ومنوعة بس على قد شرحها وتراعي

والدكتورة غدير بعد جربتها في معمل وكانت ممتازة والإختبار كان موحد مع معيدة ثانية بس كان سهل وكله اختاري

م.هناء ماجربتها في نظري درست عندها تمارين وجزء من معمل وفي المعمل كانت افضل واختبارات سهلة ماتطلع برا المسائل اللي تحلهم معانا وتعامل راقي مع البنات

م.نورية + د.منيرة ماجربتهم

د. اميرة جديدة ما احد يعرفها

د. منى شرحها يبيله تركيز بس من ناحية الأسئلة جدا سهلة ماتطلع من منهجها نهائيا ومنوعة

باقي وحدة بس ما انصحك فيها ما اقدر اصرح فيها
بس برسل لك مين هي على الخاص وإن شاء الله تتغير للأفضل

وأي استفسار او محتاجة توضيح أكثر أنا والبنات حاضرين وإن شاء الله هالمرة تنجحين وتعدين المادة بامتياز

بناء على ماسبق ارشح لك : الدكتورة إيمان ، الدكتورة ابتسام ،الدكتورة شعفة ، الدكتورة تهاني ، الدكتورة نوال على الترتيب

المشاركة الأصلية كتبت بواسطة n.h.a بنآآآآت الله يخليكم ابي ترشحون لي دكتوره زينه للفيزياء وتكون اسئلتها نفس اسلوب الكتاب وسهله ومو دقيقه وتراعي مابي احمل الفيزياء للمره الثالثه خلاص ابي اعدي والله ضايق صدري ابي اعدي هالماده وافتك منها وحده امدحت لي ابتسام النعيم تقول ماتطلع عن الكتاب انتم وشرايكم مو شرط اخذ معها هي بس ابي دكتوره كويسه وتراعي واسئلتها سهله وابي ترشحون لي 1- حسين جلال 2- منصوره إسماعيل للكيمياء العضويه؟ مين فيهم شرحه حلو وواضح واسئلته سهله؟بنات الله يوفقكم وييسر عليكم اموركم لحد يطنش رايكم يهمني هالمادتين انا حاملتهم وابي انجح فيهم واعدي ان شاءالله