وينك من الأول الله يسعدك !

___________________________________

طريقة التخريج :

من اثنين : المسانيد و المعاجم .

روحي لـ : مسند الإمام أحمد بن حنبل - رحمه الله - .
و : معجم الإمام الطبراني (الكبير أو الأوسط أو الصغير).

اختاري حديث من كل واحد فيهم
أي حديث يعجبك من أي مسند

بعد ما تختارينه, روحي لهامش الصفحة, و شوفي من وين خرَّجه .
مثلاً : البخاري ! مسلم !

بعد ما تكتبينه, ارجعي لـ للي خرج منهم الإمام أحمد .
و اكتبي الحديث بالإسناد, مع جميع المعلومات .
الصفحة + الجزء + رقم الحديث + عنوان الباب + عنوان الحديث .
كل معلومة مختصة فيه اكتبيه .

و التزمي بهذه الإختصارات :

الصفحة + جزء الكتاب, اكتبيهم بهذا الشكل :

مثلاً لو كانت الصفحة رقم : 50 .
و الجزء : الأول .

اكتبيه كذا : 2/50

و رقم الحديث, اكتبيه بهذا الشكل :

مثلاً, لو كان رقم الحديث : 1150 .
اكتبيه كذا : ح رقم 1150 .

و نفس الطريقة بالضبط في المعجم .

مثال على ذلك :

لو جاك حديث :

فلان عن فلان عن فلان :
(..........................). (1)


في الهامش :
1. أخرجه البخاري (...), و مسلم (...).

ارجعي لـ البخاري, و ارجعي لـ مسلم .
و اكتبي نص الحديث مع الإسناد مع بقية المعلومات المختصة فيه .
و اللي ذكرتها لك فوق .

إن شاء الله يكون شرحي واضح, بالتوفيق .

على حسب الحديث اللي خرجتيه, ممكن تختاري حديث أخرجه الإمام أحمد من كتب أخرى .
المهم إنك ترجعين للكتب اللي خرَّج منها الإمام أحمد في مسنده, و الطبراني في معجمه .

اللي يهمني الحين إنك فهمتي علي, بإمكاني الحين أساعدك في هذه الطريقة .
و أخرج لك الحديث و كل شي و ارسله لك, بس تكوني فاهمة لأن وراك طرق ثانية أيضاً .

حاولي تحملينه من مواقع ثانية, أنصحك بـ موقع : المكتبة الوقفية المصورة .
يعرض لك الكتب على صفحة مباشرة, مع إمكانية تحميلها أيضاً .



خرجت لك من المسند و المعجم, تبين اكتبه لك هنا أو تخرجين انتِ بنفسك ؟!

الله يوفقك يارب و يوفقنا