|
وماذا بعد الادب ....من يؤيدني
بسم الله ..
اللهم اجعل القادم من حياتي وحياة طلاب قسم اللغه الانجليزيه اجمل .. قولو امين .. طبعا انا ماتكلمت عن الاختبار الادب الانجليزي ولاكلمة لحد اللحين !! (بقلبي جمرة لم تطفى) لكن لي طلب من كل طالب و طالبة (اخ و اخت):love080: يقرا الموضوع .. حملة مقاطعة د.محمد النعيمي اي مادة تنزل الاترام الجايه تحمل اسمه ماناخذها .. ارجوكم نبغى نتفق على هذا الشي (المادة اختبرناها وخلصنا وصار اللي صار ولا اتوقع ايميل له يبرد قلوبنا) مااتوقع هدفنا النجاح فقط حنا داخلين ومختارين هذا القسم بالذات لتطوير انفسنا سوا للي عنده لغه انجليزيه عامه حاب يطورها او جديد على القسم حاب يكتشف شي جديد بحياته (صلب الكلام اننا مادخلنا غصب وتحدي الكل داخل قسم انجليزي اما للتطوير او للابداع) وهدفنا درجات ومعدل يفتح النفس وليس للاحباط والاكتفاء بـ D اتمنى من يؤيدني يرد ويعلق .. فقط |
رد: وماذا بعد الادب ....من يؤيدني
وأنا معاكم ( أصلاً الدكتور لغته الانجليزية ماهي قد كذا, بس متخصص أدب ويقرأه قراءه ) مفروووووض يشرحه تلقائياً إذا كان متمكن !!!!!!!!:(177):
|
رد: وماذا بعد الادب ....من يؤيدني
اولا ( آآآآآآآآآآآآآمين )
ثانيا انا مؤيدتك وبقووووه :d5: وقايلة للبنات اللي معي من اول ماطلعت الاختبار اني الترم الجاي ماراح اخذ مادة ادبيه ابد وقد اعذر من انذر خخخ ( تكفين يعني هي اللي متقطعه عشانك :tongue: ) ماراح اخذها سواء درسنا النعيمي او غيره تووبه هذي المواد يبي لها كل ماده ترم لحاله ويالله الستيره ... ماراح اضغط على نفس السنه الجايه بصراحه ع الاقل اجلس ترم راحه استعيد فيه طاقتي وارتاح نفسيا وجسديا ( وعقليا ) من هذه المواد المليغه اللي تخبل بالواحد وهو يذاكرها ودكاترتها اتوقع كلهم من طقة النعيمي وبعدين الترم الثاني او السنه الرابعه او السنه الخامسه اذا الله احيانا ارجع اكمل مسيرتي مع المواد الادبيه يمكن النفسيه تتغير واكون تصالحت مع المواد الادبيه ( ماظنتي بنتفق ابد ) بعد اختبار امس كررررهت الادب عن بكرة ابيه وجده بعد كله من الدكتور الله يسامحه كرهنا بالادب وندمت لاني اخذته وبصراحه مافيني حيل ادرس ماده ادبيه ثانيه بعد عصر النهضة مدري عصر السقطه الله لايبارك فيهم هم وعصرهم سووووري طلعت حرتي في موضوعك بس والله من حر مافيني حسبي الله ع النعيمي سد نفسي حتى من مذاكرة مادة بكره اشوا انها حاسب ماده عامه والا كان علوووووم وبالنسه للمواد الادبيه في الاترام القادمه المشكله حنا وش بيدرينا من بيدرسنا عشان نتدارك ونقرر ماناخذها !!!! لانك ماتعرفين الا بعد ماتتوهقين وتاخذين الماده وتسجلينها في البانر وهذا اذا حطولك اسم الدكتور بالبلاك بورد لازم تاخير في كل شي في اول ترم كعادتها جامعتنا الموقره آآآه بس الله يعينا وياجرنا على هالصبر والعذاب اللي نعانيه مع هالجامعه ودكاترتها وانظمتها البايخه تحياتي لك ولقلمك :(204): واعذريني ع الاطاله |
رد: وماذا بعد الادب ....من يؤيدني
معك وبقوووووووووووووه:mad:
|
رد: وماذا بعد الادب ....من يؤيدني
الله يعين و يستر :( :bawling: :bawling: :bawling: |
رد: وماذا بعد الادب ....من يؤيدني
مساء الخير
تضامنا معكم.... عدوني واحد منكم .... واقترح ان يكون هناك مطالبة قوية للجامعة لتخفيض عدد ساعات هذه المادة لهذا الترم من 3 ساعات الى ساعة وحدة بس مثل ما حصل في النحو التطبيقي السنة الماضية حتى ما يأثر المعدل على الطلبة اللي يحملون المادة او ينجحون يتقدير اقل من جيد جدا . ولكم تحياتي |
رد: وماذا بعد الادب ....من يؤيدني
:(107): :(107):
ممممما ادري ... بفكر .. ياناس خلوا بكره لبكره .. |
رد: وماذا بعد الادب ....من يؤيدني
اقتباس:
|
رد: وماذا بعد الادب ....من يؤيدني
هذا انا كلي عنا << صعب انك تحطين في بالك حذف المواد الادبيه
كل الاترام الجايه مواد ادبيه مادة الادب جدا واضحه ماعليها كلام السالفه بالدكتور وطريقته فقط اما كيف نعرف بعد مايفتح النظام على خير واخترتي المادة يبين لك او ماتختارين المادة .. متعلم , السالفه :106: وادي الجود (عدوني واحد منكم ) ايش المقصود بالعبارة!! اما تخفيض الساعات لا مااعتقد !! والنحو مادة عامه تحضيريه بعد !! بالتوفيق يارب للجميع طبعا المقصود من هالحركه يا اعزائي ان الدكتور يتغير فقط لاغير اما فكرة المواد واننا تحاشها لا ابد لازم ناخذها ما ينفع اننا نفكر بهالطريقة اعزائي :love080: والمطلوب نتحاشى المادة اللي راح يدرسها الدكتور:000: |
رد: وماذا بعد الادب ....من يؤيدني
اقتباس:
فينا حره يا اختي محنا قادرين ندرس للجاي :000: عموما انا حابه الفت انتبهاكم لمصلحتنا كلنا مثل مانتم شايفين ماعطانا وجه ابدا ابد !! والمادة معلومات تاريخيه جديدة بالنسبه لي حبيت اني اقراءها رغم خوفي لكن المادة ماعليها كلام الكلام بالدكتور |
رد: وماذا بعد الادب ....من يؤيدني
صحيح والمشكله انها 3 ساعات واول ماده ادبيه ندرسها
والدكتور ماراعى الطلاب ب اي شي :icon9: |
رد: وماذا بعد الادب ....من يؤيدني
اختي saudi girl المقصود ب (عدوني واحد منكم )
يعني اعتبروني واحد منكم وجزء من اي قرار تاخذوه لكن طلب تخفيض عدد الساعات للمادة اشوف انه افضل لعل وعسى تقبل الجامعة ... ولكم الشكر |
رد: وماذا بعد الادب ....من يؤيدني
ياليت يغيرون لنا الدكتور مايعرف يحط اسئله
|
رد: وماذا بعد الادب ....من يؤيدني
سعودي جيرلٍ
صراحه بعدٍ التعب اللي تعبوه كثير من الطلاب والطالبات اللي هون حسسيت الماده حلوه وخصوصآ بعد الترجمه وبعدٍ ترتيب النوقاط المهمه لكن الغلط من الدكتور لانه اصلاٍ معطينا محتوى كله كلام ع بعضه لامرتب ولا ع شكل نوقاط وبشرحه لم يذكر التشبيهات والاستعارات اللي بالقصيده نفسها كان يقراها ويشرحها شرح عادي بدون ذكر الالفاظ البلاغيه اللي فيها صراحه هوٍ لاشرح عدل ولا حتى تعاون بالاسئله انآ معك مآآاتمنى اني اخذ ماده هو يدرسهآ لاني بتعب وبالاخيرٍ بطلع بدون اي فايده وبالاخير خلونآآ ننسى هالمآده ونستعدٍ للموآد الجايهٍ وان شاء اللهٍ نعوضهآآ ببآقي المواد مووفقين يآرب |
رد: وماذا بعد الادب ....من يؤيدني
مساكين والله تقطعون القلب
خرعتونا ياحنا مستوى ثالث عز الله فحّطنا :71: الله يسهل اموركم ركزوا بالمواد الجايه عذراً على تدخّلي بموضوعكم بس حبيت اعرف واحس بمعاناتكم شوي الله ييسر الامور ~~ تحياتي لكم جميعاً :(204): |
رد: وماذا بعد الادب ....من يؤيدني
حبيبتي سعوديه ولايهمك ..
انا معك والله الشاهد اني من البدايه اقول ان الخطأ مش مننا لاننا ذاكرنا من قلب ولا من الماده لان هذي طبيعتها . والشرح من الدكتور كان مفهوم وواضح لكن الغلط من وجهة نظري ان الدكتور ماراعى اننا لاول مره ندرس هذ النوع من الادب وان الاساس والمهم في هالماده هو التركيز على استخدام اللغه الانقليزيه القديمه (( اللغات المندثره )) ولا لفت نظرنا لهذه الالفاظ كان يشرح لنا بابسط الالفاظ حتى نفهم وبالفعل فهمنا لكن ما ركز على المفردات الجديده علينا او نبهنا ان اساس النجاح في هالماده هو فهم المفردات الغريبه علينا وليس فهم السياق التاريخي لتدرج ظهور الادب الانقليزي .. اللي اتمناه من الجميع الي يوافقوننا في وجهة نظرنا هذي انهم يسجلون تضامنهم مع مطلبنا وهو بشكل محدد (( مانبي الدكتور محمد نور نعيمي يدرسلنا ولا ماده في القادم من الاترام )) مع كامل احترامنا لشخصه وكما وعدتني الاخت سعوديه انها راح تكتب موضوع تطلب هالشيئ في منتدى النقاش حتى يطلع عليه الدكتور عبدالله النجار شخصيا وصدقوني لو لاحظ ان اللي لهم هذي الرغبه عددهم كبير راح يتفاعل مع الموضوع ان شاء الله .. طلب اخير ارجوا مراعاة الاسلوب في الكلام على الدكتور لان مشكلتنا مع طريقة اسئلة الدكتور وليس مع شخصه الكريم .. ومثل ماقالت بدويييه يجب التأدب مع أهل العلم .. سعوديه في انتظار موضوعك في النقاش .. |
رد: وماذا بعد الادب ....من يؤيدني
مستحيل أخذ ماده يدرسها د. النعيمي
وياخوفي من الدكاتره الجدد اللي بدرسونا :000: |
رد: وماذا بعد الادب ....من يؤيدني
فعلا الدكتور ماقدر يوصل لنا اي شي بقراءته<<<ولاحظوا قراءته موب شرحه
وحتى لما يقرأ يشتت الواحد لان يقرأ كلمه كلمه.. والمحتوى فاشل مابه ا شي مفهوم كله دش ع بعض.. لولا جهود الطلاب والطالبات اللي نزلوا شرح وتلاخيص اعتقد ماكنا بنحل سؤال واحد وهو قال ان الاختبار مافيه ولا تاريخ واخرتها اجتنا فقرة بها تاريخ...!!!!! الدكتور << ماله خلق تدريس لايدرس وانا معكم اذا كان هو اللي بيدرسنا انا لايمكن اخذ مادته والدراسه ماتتطلب جهد من الطالب فقط لابد جهد من الدكتور نفسه مثل ماده مدخل اللغويات على الرغم من انها معقده شويات واحس مالامها داعي الا ان الدكتور غسان ماقصر ولخص لنا كل محاضره بمجموعه اسئله<< ياليت النعيمي يتعلم منه هالشي,, |
رد: وماذا بعد الادب ....من يؤيدني
الشكوى لله :000:
حنا مالنا الا نقاطع الدكتور لان الشكوى ماتفيد مثل مانتم عارفين ومشكلة اذا اخذ مجموعه من الطلاب عنده الترم الجاي خصوصا انتم عارفين ان موادنا ادبيه فخلاص مانبغاها يدرسنا !! هالطريقة العميد يعرف ان اسلوبه متعب الطلاب .. فخلاص مالنا الا ننسى << غصب علينا ونتوكل على الله :love080: باللي جاي ونتفادى الدكتور بشكل جماعي :mad: |
رد: وماذا بعد الادب ....من يؤيدني
اايدك وبقوووه بعد..صراحةً توقعت الي انا بلحالي متعقده من الاستاذ سواء بطريقه شرحه او بتوصيل الفكره .. وكنت احاول ارسل ايميل لاي احد يقدر يساعدنا بانه يغيرونه لنا بس ماحسيت صوتي بيجيب نتيجه..
انا انساانه احيان افهم من اللي اسمعه من جد يعني حتى لو ماقدرت اقرا مضبوط وانجليزيتي حمدلله تمااااااااااام .. لكن معه لاحول ولاقوه احنا طلاب تخصص يفترض يجيبون لنا دكاتره اكفأ من كذا سواء بالنطق بالشرح وغيره بصراحه جد اواجه صعووبه كبيييييييره بمحاضراته اني افهم معه غير انه يتنقل من موضوع لموضوع بطريقه جدا سيئه يعني يتكلم عن الموضوع الاول فجاه يقطططططعه بدون ماينتهي او يختتمها انا جدااا منزعججه من هالدكتور واتمنى يغيرونه لناااا ونا معك ياختي بالي تامرين فيه من جد ودنا بنسب ترفعنااا |
رد: وماذا بعد الادب ....من يؤيدني
صدقوني الصوت راح يوصل إذا احد بلغ الدكتور النجار انا على ما اذكر انه في اول ترم لنا في الجامعة يعني المستوى الأول كانت مشكلة في اسئلة الدكتور الخثلان الله يذكره بالخير في النحو وتم استبعاد الدكتور من تدريس الإنتساب في الأعوام التي تلت تلك السنة فعلا الدكتور ما هو مستوعب اننا انتساب مع العلم والله اللي يعلم اننا اجتهدنا وذاكرنا الله لا يضيع تعب وفعلا ودي انسى الإمتحان الله يوفق الجميع |
رد: وماذا بعد الادب ....من يؤيدني
يشهد الله اني فكرت بهالشي .. و تشجعت اكثر لما شفتكم موافقين
وانا معكم بحول الله ويارب تتسهل بقية امورنا |
رد: وماذا بعد الادب ....من يؤيدني
[QUOTE=وادي الجود;3592237]اختي saudi girl المقصود ب (عدوني واحد منكم )
يعني اعتبروني واحد منكم وجزء من اي قرار تاخذوه لكن طلب تخفيض عدد الساعات للمادة اشوف انه افضل لعل وعسى تقبل الجامعة ... ولكم الشكر[/QUOTE كم عدد الساعات؟ للإدب؟ |
رد: وماذا بعد الادب ....من يؤيدني
اذا كانت نسبة الرسوب في المادة عالية معناته الخلال في المدرس المادة
وان شاء الله نقول تتيسر وفكروا في الاختبارات الجاية |
رد: وماذا بعد الادب ....من يؤيدني
أنا ضد هذه الفتنة واثارة البلابل .
كل اختبر وكل يحصل نصيبه من اجتهاده . ان ساعدت الجامعه المتعثرين بالأدب جزاهم الله خير وان ماساعدوهم الله يعوضهم بالفصل الجاي . سالفة نقاطع الدكتور أو نقاطع مواد الادب .. هذا في الحقيقة مو من مصلحة الطالب وراح يتآخر في التخرج من طلب العلا سهر الليالي .. واللي يبي يقاطع يردد يااااهملااااليي . :(269): ان شاء الله النتائج مرضية وتعدي الامور على خير بدون هذه الفوضى والاهازيج والاصوات هنا وهناك. توجه العداء لشخص ما كان في فترة سابقة يدرسنا ويعلمنا , لأجل مصلحتنا . شكرا * نسخة للدكتور عبدالله النجار مع التحية الاسم الرقم الى الامام جامعة الملك فيصل ( رحمه الله ) |
رد: وماذا بعد الادب ....من يؤيدني
يَ ريت يقللو من عدد آلسآعآتَ :icon9:
|
رد: وماذا بعد الادب ....من يؤيدني
لازم نعمل خطاب شكوى للأدارة العامه ..
أرجو أن توافقوني الرأي الوضع ماينسكت عليه |
رد: وماذا بعد الادب ....من يؤيدني
:
اقتباس:
اقتباس:
|
رد: وماذا بعد الادب ....من يؤيدني
لازم نعمل خطاب شكوى للأدارة العامه ..
أرجو أن توافقوني الرأي الوضع ماينسكت عليه . |
رد: وماذا بعد الادب ....من يؤيدني
طبعاااا- مع وبقوة
حسبي الله ونعم الوكيل علية في هالاسئلة - لحظة / اصلا متى اخذنااا مزاج القصيدة هو عرف المزاج بشكل عام لكن يجيب قصيدة ويقول وش مزاجهااا - او نغمتهاااا وعشان يزيد الطين بلة - قبل لااحل ربع الاسئلة - جات المشرفة وقالت الوقت انتهى - جا ع بالي اسطرهااا لانهم اصلا دخلونا الساعة 7 تخيلوا الساعة 8ونص قالو لي برااااااااااااااااااااااااااااااااااااااااا نصف الاسئلة حليتها غلط -0 والنص الثاني - حقرا بقر حسبي الله ونعم الوةكيييييييييييييييييييييييييييييييييييييل نفسيتي زفت وماعرفت اذاكر من امس - !! |
رد: وماذا بعد الادب ....من يؤيدني
اقتباس:
|
رد: وماذا بعد الادب ....من يؤيدني
اقتباس:
سؤال ..؟ أنت معنا في نفس التخصص ..؟ |
رد: وماذا بعد الادب ....من يؤيدني
ايه معنا هذا اللي قال بجيب لكم اسئلة بموضوع جرح وووو ماشفنا الا غبارة !!
ارجو وبقوة اي طالب يدخل ويكون ضد حنا بغنى عن تعقيبه للموضوع يفتح الوورد ويطلع اللي بيقوله لا يكتب شي هنا !! شكرا مقدم للكل المادة 3ساعات الموضوع لحصر الطلاب المتفقين فقط ايضا ليكون علم عند الجميع الترم القادم ويكون بشكل جماعي لان الترم الجاي 7 مواد انجليزي تخصص ماتوقع انه كل المواد بيعطنا نتنتازل عن مادة ماراح يضر :106: لاإله الا انت سبحانك اني كنت من الظالمين رب اجعل نهاية جهدنا فرح .. |
رد: وماذا بعد الادب ....من يؤيدني
|
رد: وماذا بعد الادب ....من يؤيدني
ههههههههههه
الله يسعدك ماتقدرين تتحاشين اي ماده يدرسها لانك بعد ما تبدا الدراسه تعرفين مين يدرسك هذا بعد اذا ما اخترتي وما كان هو اللي يدرس وفجأه يغيرون المدرس زي ماصار بالنحو 2 الترم اللي فات كان مدرس شكله حبوب وغيروه للمصاروه الماده مو انها شينه حيل بس فيها دش وش كثر ومعلومات سقيمه كان ممكن يختصرها الدكتور !!!!!!!!!!! ياليت الجامعه تتطور في المناهج وتكون معاصره ولغويه اكثر مما هي ادبيه زالله ياناس تخلف هاللي ندرسه ... مايخالف اداب بس نبي لغه يا عاااااااااااااالم الطلبه يقولون نبي لغه ليه الإداره التعليميه ما تحقق هالشي البلد محتاج يتعلم لغه ويالله يعديها جايبين ادب وعقيم وقديم والماده هي هي ما تغيرت من عصر جدي ؟ الله يخلف وبس يارب نسألك الدرجات الرفيعه في الجنه وتعوض علينا القهر اللي احنا فيه:Cry111: |
رد: وماذا بعد الادب ....من يؤيدني
معااااكم وعسى الله يسخر لنا من يساعدنا و يغيرون هالدكتور :mad:
صديقتي اخذت هالماده و منصدمه من الامتحان كل املها انها تنجح الاسئله تقول صعبه :icon9: الله يوفقها و يوفقنا و ننجح بهالماده و بكل المواد يارب:119: |
رد: وماذا بعد الادب ....من يؤيدني
تم طرح هاذا الموضوع في المنتدى الرئيسي للجامعه في منتديات النقاش لجامعة الملك فيصل
الكل يشارك هناك لان الدكتور النجار راح يقرى الموضوع الهمه امكن يساعدونا ويرفعون درجاتنا |
| All times are GMT +3. الوقت الآن حسب توقيت السعودية: 07:22 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه