|
أسئله عن التحويل من كلية التربيه بالجبيل لجامعة الملك فيصل بالأحساء
بسم الله الرحمن الرحيم
بغيت أسأل عن التحويل من كلية التربيه بالجبيل إلى جامعة الملك فيصل بالأحساء هل صحيح لازم امضي سنه كامله بكلية التربيه بعدين اقدر احول ومايصح التحويل وانا دارسه بس ترم ؟ الشي الثاني طبعا كلية التربيه السنه الأولى سنه تحضيريه وانا ابغى تربيه خاصه فزميله لي نصحتني انه حتى لو يصح اني احول للحسا قالت لي اجلسي بكليةالتربيه بالجبيل سنه ونص بحيث تخصصين تربيه خاصه(تضمنين التخصص) وبعدين حولي للآحسا لان ممكن انا اجيب معدل يدخلني تربيه خاصه بجامعتي لكن لمن اروح الحسا الاقي فيه اكتفاء أو ان المعدل المطلوب أعلى فيحطوني برياض أطفال فما أدري هل كلامها منطقي حبيت أستشيركم إنتوا أهل الخبره و إنتوا أدرى وهل صحيح اني اذا ابي احول للحسا لازم اتقدم بطلب التحويل قبل بدء الترم الي ابي ادرس فيه بشهرين !!يعني لو انا ابي ادرس الترم الجاي بالحسا المفروض اني مقدمه طلب تحويل من شهر 12؟ السؤال الأخير كم يطلب قسم التربيه الخاصه بالأحسا معدل؟وهل جميع سنوات الدراسه 4 سنوات ولا 5؟ ياليت الي يجاوبني يكون عنده علم بلجامعه و قوانينها مو متخرج من زمااان والقوانين متغيره |
رد: أسئله عن التحويل من كلية التربيه بالجبيل لجامعة الملك فيصل بالأحساء
هلا بك
لتحويل لازم بعد سنه كامله يعني بعد السنه التحضيريه وتقدمين عليه قبل بد ا العام الدراسي على الاقل بشهر او شهرين المعدل يخذون على نسبه ثانويه يعني 95 وفوق هذا كلام المسئوله الدراسه اربع سنوات وانتي وشطارتك اتمنى اني افدتك دعواتك لي |
رد: أسئله عن التحويل من كلية التربيه بالجبيل لجامعة الملك فيصل بالأحساء
اقتباس:
معليش بسألك بعد اذنك يآخذون على معدل الثانويه هذا بس لمن بحول من جامعتي لجامعتكم ولا لمن بدخل تربيه خاصه يآخذون على معدل الثانوي ؟ وهذا كلام المسؤوله من كم سنه يعني للحين مطبق؟ وشكرا مره ثانيه :) |
رد: أسئله عن التحويل من كلية التربيه بالجبيل لجامعة الملك فيصل بالأحساء
وعلى فكره قريت بموقع جامعة الملك فيصل انهم يشترطون معدل 3 و فوق للتحويل
فأفهم من كلامك الحين انه بالإضافه لهذا الشرط نسبة الثانوي؟ |
رد: أسئله عن التحويل من كلية التربيه بالجبيل لجامعة الملك فيصل بالأحساء
حبيبتي لاتفهمين غلط
قصدي التخصص على نسبه الثانويه والتحويل على معدل الجامعي زي ماذكرتي 3 الله يوفقنآ جميعآ ونحول ونصير رسميآ بجامعه الفيصل ونتخصص تربيه خاصه :119: |
رد: أسئله عن التحويل من كلية التربيه بالجبيل لجامعة الملك فيصل بالأحساء
اللهم آمين اللهم آمين
الله يجزاك خير ويفتحها بوجهك ولا يحرمك الأجر يالغاليه . شكرا لكd : |
رد: أسئله عن التحويل من كلية التربيه بالجبيل لجامعة الملك فيصل بالأحساء
بالنسبة للتخصص تربية خاصة يتطلب معدل عالي
ويعتمد المعدل اذا اقل او اكثر على شطارة الدفعة لأن في سنة اخر نسبة قبلوها تربية خاصة 98 السنة الي بعدها 96 موفقة |
رد: أسئله عن التحويل من كلية التربيه بالجبيل لجامعة الملك فيصل بالأحساء
^
هل هذا يعني انهم مايتطلبون معدل عالي بالجامعه ؟"البنات الي بجامعة فيصل مو محولات وكذلك المحولات"لو وحده مثلا جابت 3 ومعدلها بالثانوي مرتفع هل تقبل تربيه خاصه ولا ينظرون للي معدلها مرتفع بالثانوي وبالجامعه؟ |
رد: أسئله عن التحويل من كلية التربيه بالجبيل لجامعة الملك فيصل بالأحساء
قبولك في الجامعة يعتمد على معدل ثانوي العالي
قبولك في التخصص كان على ثانوي العام قالوا انهم راح ياخذون على معدل الجامعة في التخصص بس ماطبقوه واخذوا التخصص على نسبة ثانوي اما بالنسبة للقبول التحويل من جامعة الى جامعة اخرى يعتمد على معدل الجامعة على هذا الرابط شروط التحويل الى جامعة الملك فيصل ط§ظ„طھط*ظˆظٹظ„ |
رد: أسئله عن التحويل من كلية التربيه بالجبيل لجامعة الملك فيصل بالأحساء
شكرا لك الله يجزاك خير
بالنسبه للرابط الي حطيتيه لي في شي ابي استفسر عنه اقتباس:
يعني لمن يجون يطلعون المعدل التراكمي فيما بعد يحسبون سنه ثانيه وثالثه ورابعه ؟مالهم شغل بسنه أولى؟ أو يآخذون معدل سنه أولى لكن مو التراكمي !!؟ |
| All times are GMT +3. الوقت الآن حسب توقيت السعودية: 02:37 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه