المشاركة الأصلية كتبت بواسطة همس الغرور (المشاركة 4918854)

بحاول اشرحلك على فهمي وان شاءالله اقدر اساعدك ..

اول شي الطرف المدين الاصول + المصروفات ..

والطرف الدائن الخصوم +حقوق الملكيه+الإيرادات ...


طبعا النقطه المهمه ان العمليات لازم تقيد على الطرفين ..

اول خطوه دائما في من اين اتت الاموال واين تم صرفها ..
نبدأ بأول معطى دائما اللي هو رأس المال ..

600,000 ريال تم ايداعها في بنك الرياض
هذا المبلغ وين نحطه ؟
نشوف ايش هو ؟

اول شي هو اصل ليش لان الحساب البنكي للمنشأه اي مبلغ يدخل فيه يعتبر اصل للمنشأه ..
واذا زاد الاصل يكون مدين ... واذا نقص يكون دائن ..

يعني اول شي نقول 600,000 بنك ..في الطرف المدين ..

ولما نجي ل600,000 كيف نقيدها بالطرف الدائن ..
نفس الشي نشوف وش تكون ؟
هي حق للمالك لانه دفعها من عنده وتسمى في العمليات الحسابيه رأس المال اللي هو نفسه حقوق الملاك ..
اذا زاد يكون دائن واذا نقص يكون مدين ..

وتكتب ..
600.000 رأس المال في الطرف الدائن ..

نفس الشي المبنى نحاول نعرف ايش يصنف ؟
المبنى يعتبر من اصول المنشأه لانه شي مملوك للمنشأه مثل المعدات اللي تشتريها المنشأه او الالات او الاثاث اذا كانت هذي المشتريات تمتلكها المنشأه نعتبرها اصل وليست بضائع نشتريها بهدف بيعها ..

نقول ..
250,000 مبنى ..في الطرف المدين ..

وفي الطرف الدائن سدد نصف المبلغ بشيك والباقي على الحساب ..
دائما شيك يعني من حساب البنك ..طبعا سحبنا من البنك 125,000 ريال علشان نشتري المبنى يعني نقصت فلوسنا اللي هي في البنك والبنك اصل وفي الطرف المدين .. اذا نقص حساب البنك نسجل هذا النقصان في الطرف الدائن "هذي قاعدتنا دائما"
وعلى الحساب يسمى دائنون ..وهم الخصوم .. الخصوم في الطرف الدائن من اسمهم دائنون طيب هم الحين يبغون منك 125,000 ريال كذا تكون زادت ديونك اللي هم الخصوم والخصوم في الطرف الدائن اذا زادو..

كذا نسجلها في الطرف الدائن ..
125,000 بنك في الطرف الدائن << ليش هنا مع انه بنك لانه نقص الحساب نسجله بالطرف الدائن ..
125,000 دائنون << اللي هم خصوم وزادو يتسجلون بالطرف الدائن ..

بعدها اخذت المنشأه قرض بمبلغ 300,000 ريال يسدد بعد 3 سنوات ..

طبعا نشوف مثل ماقلنا وين نحطها بالطرف المدين هذي فلوس دخلت حسابنا في البنك يعني زاد الرصيد يعني زاد البنك يعني اصل وزاد ..

نفول ..
300,000 بنك ...في الطرف المدين

طيب وين نحطها بالطرف الدائن بسيطه هذا دين علي لازم اسدده لكن مو الحين بعد ثلاث سنوات يعني زادت ديوني ولازم اسجلها .. يصير نسجلها بأسم الدائنون اللي هم الخصوم ..
وبكذا يكونون زادوا خصومنا لان ديوننا زادت ونكتبها بالطرف الدائن لان الخصوم اذا زادت تكون دائنه ..

نقول ..
300,000 دائنون .. في الطرف الدائن


وقيسي عليها الباقي وان شاءالله اكون فهمتك شي ..:oao:
وايش مافهمتي قوليلي يمكن اقدر اساعدك ..:biggrin:

المشاركة الأصلية كتبت بواسطة همس الغرور (المشاركة 4919257)

تقصدين الاصول = حقوق الملكيه + الخصوم ؟؟

المشاركة الأصلية كتبت بواسطة همس الغرور (المشاركة 4920279)

شوفي الحل هنا من التمارين المحاضره السابعه ..

http://www.ckfu.org/vb/t247828.html

واذا حبيتي اشرحلك بالتفصيل اهم شي تفهمين ..:love080::love080: