|
الزمن وكلمة (((يلعن امك)))
السلام عليكم ورحمه الله وبركاته .... ماتلاحظون ان كلمة يلعن امك ... انتشرت انتشار غريب ومريب ... . وصار اللي يقولها عااادي كانه قايل السلام عليكم ... والاغرب ان اللي تنقال له يرضى عااادي ... كيف وليش ... بعض الشباب اللحين بالعكس صارت عندهم يلعن امك مدحه ... مثلا يجي واحد يقول والله امس سويت كذا وسويت كذا ,,, يجي الثاني يلعن امك ياشيخ ...: واذا قاله يلعن امك مددد الخشه شبرين كأنه قايله ... شعر يمدحه .. ولا بعض الشباب ... واحد يسال ثاني ... وش رايك بالدكتور الفلاني ... يقول يلعن اممممممممممه قوي من جد ... طيب قوي وش دخل امه بالموضوع ... للأسف الشديد ان الكلمه هذي منتشره عندنا انتشار كبير ... فمثلا تحصل دايم تراها ... ................................. ب: وينك امس يلعن امك م : ابد رحت لفلان الله يلعن امه ب:ليه ماقلت لي انك بتروح له الله يلعن امك انت وياه م: وش دراني انك موجود يلعن امك .. ب:ههههههههههههههههه م:هههههههههااااااااي ولا كأنه صار شي ................................. وللأسف انها تقريبا اكثر كلمه تنقال هالأيام .... وكم بنت تسولف مع صقيقتها... تقول يا أختي خلاص تعودنا مانقدر نخليها صارت جزء من كلامنا ... هذا رد ابيخ من الفعل ... مافيه شي تتعود عليه وانت تدري انه مو زين ولا تقدر تخليه ... بالعكس فيه شباب تدرون وش سوو ... قالوا من اللحين الي يقول يلعن امه ... يتبرع بخمسه ريال ... وصاروا اي واحد يلعن يجي ويعطيهم خمسه ويجمعونها .. حتى لو انهم ما عندهم .. .. وبكذا خففوا لييييييييييين تركوها .... صراحه عجبوني ... لذلك .. ترا الكلمه هذي مو هينه ابد مو هينه .... معناها الطرد والابعاد عن رحمةالله ... لذلك ... انصح كل من بلاه الله بهالكلمه ان يخليها ... وكل ماشفت واحد يقولها ... علمه بخطر هذي الكلمه ... ونرجوا الافائده!!! الله لايبلانا يارب |
رد: الزمن وكلمة (((يلعن امك)))
:s12:اي والله انك صادق يا الحب العذري ايش كثر ما تقال هالكلمه .. الله يهديهم وبس ..
الحب العذري .. تسلم عالطرح الجميل :d5: |
رد: الزمن وكلمة (((يلعن امك)))
:Cry111::Cry111::Cry111: يلعن أم السالفة ويلعن أم الفكرة أوووووووه كأني جبت العيد يسلموووو الحب العذري ونصيحتك حلوة و شكلي بجربها |
رد: الزمن وكلمة (((يلعن امك)))
مشكور اخوي الحب العذري على الموضوع الرائع ...
صحيح منتشرة كثير >>> بس ما احد يقدر يقولها لك ... اذا ما سمحت له يتماده عليك ... نصيحة ابتعد عن الاشخاص البذيئة ... قال الامير المؤمنين (( علي بن ابي طالب )) عليه السلام (( يأثم من كان سببا في شتم امه )) |
رد: الزمن وكلمة (((يلعن امك)))
فعلاً أخي الحب العذري دائماً ما تتردد هذه الكلمة على مسامعنا وكما ذكر الأخ المنسي أن لا احد بإمكانه أن يطلقها عليك إذا لم تسمح له أنت ولكن للأسف بعض الشباب ينطق بما لا يعي وهنالك أيضاً كلمات مثل ما ذكرت شائعة جداً غير ما ذكر وأنا عن نفسي بداية دخولي للجامعة تعرفت على فتيات كثر ومن مناطق مختلفة وتعرفت إلى مجموعة من الفتيات كان السب لديهم مثل السلام عليكم وفي البداية لم يذكروا مثل هذه الألفاظ أمامي وبعدما أعتدت عليهم بدأن بالسب حتى شتمتني إحداهن مرة وبالطبع لم أسمح لهابذلك لأنني اكره الألفاظ البذيئة مهما كانت صغيرة أم كبيرة ومنذ ذلك اليوم وهن يحترمنني ولا يتجرأن بالسب والشتم أمامي فإذا الواحد منا منع حدوث ذلك له فأعتقد بأن الكل سيحترم هذا الشخص وستقل نسبة الشتم والكلام البذيء تدريجياً لأنه متعود ومن الصعب على شخص متعود على فعل شيء أن يتركه بسهولة أرجو من العلي القدير أن يكفينا شر هؤلاء وشر هذه الألفاظ وجزيل شكري وامتناني لكَ أيها المتميز:g8: الحب العذري على الطرح المتميز:d5: |
رد: الزمن وكلمة (((يلعن امك)))
موضوع واقعي جداً وين مانروح نسمعها وانا اكثر شي اسمعها لما اكون امشي بالشارع وواحد يسب الثاني والمشكله انها كلها سبااااات تخص الأم مع تغيير الكلمه الأولى ........ امك ( اللي بالفراغ يختلف من شخص لأخر) وكلها كلمات الواحد يستحي يسمعها في بعض الكلمات هو مايرضى احد يقولها له لكن هو اذا قالها لغيرهـ اكيد الشخص راح يردها عليه وبالتالي هو المتسبب في سب امه الله يهديهم ويمسك لسانهم عن هالكلام تسلم يالحب العذري على الموضوع ’, ’, ’, سلامـــي لـ?.... قمووورهـ...! |
رد: الزمن وكلمة (((يلعن امك)))
|
رد: الزمن وكلمة (((يلعن امك)))
[QUOTE=الجــ2008ــوري;108766]:s12:اي والله انك صادق يا الحب العذري ايش كثر ما تقال هالكلمه .. الله يهديهم وبس ..
الحب العذري .. تسلم عالطرح الجميل :d5:[/QUOTE بصراحه مشكله انها صارت سهله على السنة البعض والله المستعان الجوري2008 الف شكر على تواجدك العطر ربي يحفظك |
رد: الزمن وكلمة (((يلعن امك)))
اقتباس:
خربتها :t3: كاتم العبرات مرورك اسعدني ربي يحفظك |
رد: الزمن وكلمة (((يلعن امك)))
اقتباس:
اكيد كل شخص لازم يحط لنفسه حدود ولغيره بعد المنسي اشكرك على مرورك اللطيف ربي يحفظك |
| All times are GMT +3. الوقت الآن حسب توقيت السعودية: 02:47 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه