|
مصافيه ثانيه== وقلب الهواوى مثل طيرن يبا الهدة
السلام عليكم ورحمة الله وبركاته
حبيت ألطف الجو لكم شوي قبل الاختبارات يعني نغير جو شوي 000 وكل عام وانتم بالف خيرر0000 سرى اليل سرى الليل والساري مايبغى يجيه اللوم **** يعد الطريق من المسافه ومن بعده على اللكزس اللي كنه الطير يوم يحوم **** انا مهتوي والجيب فالخط من قده على الزيرو العداد ماكن فيه رقوم **** سبح مع بحر بالخط لارحمبو جده عيوني تشوف الدرب والنوم مابي نوم **** حذفت الشماغ ولازمي لازم اسده مايطري علي الخوف لو قدم جيش الروم **** أغني القصيد ولجنة الليل مسوده أنافزعة اللي حاشه من الزمان هموم **** علي الحرام أبعد الهم وألــــــــده وياطيب رجلاً لانخوه الرجال يقوم **** يسوي مايقدر يوصل العلم الى حده يوم أن الضعيف ضعيف ماغير جسم هدوم **** لاحافظ سدود الناس ولا حافظٍ سده خبيث الطبوع منافقياً ردي عزوم **** عديم الامانه ناقص الشبح والمده وانا بحمد الله يوم بالناس ناس قروم **** رجالٍ كفو بالطيب لو طالت المده ولكن سر الليل ياهاجسي معزوم **** أغني لك الطاروق وانته الي رده نصفت القصيده والشعر فالصدر بالكوم **** وقلب الهواوي مثل طيرٍ يبى الهده على البال مر الغالي الفاتن المحشوم **** على شفته روجه ورمشه على خده تصور تقول انه على شاشتي مرسوم **** احاكيه وامزح معه باللين والشده لطيفاً نظيفاً كن ردفه تقول رجوم **** ومن لين عوده لأنثنى ضعت في مده عليه الامان ومنوتي والأماني كوم **** أنا ليتني يا ناس حاجات في يده يسولف عليه ويتعلم وقال علوم **** علومه نصيحه ابيض القلب من جده يقول استرح ماعاد الك بالتعب ملزوم **** وانا أقول لابد التعب غصب لابده ياصعب المراجل ماتجينا بحب خشوم **** على الهون ياللي تنقض الراس وتكده انا الشاعر اللي يقبل الحظ والمقسوم **** يعرف القدر بيصير ماواحد يرده اداعب بيوت الشعر واشري غلا وأسوم **** ومن يسمع الغالي يجيني وانا اعده عسى الله يبيض وجه شعري عزيز القوم **** ليا من زهمته قام بالجيش والعده اسج القدم بالبر والبحر فيه اعوم **** على كيفي امشي وابني البيت وأهده وإلا ضاق صدري شفت دربٍ عليه رسوم **** إما شطىء الدمام والا بحر جده احب البحر لو البحر بالغدر مشؤوم **** لكن الغدر سيمه بالانسان من عده ترى الآدمي معطى لكن البحر محروم **** تهب الهبوم ويصطفق جزره ومده سرى الليل والا ماسرى يالسهارى نوم **** وخلوني اسهر مع حبيبي ومع وده اخوكم الشاعر غيث المشاعر تم النشر بتاريخ 3/1/1432 |
رد: مصافيه ثانيه== وقلب الهواوى مثل طيرن يبا الهدة
صح لسانك اخوي غيث المشاعر ....
|
رد: مصافيه ثانيه== وقلب الهواوى مثل طيرن يبا الهدة
صح لسانك ولو أني أكره الشعر
بس ابطلب منك طلب ممكن تكتب قصيدة عن الاختبارات وجوها و الطموح شي مثل هذا القبيل يحفز الطلاب:cheese: |
رد: مصافيه ثانيه== وقلب الهواوى مثل طيرن يبا الهدة
صح لسانك:d5:
|
رد: مصافيه ثانيه== وقلب الهواوى مثل طيرن يبا الهدة
[align=center][/align]
أنافزعة اللي حاشه من الزمان هموم **** علي الحرام أبعد الهم وألــــــــده كــــــــــــفو... صح الله لسانكـ قصيده ولا اروووع.. |
رد: مصافيه ثانيه== وقلب الهواوى مثل طيرن يبا الهدة
اقتباس:
صح لسانك .. أعتقد ومن وجهة نظري وبحكم تذوقي للشعر .. ان اللي اقتبسته اعلاه . هي في نظري . أحلى مافي القصيدة . ولو اكتفيت بها لكان كفانا نحن ايضاً جمالاً . مع تحفظي على التعليق على الوزن لكي لا أدخل في متاهات مع الشاعر . <<< د. غسان الحسن . :lllolll: صح لسانك غيث المشاعر .. أنافزعة اللي حاشه من الزمان هموم **** علي الحرام أبعد الهم وألــــــــده البيت هذا بيت القصيد . وانت كفو . لا تحرمنا من جديدك . المميز ,... |
رد: مصافيه ثانيه== وقلب الهواوى مثل طيرن يبا الهدة
صح لسان الشاعر
|
رد: مصافيه ثانيه== وقلب الهواوى مثل طيرن يبا الهدة
صــــح لـــســـانـــكــ :d5:
|
رد: مصافيه ثانيه== وقلب الهواوى مثل طيرن يبا الهدة
:d5:{{<صح لســآآآنكـ<<<ولا يهونون الحضور<<بدت تهاايط
بسس صرااحهـ قصيدتن جزلاا<<تتابع الصحرااء:mh12: وصح<<بدني:106: |
رد: مصافيه ثانيه== وقلب الهواوى مثل طيرن يبا الهدة
صح لسانك
القصيده مره حلوه ودائما ننتظر ابداعاتك... |
| All times are GMT +3. الوقت الآن حسب توقيت السعودية: 08:35 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه