ملتقى طلاب وطالبات جامعة الملك فيصل,جامعة الدمام

اقتباس:

المشاركة الأصلية كتبت بواسطة اذكى حفراوي (المشاركة 3795623)

الله يعطيك العافيه على الاهداء :d5:
بس لو خليتني مذكر بالقصيده :(284):.... اذكى حفراوي واخرتها نوف :017:
لكن يسلمو ماقصرت :lllolll::lllolll::lllolll:

ههههههههههههههههههههههههههه

انا مهديها لك ... ماقلت كاتبها فيك ... لكن ابشر !!

انت اكبر من قصيده ... والقصيد انا اعتبره صفصفة كلام لا اكثر ولا اقل

لكن تبقى كبير وقدرك كبير ..... وأمثالك في هذا الزمن قليل

بكل صراحه انا لا امدح الا من يستحق المدح وثق ثقــــه تامه لو لم تكن كفو والله ماتعبت نفسي بحرف واحد منها

واهون على نفسي اني اشطبها

وثق ايضا لو انك عكس ذلك والله الا اقلب عليك الليله ابن المقفع واهجيــــــك :biggrin:

تبقــى عـزيز وخــوّتك ترفـــع الــــراس /// من روس قــومِ باللــوازم هوايــل

الطيب ساسك وانت للمرجله ساس /// وتزين في مدحك جميع المثـايـل

كليب جــدك والمثنـــّـى وجســـــاس /// والزير سالم بالعصــــور الأوايـــــل

مثل القمــر للي سرى الليل عساس /// تاريخهم لا شك ماهـــو بزايــــل

عندي مثل يبقــى علامــة ونبــــراس /// للي جحــد مضمون كل الدلايـل

اسئل عن اللي يوم الارياق يبـــــاس /// من حط راس الفارسي بالنثايل

والتبّــــع اللـــي ظالم بحكمه النــاس /// جيتوه قبل انه يجيكــم تحايــــل

منهو زبن لا شك مايلحقــــه بــــــاس /// في ظلكم ماجـــاه برد وقوايــــل

من لازبنكم يلحقـــه بالزمـــن يــــــاس ///ويشوف في وقتــه هموم ورزايل

انتـــم ملوك الارض في كل مقيــــاس /// وانتم حمــاة الدار لاصال صايـــل

خمس الجموع مغطيـّـه جرد الأطعـاس /// خمس الجموع كبـار والجد وايل

بالمختصر انتـــم كمــا الدر والمــــــاس /// واسم عنزه ينقل بكل الوسايل

يكفي فخــر في ذكرهم ترفع الـــراس /// ماهــو قصورٍ في جميع القبايـل

وشهادتي فيك مجروحــــــــــــــه

لكن انا اخلي الزمـلاء بالمنتدى يحكمون بيني وبينك

اذا مدوحك زين على زين

واذا قالوا مايستاهل

ابشر بالهجـــاء :biggrin:

تشاووووو ياحلوووووو :106::106::106: