طلعت النتائج , الحين اقدر اتكلم بهدوء بدون ضغط ..
وقبل كل شي نبارك للناجحين , واللي تعثروا معوضين خير إن شاء الله وشدوا حيلكم ..
علم اللغة النفسي , أخذته السمستر اللي راح وكان الدكتور عبدالعزيز التركي ..
فيه جزء حفظ وفيه أشياء تعتمد عالفهم ضروري ضروري تفهمها وبكذا تقدر تدخل الإختبار وانت متطمن ..
وفي الإختبار ضروري تتركد في الإجابه وماتستعجل ..
المقرر جميل ومعلوماته حلوه ..
علم اللغة الإجتماعي , أخذته هذا السمستر للدكتور الهلال ..
مقرر جميل جميل جميل فعلًا معلوماته حلوه ..
عطيته حقه في المذاكره والمراجعه خصوصا بعد ماقالوا إنه نكبهم في الأسئله السمستر اللي راح ..
لكن بعد المذاكره اطّلعت على الأسئله اللي قالوا عنها صعبه ومعقده وشفتها سهله وواضحه ..
والإختبار كان جميل ولله الحمد ..
الترجمة الإبداعية للدكتور احمد حليمة ..
ذاكرته بنفس الطريقة اللي ذاكرت بها نظرية الترجمة ..
فهم وحفظ وتدقيق ,خصوصا إنه كان فيه جزء عملي ..
ساعدتني ملفات سلطانه كثير الله يعطيها العافيه ..
المسرحية الحديثة للشنّاوي ..
اخذته من كم سمستر , لكن اللي اذكره انه كان جميل وممتع
والإختبار كان سهل ..
النظام الإجتماعي في الإسلام للدكتور حمد المري ..
اخذته في نفس السمستر اللي اخذت فيه المسرحية , معلوماته حلوه
واسئلة الدكتور كانت سهله و واضحه ..
النقد وطرق البحث لسى ما اخذتهم ..
شكرًا للجميع ماقصرتوا , كنت افكر إن النشاط راح مع اللي راحوا لكن اكتشفت
إن فيه اعضاء متعاونين بشكل كبير ومايبخلون بأي معلومه ممكن تساعد او تفيد ..
مجرد عابر , سكرتير الخير وظل الحقيقه وما انسى كويزات اسم منتسب وغيرهم كثير ..
الله يعطيكم العافيه ويوفقكم ويسعدكم في الدنيا والآخرة ..