طال الفراق وقلت طبع الايام
ميدوم للعشاق صافي عسلها
وليفيد في الايام مفتي وعلام
فاحلى ليالي البيض يكسف قمرها
قمت اتوجد واشرح الشوق قدام
بنات فكري يشتكن من خطرها
مرت ليالي العمر عايش بالاوهام
وحامي لهيب الشوق كبدي فطرها
وخيط الامل مربوط في جسر الاعدام
قاسي عليه الوقت روحي هدمها
محد يجيب خبر عن ظبي الاحلام
ولحد من اللي راح يعرف خبرها
يسال نجوم الليل والجاه في الشام
ويسال مزون الغيث لركز مطرها
هواجسي في عناد خلفي وقدام
وصبري طفح كيله ونفسي كسرها
ياشادي الالحان غني بالانغام
غني لنا باطلس وموجت شعرها
لو ريشه الفنان في يدين رسام
يروح وقته حاير مارسمها
ولاياهبوب البحر هبي بالانسام
جسمي نحل والعين هلت عبرها
هاتي من المحبوب وصله من الخام
اما ترد الروح والاكفنـــــــــــــــــا