ياليت الموضوع يتجدد ويكون مستقل برنامج الابتعاث المرحله11 لانه تفرق كثير عن المرحله العاشره المهم للي حابين افيدهم ويعرفون ايش صار بالمقابله الي هي قبول مبدئي كان امس موعدي ودخلت واخذت رقم انتظر دوري طبعا اللجنه الي تسوي المقابله قدامنا وكل بنت يقابلونها نشوفهم عالستيج عباره عن 3 حريم طلبو مني السي في وبطاقة الهويه وحسيت اني خربطت شوي بالقابله وكانت اساله شخصيه ومافيها صعوبه يقدر الواحد يجاوب المهم لما سالتني وين تبين تشتغلين قلت مدرسه حسيت المفروض مااقول كذا لاني مفدمه ع وزارة الشؤون مفروض اقول جمعيه ولا مستشفى اتوقع وخلصت وطلعت وقاعده على اعصابي انو ممكن انرفض عشان هالسبب ولما خلصو مقابلات رحت وسالتها قالت ماياثر حنا نسويلكم مقابله بس عشان نعلمكم طبيعة العمل وساعات العمل عشان بعدين لو ابتعثتو ورجعتو ماتقولون لا ومانقدر والقرار النهائي مو حنا الي نوافق ولا نرفض الوزاره تبع الابتعاث هي اللي تحدد الزبده ريحتني شوي وقالت عدد المتقدمين تقريبا 800 وشي وهم يبون منهم 200 من رجال وحريم ضمن هالميتين شخص وبس والله هذا اللي صار معي وبعد اسبوعين النتيجه بالقبول او الرفض واسال الله لي ولكم التوفيق