[محمــــــــــد]

المشاركة الأصلية كتبت بواسطة بـنـدر99

[align=center]
بالنسبة لي طول الله عمرك
تخرجت عام 1421 وتعسكرت
وعايش في ظغط نفسي من
هالعسكرية من يومها غير طبيعي
بالرغم إن رتبتي طيبة ولله الحمد
وبالرغم لاني ولد دلع ولاني ولد نعمة
بالعكس من يوم يومي مكروف على وجهي
ومتحمل مسؤليات أكبر مني
كانوا يقولون لنا ايام الدورة
ماراح يستمرون اولاد الدلع والنعمة...
وكنت أقول داخل نفسي وش دخلني
ماني منهم لو إني منهم ماشفتوا وجهي
المهم
من سنة تقريباً وانا أنام وأصحى وانا افكر أكمل جامعة
وآخذ شهادتي والباااااب
ووينك يادرب المدنية والراحة النفسية

وعلى كذا قدمت السنة ذي على جامعة عزوز
وقبل إنتهاء فترة الرسوم بيوم في رمضان دخلت
منتداهم الا وهم يصيحوون من الجامعة
وانواع التظلم وانواع الشكاوي
فيه واحد فيهم الله يسعده ويوفقه
كان كاتب موضوع كامل عن جامعة الملك فيصل ويمدح فيها ويثني عليها
وعلى طول طال عمرك على جوجل وأبحث عن موقع الجامعة وبالصدفة أدخل
الا وهو بدء التسجيل ماصدقت خبر وأسجل وأقنع كل من يعز علي وأسجلهم
واللهم لك الحمد قبلنا كلنا
شكلي طولتها وهي قصيرة

والله يتمم لنا ولكم هالجامعة على خير
ويوفق الجميع
[/align]

اخي الكريم بندر منور الصفحه

كلامك سليم اغلب الشباب اللي موظف بوظيفه تعبان منها

دايم يشتكي من وضعه وضاع عمره وهو يشتكي

من تعب الوظيفه ومن قل الراتب ومن تسلط المدراء .. الخ

ولكن من الذي ياخذ موقف ويقرر بالدراسه

وليه قلنا الدراسه لانها السبيل الوحيد والطريق الاساسي لتحسين ظروف المعيشه

لان السماء لا تمطر ذهبا ولا فضه

لا بد من الدراسه .. يا كم من موظف ضاعت سنينه وايامه وهو مكانه لا يتحرك

مجرد يشتكي ويلوم كل اللي حوله وطبعا انت لست منهم

والدليل انك معانا اليوم هنا وباذن الله نكون ايضا هنا بعد التخرج

الله يوفقك يا بندر طموحك جدا رائع وباذن الله يتحقق لك ما تتمنى

اخوك محمد