[al3almi]

مره جلست وانا اذاكر مبادئ الاقتصاد افكر بشي

تخبرون ايام الاختبارات ابليس يقعد يوسوس لك بسوالف مالها داعي

مثل تتذكر شي من زمان عنه .. تطق براسك تسويلك كيكه آخر الليل

تتعشى بماكدونلز الساعه وحده ونص بالليل .. تشوف لك فيلم اكشن وانت اختبارك ثاني يوم ...
تلعب بليستيشن وانت اساسا ماتلعبها ... الخ

المهم من ضمن السوالف اللي قعدت افكر فيها ايام مذاكرة مادة الاقتصاد هل الجامعه تخسر علينا ..

تخبرون ان الجامعه مسوية برنامج البلاك بورد .. واكيد تصرف عليه بلاوي وسيرفرات
وبرامج عشان يطلع بالشكل اللي هو عليه الحين ..

بالاضافه لرواتب الدكاترة اللي يشرحون المواد ..

ورواتب الموظفين التابعين لتقنية المعلومات اللي تجهز الملفات الفيديو وتنسقها وتنزلها على الموقع ..

بالاضافه لرواتب قسم التعليم عن بعد من اعلى راس لاصغر راس ..

ولا ننسى قيمة ايجار القاعات اللي تصير فيها الاختبارات بكل مناطق السعودية
وخارجها ويمكن في اكثر من قاعه بالمنطقه الوحده ..

طيب كل هذا ومن منطلق نظرية الانتاج والتكاليف وقياس المنفعه هل تعتقدون ان الجامعه تحقق
ارباح او ان اللي تاخذه من الطلبه يخطي مصاريفها او انها تخسر ..

طيب خلونا نحسب شي ..

• لو ان عدد جميع الطلبه على مستوى المملكة وبجميع المستويات عددهم عشر آلاف طالب
• وان كل ماده قيمتها 165×3= 495 اي ان الخمس مواد = 2475

اذا المبلغ المحصل هو 10000×2475= 24.750.000 اي اربعه وعشرون مليون وسبعمائة وخمسون الف

طيب ممكن يكون العدد اكثر وعليكم الحسبة ..

السؤال هنا ..

• هل تستحق الجامعه هذي المبالغ ووين تودي اللفائض .
• الا يمكن خفض الرسوم لان هذي جامعه ( حكومية )

• هل انا شخص فاضي وما عندي سالفه والا ذي من ىثار الاختبارات