مكآلمتي مع الدكتور [عبدالله الملحم] مادة النحو والصرف
-
السلام عليكم ورحمة الله وبركاته ..
اليوم كلمت الدكتور عبدالله الملحم .. وكان جداً متعاون ..
سألته عن المادة وعن محتواه والكتب ..
لانه فِ المحاضره الرابعه حط كتابين ..
المهم ..
سألته هل المحتوى كافي للاختبار ؟
قال كامل وكافي .. والكتب اللي ذكرتها للأستفاده وهي جداً جيده ومفيده لكن مو دايم تتوفر ..
سألني .. قال هل شرحي يوصلكم ؟ هل انا سريع بطيء ؟
قلت له لا الله يجزاك خير شرحك يوصل المعلومه بسهوله رغم صعوبه المادة
قال انا ماكلموني الا اثنين وتقريباً انتي الثالثه وايميل واحد بس ..!!
مدري هم مايفهموني ولا مايسمعون لي ولا مو مهتمين ولا مافي احد اخذ المادة
قلت له في ناس ماتذاكر الا قبل الاختبارات ب اسبوعين او ثلاثه .. قال لالالا ..
ترى هالمادة يبغالها متابعه وتركيز اول بأول ..
وقال اعتبروني اخوكم الكبير - اي شي ماتفهمونه او يصعب عليكم لاتترددون تكلموني حتى لو خارج الساعات المكتبيه ..
سألته .. قلت يادكتور ولو انه بدري على هالسؤال بس انت تجيب من خارج المحتوى ؟
قال لالا ..
و قال ترى هذي اول تجربه لي فِ اني اشرح بدون طلاب واشرح مع كاميرا بس
لكن ان شاء الله ان شرحي يوصل و اي شي تبونه او اقتراح او شي منتم فاهمينه كلموني
هذا تقريباً كل اللي صار .. ان شاء الله يكون اختباره مثل شرحه .. ومثل تعاونه .. الله يجزاه خير ويوفقكم
|