[مارياا]

انا سمعت ان البنات قبل الزواج يشحنون بعض على اهل الزوج على بالهم هذا من باب النصيحة والادهى والامر سمعت ان بعض المتزوجات باعمارهم اثناء حديثهم عن اهل الزوج
تصبح هذي المتزوجه متسيدة بالمجلس وتبدأ تحكي لهم عن البطولات التي تفعلها مع ام الزوج وحدثني من اثق به ان اغلب الآتي يتكلمن مثل هذا الكلام كذابه وهي مع اهل زوجها من افضل مايكون برأيي هاذي تأثم على ذلك فتجدين من تصدقها اذا تزوجت تمشي على قاعدة سيئه فتبدأ الاحداث والمشاكل حتى تنتهي بالطلاق ولو عندها تفكير هذه المسكينه كان سئلت نفسها ليش انا اسمع كلام هاذي واتبع طريقتها وانا دخلت بمشاكل كبيرة وتطلقت وهي الى الان مع زوجها الغريب ليش مثل هذي الي تنصح البنت المسكينه وهي على وجه زواج بهذي النصايح ليش ماتقول خير اوتصمت الى هاذي الدرجة وصلوا لاحول ولاقوة الابالله طيب وش السبب
المعذرة على الاطاله ماريا لكن استفدنا منك كثير

الله يجزاك خير ع الكلام الطيب ..يمكن لأني جربت عشت فترة مع اهل زوجي في نفس بيتهم وو بعد سنة طلعت في سكن مستقل .. عشان كذا عندي فكرة ولو مبسطة شلون الوضع في الحالتين ..

بالنسبة للكلام اللي ذكرته حقيقي جدا واقعي .. وانا شخصيا تعرضت لهالموقف ..
كانت وحدة الله يصلحها تقول لي" انتي لازم من البداية تعلمينهم وين حدهم ولا تصير مسكينة ترى ياكلونك .. ولا تخلينهم يتجرأون عليك ....الخ
حسستني اني داخلة حرب .. لكن ولله الحمد ماسمعت لها لان بيت زوجي هم بيت خالي .. وانا عارفتهم زين ..

مثل هالبنات اللي ينصحون كذا اما انها ماتحب الخير لاحد او انها متعقدة من بيت زوجها وتبي كل الناس في مشاكل ..
الافضل ان الوحدة ماتسمع النصيحة الا من احد يهمه مصلحتها ومافي افضل من الام .. انا اشوف امي شلون تتعامل مع عمامي وعماتي الله لا يغير عليهم ..
حتى جدي الللي هو ابو زوجها الله يرحمه كان يحب امي لدرجة انها اذا جت تطبخ مايرضى يقول انتي امانة عندنا لو احترقت ايدك او انجرحت شقول لاخوانك ...!! والله و بدون مبالغة ..

^^^ الشاهد ان مثل مافي بيت اهل زوج نشبة في غيرهم مثل العسل ..

الزوجه لازم تتاكد من الكلام بنفسها مش من الناس
ساعات ناس تحب الخير وممكن توصله بطريقه خطئ أو يكون بينهم موقف وتحكم فيه على الجميع
وساعات ناس تحب هدم البيوت

معاها حق دوحة ..

لان الزوجة اللي عاشت عشرين سنة سنة في بيت وبيئة مختلفة وفجأة دخلت بيئة ثانية محتاجة انها تتعرف عليهم زين وتاخذ وقتها ممكن تكون علاقتها فيهم رسمية شوي بالبداية لكن مع الوقت تتعود .. وهنا لازم زوجها يفهمها وش اطباع بيتهم و قوانينهم وكذا ..

ولا تسمع النصيحة الا من اهل النصيحة ..