|
رد: استفسار : هل يوجد وقت محدد لحل المناقشات ؟
السؤال الاول
مفتوح امامك المجال للمشاركه والمناقشات والتحميل إلى ماقبل الامتحانات
بس باخر الاسابيع يكون فيه ضغط ع الموقع وساعتها تبتلش فيها ومايمديك تشارك وتروح عليك الدرجات
خذ الجواب من وحده ناويتن تصير دافوره 
من الان حمل كل محاضره وحل مناقشتها بنفس الوقت
وانتقل لما بعدها وهكذا
والمناقشات حلولها من المحاضره واذا ماسمعت المحاضره الله يسلم قوقل
اما بخصوص السؤال الثاني
مدري البعض يقول مو لازم لو بس تفتحها دقايق خذيت الدرجه او تسحب الماوس وتسرع المحاضره لاخرها وتسكر بس الاحتياط والحرص واجب وانا اختك
اذا ماعندك وقت للمشاهده كامله شاهده لمدة لاتقل عن 10 دقايق
عشان تتأكد انها تنحسب 
وحمل المحاضرات افضل عشان ترجع لها متى مابغيت
لان عندنا مواد شرح الدكاتره فيها مهم
مثل مادة الصحه واللياقه
ومادة مهارات التعلم والتفكير مهم تحملها الدكتور يقول ان شرحه للمحاضره هو اللي نذاكر منه
تحميلك للمحاضره باي صيغه صوت والا فديو
كلها تنحسب لك درجه
ولاتنسى الواجبات قربت تنزل والمحاضرات المباشره نزل جدولها اذا ماحضرتها حملها لاتنسى 
|