انا جربت الموقع وبتكلم عن تجربتي من ناحيتين. الاولى الفلوس والفيزا والثانية الدراسة بالموقع.
اولا الدفع بالفعل في نصب كثير واللي يتصلون كل واحد كلامه شكل. انا سجلت تسع شهور بعدين اتصل علي واحد نصاب اسمه ايمن وقام يقولي هذا الاشتراك حق التسع شهور للاطفال وماعرف شنو وخليني اغيرك ومن كيفه غيرني لشي اسمة المدرس الخاص بس لان الفيزا ماكان فيها فلوس ماقدر يكمل التسجيل قال عبي الفيزا فلوس
عشان الكورس هذا اغلى قلت ياابن الحلال انا منين لي فلوس رجعني لكورسي وانا اصلا ماطلبت منك تحولني.
المهم رجعني بس حسبو 25% م المبلغ اللي دفعته اول شي يعني دفعت زيادة. دقيت واتصلت وصارت سالفه
بالاخير اختي قالت لي شوفي مايسو تتجادلين معاهم هذولي نصابين وزين جت على 24 يورو طنشيهم وكملي
دراسة بس ماعاد ندفعلهم. بالفعل انا كنسلت اشتراكي يعني التجديد التلقائي.
الحين نجي لدراسة. انا بكل امانة اقولكم انبسطت كثير كثير كثير بالدروس. سواء الدروس اللي بالموقع او وقت
المحادثات الصوتيه مع الاساتذة والتلاميذ. استفدت كثير. مع اني لغتي ممتازه الحمدلله وبدون غرور بس كنت
حابة اتطور بالتحدث لان احس اعرف كثير كلمات بس ماالقى فرصة اتكلم واستخدمهم.
فنصحية لوجهه الله. وقت ماتسجلون بالموقع خلو عينكم مفتوحه زين وانتبهو لكل شي. انا الحين ماصارو يزعجوني مكالمات. بس لو ازعجوكم قولولهم بصراحه انا ماابي تتصلون علي. لااحتجتكم انا اتصلت.