الله يوفق اللي يساعدني

[warrior]

سلام,,,
كيف حالكم ,,ان شاء الله الجميع طيب,,
شباب, انا ادرس اللحين في الجامعة العربية ومخلص تقريباً 70 ساعة information techonlogy & comuting since وخاطري اكمل في الكليه الجامعيه :علوم حاسب,,,طبعاً عندي أسأله كثيره وهي:
1- الكليه الجامعيه هل هي نفس كلية الجبيل الصناعيه او امتداد لها؟
2- وين محلها؟
3- هل اقدر احول من الجامعة العربية الى الكلية الجامعية؟ وهل راح يعادلون لي ساعات حلوه؟علما بأني موضف.
4- الشي الاخير اذا احد عنده رقم لهم.


انا عارف اني طولتها بس يعلم الله اني دايخ الايام هذي

[apple~]

وعليكم السلام

بجاوب لك باللي اعرفه وان شاء الله يدخل احد من الطلاب يعطيك معلومات وافيه

1- الكليه الجامعيه جامعة مستقله ماتتبع كلية الجبيل الصناعيه ولا هي نفسها

2- محلها لفرع الطلاب حي ينبع على ماأعتقد

3- لازم تروح لهم وتشوف المواد اللي ممكن يعادلونها لك

والرقم ماأعرف سوري
اتمنى اني افدتك

[warrior]

مشكووور ,,,يعني الاداره في حي ينبع؟
طيب دوامهم متى؟

[apple~]

العفو أخوي

هذا رقمهم 3453320 - (03)

الدوام كل ايام الاسبوع من الساعه 7ونص الى 2ونص

[warrior]

هل عندهم دوام مسائي لاني موضف يعني دوامي من 7-4 عصر

[apple~]

لا ماعندهم مسائي

[warrior]

I am disappointed

انتي متأكده اختي,,,,يعني اذا كنت موضف وابي ادرس مسائي ما فيه؟؟؟؟؟؟؟؟؟؟؟؟؟؟

[apple~]

والله هذا اللي أعرفه أنه مسائي مافي بقسم الطالبات وأتوقع نفس الشي للطلاب

Do not be disappointed

[warrior]

الله يعطيكي مليون عافيه على تفاعلك وتجبين ممتاز ,,,بس لازم انتضر احد من الطلاب يتكرم و يقول لنا السالفة,,,لاني باقي ما قطعت الامل,,,الاداره يداومون الخميس؟ لانك قلتي الدوام كل ايام الاسبوع!

[apple~]

الله يعافيك
لا اقصد كل أيام الأسبوع من السبت - الأربعاء
بس أذا أنت مخلص 70 ساعه يعني ماباقي لك شي وتخلص شوف الكليه اذا بيقبلونك وبيعادلون المواد أترك الوظيفه كلها سنه او سنتين وتتخرج بأذن الله