مهمه جدا جدا للاختبار

[عبدالله الثامر]

اخواني واخواتي اخباركم؟؟؟ واخبار المذاكره؟؟؟ حبيت اقدم لكم قصه قصيره في هذا الوقت الذي يكثر فيه الاعتماد على الاخرين وينسى الشخص ان الله هو الاحق بالاعتماد عليه لانه سبحانه قادر على كل شي@@

القصه حقيقيه حدثت في منطقه من مناطق المملكه
كان فيه تاجر ملياردير ,,, املاكه واجد وعمايره ماليه المملكه وارصدته بالمليارات((يعني لافكر بتربيه خاصه ولا هم يحزنوووون)) المهم كان التاجر عاااصي ولا عمره صلى ولا ركع ركعه!!! في يوم من الايام كان التاجر مهموم وطفشان وحالته حاله ومايدري وش فيه!! ويقول في نفسه اووووف وش فيني اليوم؟؟ المهم في اخر الليل جاء احد عياله من خارج البيت متأخر كالعاده ومو شيء غريب ومتعود ابوه على هالشيء لان ابوه متفتح حيييييييل .. بس الولد حضه ردي صادف ابوه جالس بحوووش قصره وهو معصب وحالته حاله ,,,, المهم التاجر من كثر الهم اللي فيه حاول انه يبرد حره بالولد وهاوشه وطقه ,, بس المصيبه زاد الهم همين.. وطلع التاجر من قصره وراح يمشي على رجوله من الطفش ولا يدري وش فيه؟؟؟ وهو يمشي شاف مسجد باخر الحي وقال في نفسه خلني اصلي لي ركعتين يمكن تنفرج وكانت الساعه 2 صباحا.. دخل التاجر المسجد وصلى ركعتين ويوم انتهى من صلاته شاف واحد في طرف المسجد يبكي ويصيح وسجد ويرفع يديه,, استغرب التاجر وقام يمشي يمه شوي شوي يحاول يسمع وش فيه ,, ويوم قرب منه قال التاجر للرجال انت وش فيك؟؟؟ ليه تبكي وتصيح؟؟؟ قال له الرجال مافيني شيء الحمد لله بس والله اني مااقدر اروووح لبيتي بسبة شخص يطلبن ثلاث الاف ريال وانا اطلب الله انه يعينني ,,, قام التاجر وطلع محفظته واعطاه المبلغ,,, اخذ الرجال المبلغ وقام يسجد شكر لله,,, وقال التاجر للرجال انا من تجار المملكه وعندي املاك واجد ... خذ هذا كرتي اذا احتجت شي كلمني.... قال له الرجال لا لا لا لا خذ كرتك معك انا اذا احتجت شيء جيت بين يدين الله ادعوه ,,ومثل ماجابك اللحين بهالوقت راح يجيبك او يجيب غيرك اذا احتجت شيء وقال الرجال تأكد ياخوي انه لو خذيت كرتك وكلمتك ابي 5 ريالات والله ماتعطيني
...... استغرب التاجر!!! وقال للرجال والله اني ماعمري دخلت المسجد الا اللحين!!!!وقام يهوجس التاجر ويفكر ويقول اللحين فهمت وش فيني!! ورجع للبيت ورجعت حالته الطبيعيه مثل اول@@@

اخواني اخواتي اخلصوا في دعائكم لله,, والله لو الرزق بدين الناس كان الهواء يباع@@@

اعذروني على هالاطاله واتمنى من الله ان يوفقكم

[مايهمني أحد]

والنعم بالله وهو الذي قال ادعوني استجب لكم
عبدالله الثامر ألف شكر ع هالقصه من جد استمعت وانا اقراها
رووووووووووح وفالك التوفيق بحياتك قول آآآآآآآآآآآآآآمين

[آلحزينه]

قصه مررره راائعه
من جد استمتعت كثير بالقرااءه اخذت استرااحه <<ينقال قطعت نفسها من المذاكره هع هع
يعطيك العافيه
الله يوفقك
و
الله يوفقنا ويووفق جميع المسلمين :)

[عڜڨڱ ڎپحـڼـے]

استمتعت بقراتها
سلمت اناملك
ع الذوق الراقي
الله يعطيك العافيه
وعساك ع القوة

[طمووووحه]

الله يجزاك خير اخوي عبدالله
ويجعله في موازين حسناتك
قصة رااائعه وفيها من الموعضه مايكفي
عن محاضرات وخطب طويله عريضه0

والله كنت ناويه انزل موضوع بخصوص التعلق بالله
انتم شايفين المواضيع في المنتدا بعد الاختبار
كيف الناس يأاااائسه وتندب حضها من مجرد فقد كم درجه0
صحيح مهمه الشهادة والحرص علي الدرجات
لكن الاهم
هو ان نستغل هذة الايام بالتقرب الي الله
بطلب العون والتوفيق منه
ونستشعر معية الله وحفظه لنا وتيسيره
لآمور ماكانت لتتيسر لولا رحمته بنا0

جزاك الله خير القصة فعلاً جاءة في وقتها0

[عفتهم لأجلك]

قصة رائعة
عجبتني مره
ربنا عند حسن ظن عبده فيه
سبحانه كريم رحيم يعطي بلاحساب واذا أراد شيء قال له كن فيكون
أمسكت قلمك فأبدعت بوركت أنامل خطت لنا هالقصة الجميلة
بارك الله فيك

[كحيلان1]

مشكوووووووووووووور وجعلة الله في موازين حسناتك فعلا قصة رائعة

[متفائله بقوة]

قصه جنآآآآآآآآن لكن وين الي ينفذ يانى اعرف ناس مايصلون الا وقت الشده ويانى اعرف ناس ما يدع ربي الا اذا طاحو في مشكله واعرف ناس ما تصلي الا قدام الناس كانهم خايفين منهم<<<<كني كثرتها
ههههههههه مشكوووووور اخوى الله غفور والله الي يعلم الي في قلب الواحد ويحس فيه مهما شكينا للناس مارح يريحونا قد رب ما يريحنا بتفريج الهم
تحياتى لك

[أمل للنجاح]

اللهم جازه على ما كتب خير الجزاء وأجزل له العطاء وبدل السيئة حسنه و المعصية طاعة

وفقره غنا وحزنه فرحا وضيقه فرجا و أنزله منازل الصدقين والشهداء

و أجمعه في الجنة مع من يحب و يشاء

وجميع المسلمين ..

اللهم آمين..

[عبدالله الثامر]

مشكورررررررررررين على هالردود الرائع


والله يجمعنا في جنات النعيم

اللهم اامين