عميدة الكلية : صرف المكافـآت لطالبات كليـة المجتمع خـارج صـلاحيتنا

[SaRa..!]

المشاركة الأصلية كتبت بواسطة خوية الحاسب

مشكووور مديرنا ع النقل


ولي وجهة نظر على تعليقات البنات

احس تعليقات ما لها غرض


واذا عندكم حاجة هنا ذكرتوها ما اتوقع اي حدا من عميدة او استاذات اووو راح يقراء تعليقاتكم

خليهم انزين يقولون ..عاد تعليقاتهم لها غرض او مالها غرض ..!
ولا يعني وصل الحال ان انطموا بالإجبار ..
ولا تجين تقولين انا ماامنع احد من الكلام ..

احنا في بلد يدّعي الديمقراطيه ..فخلي هالديمقراطيه تمشي لو بالخراط ..!

يعني اذا ماصار عندها زبخ وملخ ومدح لهالكليه ومعلماتهم ولا مايصير تعليقها له غرض ..!!!

عجيب أمركم ..!!
صدق الأمير يوم قسّم الناس لثلاث ..!
وبعدين من قالكم انهم مايقرون ..
مو بالضروره يجون ويعلقون ..عشان يصير دلاله انهم يقرون
أكثر من مره اسمع من كذا معلمه انها قرت في الملتقى كذا وكذا ..

وليكن ان ماحد حولهم ..
وين المشكله ...!



وبعدين اذا انتِ تروحين وتجين وتقولين نفس الكلام انش معنا وانش كذا وكذا ..بس ماتبقي احد يغلط عليهم قدس الله سرهم
فتأكدي إن من يهجو " شخص " وهو راكع تحت أقدامه أعتى

لهو مادح للحنق والحمق بأسلوبين , بلغتين ..!

يا حبيبتي المجتمع لا يفسد بسبب أخطاء فردية ـ هذا على افتراض أن مايكتب ويثرثر به خطيئة في حق كليتنا "المجتمع يفسد حين يعم الظلم ، وتكثر المهاترات ، وينتشر النفاق ، ويطبق القانون على الضعفاء فقط ".


واذا انتِ تشوفين الكليه كما يصفون أنفسهم انهم ماقصروا وانهم كذا وكذا ..وقائمة من المدح .
فالمفترض من الكليه ان لا تضيرها جعجعة من هنا أو هناك ..!!
ليش الإصرار على انكم توصلون بالطالبات للمهادنه والنفاق حتى النخااع ...!






..!

[خوية الحاسب]

يا اختي انا قصدي من كتابة التعليقات باسلوب

كم وكم موضوع وردود حذفتها بسبب الكلام


يعني لو بيتكلمون يتكلمون باسلوب


هذا كل ما اقصده


مهما كان ومهما صار المفرض كل طالبة تصون لسانها ولا !!؟؟


بسأل حلوة بحقك انك تكتبي كلام لا يعقل او كلام لا يسمح بتواجدة بيننا هل هذا حلو بحقك ؟؟


لو كنتي مكاني مشرفة القسم مو المفروض عليك تعقبي كل حاجة والشي الا مو زين تحذفية او تعدلية


هذا انا اسوي الا علي


انتو علقو بكل ما تبغون لكن باسلوووووووووووب مو كلام مو حلو او كلام .......


ع العموم ماني مطولة اتمنى انك تفهمي قصدي

[خوية الحاسب]

وياليت تطلبون من العميده او وكيلتها تكون متواجده عشان نتناقش معها ياتقنعنا يانقنعها
يمكن نقدر نتوصل لحلول مرضيه ومريحه

انا اتمنى تواجد اي استاذة او ادرارية ترد على استفساراتكم

وهذا الشي بيدكم بامكانكم تكلموهم يتواجدون هنا معنا


لان لما كنت ادرس كنت اتمنى تواجدهم


بالتوفيق لكم خواتي

[أستغفرالله]

لاتلومينا ياخويه الحاسب فديتك وربي قهر والمشكله اذ تكلمنا معهم قالو نبي مصلحتكم اي مصلحه يتكلمون عنها
اما عن يدرون والا مايدرون ماعيلك يقول المثل(اللي يطلع من الراس يدري به الناس)
ويعطيك العافيه خيتو

[خوية الحاسب]

يعافيك ربي


واتمنى الباقي يفهمون قصدي مثلك خيتو


وربي يوفقكم ان شاء الله

[الموناليزا]

ابي افهم ليش الدكتاتورية البحته المتواجده هنا...:s3:
ياما نمدحهم يااما نسكت ليه ملائكه مايخطون يعني
وليش متعبين روحكم وفاتحين منتدى ومسوين زحمه والطريق فاضي وبعدين ليه منتدى للكليه ولافيه مشرفات من الكليه ولامن الجامه وش الفايده..
واذا على قولتك انهم مارح يقرون خلاص الكلام ببلاش احنا ماوصلنا لحد الوقاحه
ولاسبينا شخصيه لنفسها احنا قاعدين نتناقش معهم على اشياء تخصنا كطلاب ولاهوبكفر اذا تكلمنا
واذا مانتي راضيه عن كلامنا احذفيه عاادي مارح يضر لكن دعوة المظلوم هي اللي تضر:praying:

[خوية الحاسب]

واذا على قولتك انهم مارح يقرون خلاص الكلام ببلاش احنا ماوصلنا لحد الوقاحه
ولاسبينا شخصيه لنفسها احنا قاعدين نتناقش معهم على اشياء تخصنا كطلاب ولاهوبكفر اذا تكلمنا
واذا مانتي راضيه عن كلامنا احذفيه عاادي مارح يضر لكن دعوة المظلوم هي اللي تضر

يا اختي اذا انتي ما غلطتي غيرك غلط


وانا ما ابغي اذكر


كذا موضوع حذفت وكذا رد حذفت من الكلام وغيرة


الصراحة في طالبات كان كلامهم ....... يفضل السكوت من ذكر هالكلام


تكلمو اكررها ما امنعكم لكن من الافضل لكل طالبة اذا بتكتب موضوع او رد ما يكون في ردها الفاظ سيئة


مهما صار بينكم وبينهم المنتدى يرفض وجود كلمات تسيئ بة وباي شخص


انا ما قلت ماني راضية لكن اسلوب بعض الطالبات وانا هنا قلت بعض وليس الكل بعضهم كلامهم يسيء بكم كطالبات ويسيء بالمنتدى


يعني انا الحين وش منعتكم منه


غير اني منعت انكم ما تذكرون الفاظ سيئة


تكلمو وتكلمو وتكلمو ابد ما امنعكم لكم الحرية لكن الكلام في حدود وانتو عارفين وش اقصد


واتمنى انك تفهمي كلامي يا الموناليزا


والكل يفهم وش اقصد