سؤال لجميع الطلاب والطالبات واذا فيه احد من مسؤلين الجامعة او رجال القانون والمحامين ووو يتفضل

[فوليندو]

بدون مقدمات

على اي اساس يتم تحويل الدراسة للطلبة والطالبات من انتساب الى تعليم عن بعد ؟؟؟؟؟؟؟؟؟؟؟؟؟؟

وخاصة انه التحويل تم بعد مستويين دراسيين يعني بعد ماشفطوا من جيوبنا مبلغ وقدرة


هل يحق للجامعة تحويل درستنا بدون اذن مسبق منا ؟؟

هل يحق لنا طبقا للنظام مقاضاة الجامعة

انا والله افكر اشتكي لديوان المظالم لكن اشتكي لوحدي وش يفيد وانا بصراحه ما افهم في الانظمة كثير وحاس انهم بيمرمطوني جلسات بدون فائدة لذلك اقول اذا وصلت حدها اسحب وتحسب عليهم عند واحد احد

انا لو بدخل جامعة تعليم عن بعد اخر شي افكر فيه جامعة الملك فيصل

الجامعات المعتمدة الاجنبية على قفى من يشيل والتعليم عن بعد فيها مفتوح والرسوم نفس الرسوم ويمكن اقل وسيرفراتهم ماتتعطل الا ماندر وسريعة بشكل لا يصدق وفيها احترام للمواعيد والاوقات لانها جامعات تحترم الطالب و بحترامها للانظمة والتعليمات علمت وفرضت على الطالب احترامها

لكن هنا مع الاسف الشديد لا احترام للطالب ولا لوقته ولا لجهده ولا حتى للمبالغ اللي يدفعها وفوق هذا كله المسؤول يغير على كيفه ويفرض على كيفه وفي الوقت اللي يناسبه


والله العظيم ابي اذاكر ماني قادر ابي اكمل واجباتي ماني قادر ابي اشارك في منتدى الغصب حقهم ماني قادر وفوق كل هذا يطلع لنا كل يوم قراررات متناقضة

حسبنا الله ونعم الوكيل بس

اخواني الطلاب واخواتي الطالبات ياليت اللي عندة معرف في منتدى النقاش يطالب بالغا منتدى الحوار او عمل منتدى اخر او تطويره

ياليت يطالب بحل مشاكل البلاك بورد وتعطلها الدائم

مانبي سلبية واحد يطالب وعشرين الف ساكتين وكانه مافيه احد

الجامعة وضعت من اجلنا والقرارات لو وجدت من يعارض تغيرت

والمشاكل لو وجدت من ينتقد تصلحت لكن بالطريقه هذه بنظل من سئ لاسوى والمستوى القادم بتكون الامور اسوى من كذا بكثير

واللي يقولي لا اذكره كتابات بعض الاخوة في منتديات النقاش وبعض المنتديات الاخرى ومنهم منتدانا هذا اللي نصحوا الجامعة بتغيير الانظمة السيرفرات وتحسين مستوى البلاك بورد ومع ذلك اذن من طين واذن من عجين

كثرت من قهر

المعذرة

[sway]

اخوي معليش استحمل غبائي بس هل فيه فرق حقيقي بين الانتساب المطور والتعليم عن بعد ام مجرد اختلاف في المسميات ؟؟؟
بعدين لو كان تعليم عن بعد ليش بتكون جامعة الملك فيصل اخر ماتفكر فيه ؟؟؟
ووشهي الجامعات اللي تقول فيها شعر هذي ؟؟؟
اما بالنسبه للبلاك بورد فهو من بداية الترم ممتاز واللي كانوا دائما يشتكون منه انا متاكده ان المشكله من سرعات انت عندهم لانه عندي (( ماشاء الله تبارك الرحمن )) من احسن مايكون طول الترم الا في هذه الايام فقط صحيح صاير بطيئ جدا واحيانا مايفتح بس اتوقع شيئ عارض لانهم قاعدين ينزلزن المحاضرات المتبقيه بالجمله ..
بعدين يخوي وسع صدرك انت لسى المستوى الاول وهذي نفسيتك وهذا حماسك

[ـألسآحر]

[align=center]

المشاركة الأصلية كتبت بواسطة لاتحزني

اخوي معليش استحمل غبائي بس هل فيه فرق حقيقي بين الانتساب المطور والتعليم عن بعد ام مجرد اختلاف في المسميات ؟؟؟
بعدين لو كان تعليم عن بعد ليش بتكون جامعة الملك فيصل اخر ماتفكر فيه ؟؟؟
ووشهي الجامعات اللي تقول فيها شعر هذي ؟؟؟
اما بالنسبه للبلاك بورد فهو من بداية الترم ممتاز واللي كانوا دائما يشتكون منه انا متاكده ان المشكله من سرعات انت عندهم لانه عندي (( ماشاء الله تبارك الرحمن )) من احسن مايكون طول الترم الا في هذه الايام فقط صحيح صاير بطيئ جدا واحيانا مايفتح بس اتوقع شيئ عارض لانهم قاعدين ينزلزن المحاضرات المتبقيه بالجمله ..
بعدين يخوي وسع صدرك انت لسى المستوى الاول وهذي نفسيتك وهذا حماسك

اول مره اشوفك معصبه
[/align]

[sway]

ياخوي ماانلام حنا خلاص على ابواب الامتحانات (( يويلي وانا قسم لسى ماذاكرت ولاماده ))وهالطيب الله يهديه جاي يشتت اذهاننا
لا من جد والله ماعصبت وانا حسيت انه يتكلم عن نقاط غايبه عننا فعلا وودي صدق انه يجاوبني

[ام ولدي عزوز]

لا تعليق

[ـألسآحر]

[align=center]
قبل الاختبارات الكل يجهز نفسه والنفسية تتعب , البعض تراكمت عليه المواد والمحاضرات وخاطره ينهي اكثرها قبل الاختبارات عشان يلقى فرصه للمذاكرة ...

يلا شدي حيلك خلاص اقتربنا من تاريخ 2\2 الله يوفقك لاتحزني ويوفق الجميع

[/align]

[great heart]

اعتقد انه جميع الجامعت سوف تنهج قرار 30 درجة والاختبار من 70

بس حبيت اكد معاك انه منتدى الحوار في البداية قال النجار دخولك عليه تحسب لك الدرجة وبعد فترة غير رايه قال لازم تشارك وبعد فتره قال لازم يكون مشاركتة لها فائدة طيب إذا ماعندي شي اضيفة تروح علي الدرجات ؟؟؟؟؟؟
وهذا بعد في المحاضرات المباشرة البداية يقول في الترم الواحد محاضرتين وعليها 10 درجات والان يقول خمس درجات على المحاضرات المباشرة وخمس على تصفح المحتوى والاستماع الى المحاضرات المسجلة(الموجودة في المحتوى )
ضاع وقتنا قدام اللوووووووووح الاسود لا الي دخلنا المحاضرات ولا حلينا الواجبات ولا ذاكرنا

والمفروض دام هذا اسلوبهم في الدراسة يخلون الــ 70 على الموقع و 30 اختبار
علشان الواحد يعرف انه وقت ما راح سدا

ويا قلب لا تحزن