بعد صدمة القراءات - اقتراح قديم للتخفيف من حدة الصدمات المشابهة

[P e a c e]

السلام عليكم ورحمة الله وبركاته,,

الله يعطيكم الصحة والعافية ويخلف تعبكم خير, وتشوفوا النتايج اللي تسركم إن شاء الله.

طبعا الأغلبية - إذ مو الكل - انصدم من امتحان القراءات المطالعات بالنسبة لمستوى ثالث, وأيضا مادة المقال لمستوى خامس, لنفس السبب, ألا وهو طول القطع وضيق الوقت.

وبعد اللجوء للقنوات الرسمية (النجار) أصبنا بخيبة أمل "متوقعة"

للقراءات والمطالعات:
http://www.ckfu.org/vb/t274313.html

وللمقال:
http://www.ckfu.org/vb/t275577.html

كَرَد فعل ناس اقترحت عدم التسجيل في مواد الدكتور عمار, علشان الجامعة تحس بغلطتها.
الاقتراح فيه كذا مشكلة:
أولا: المواد مش ثابت من يدرسها, أحيانا يتغير الدكتور وصادفتنا كذا مرة,
يعني تخيل بعد ما امتنعت عن تسجيل ثلاث مواد مثلا, يطلع لك المعاني في مادتين من الأربع مواد الباقية.
والسبب هنا يعود أن الدكتور عمار مش تابع لكلية الآداب مثل البقية, هو تابع مباشرة للعمادة, وهذا للي يفسر تفرغه للكثير من المواد في نفس الترم, لأن ما عنده التزامات مع الانتظام, يعني الدكتورمعين مخصوص للانتساب وراتبه ياخذة من اللي ندفعه كل ترم واحتمال يخاوينا إلى مشروع التخرج. يعني لازم نتكيف مع أسلوبه.

المشكلة الثانية: عدد اللي يشاركون في المنتدى صحيح أنه كبير, بس كم يمثل نسبة من العدد الكلي للطلاب, وكم منهم يدخل بشكل مستمر ويشارك في المواضيع, وكم منهم راح يأيدون هالفكرة اللي راح تقلب الخطة الدراسية فوق تحت.

هنا خطر على بالي موضوع طيحة الأسهم, الكل صار يقول لحد يبيع لا تطيح السوق, كم واحد اللي طبقوا الاقتراح المثالي هذا, في النهاية اللي خسر هو اللي ما باع, وحط أمله في إدارة سوق الأسهم أنها تمنع المتلاعبين بالأسعار, اللي أثناء سقوط الأسهم يجي واحد في نهاية اليوم يشتري عشرة أسهم من العشرين مليون المعروضين بس علشان يطيح السعر نسبة, وإدارة السوق ولا كأنها تشوف. والعالم تبيع وماعليهم من النصايح وكل واحد شايف مصلحة نفسه, وعارفين الدعوة خاربة.

يعني ممكن يتجاوب مع المطلب ثلاثمية أو أربعمية واحد, وما تعجب الفكرة عشرة آلاف طالب من مختلف المستويات, وخمسة آلاف يخافون ينّكبون فيسجلون. هل راح يأثرون الثلاثمائة, يمكن يأثرون بس مش لدرجة أن الدكتور يطرد من الجامعة أو يغير أسلوبة حتى. وفي النهاية راح يخسر اللي ما سجل, ويضطر أنه يسجل بعدين عند نفس الدكتور.

إللي أشوفة في هذي السالفة هو مش حل بالضبط, هو في الحقيقة إجراء وقائي, وهو اقتراح أخونا ـألساحر بأن تكون مواضيعنا ومشاركاتنا باللغة الإنجليزية

بهذي الطريقة راح تتعود عيوننا على الكلام الإنجليزي وتزيد حصيلتنا اللغوية ويتحسن أداءنا العام, وراح تزيد عندنا سرعة القراءة, وإن شاء الله نوصل للمرحة اللي المفروض نكون عليها وهي:

قراءة الكلمة بالشكل وليس بالحروف

الموضوع صعب على الكثيرين أدري, بس نواجه صعوبة مؤقتة في المنتدى أحسن من أننا نواجه صعوبة في الامتحان تأثر على معدلنا وقراراتنا إلى التخرج ويمكن إلى ما بعد التخرج.

غير أن الكتابة بالعربي مش ممنوعة, بس إن شاء الله يكون اللي حصل دافع لنا أنا نراجع أنفسنا في تطبيق الاقتراح.

مجـــرد رأيـــــــ

وسلامتكمـ

[خلدون-2010]

في بداية كلامك رهيب الحل الوحيد توحيد الصفوف وعدم التسجيل عند الدكتور ذو الضحكه الصفراء والخبث الشديد والمراوغه وانا متأكد انه بيصير رد فعل من الاداره عليه اهم شئ عدم التسجيل عند الدكتور على الاقل في الوقت الحالي يعني لو 40 % ماسجلو بنتبهون الجامعه ....واهم شئ الدوافير يلتزمون بالا تفاقيه وخصوصا انت يارضوان
وفي النهايه هو اقتراح ممكن يمشي او ما يمشي

[الفاتنه~]

اايد فكرة الكتابه بالانجلش ..

لكن عن نفسي ما راح اخذ ماده للمعاني السمستر الجاي
مو عشان تكون مقاطعه بس
لكن يمكن يتغير سواء بسببنا او من غير سبب معين ..
اذا صار موجود السمستر اللي بعده
مافي غير اني اخذ من مواده ..

[kathy]

حتى انا بصبر سمسمتر ماراح اخذها
وموجوده في رابط الدكاتره والمواد اللي راح يدرسونها كامله
http://www.kfu.edu.sa/ar/Deans/elear...fice_hours.pdf

[سَيبُونيَ احَتْسَسَي! ♠]

good idea
I’am with you ’,
I will Take it
Because i’am not sure change the DR

أختتكم من مستوى ثاني لثالث لكن لتفادي الصدمه ’, شاركتكم

[Man in light]

انــا اوافقكـ الرأي اخوي رضــوان

وانا ضد فكرة التأجيل واننا نسحب على الدكتور والكلام هــذا

فعلآ الحل هو محاولة تطوير لغتنا بدال محاولة الهروب من الدكتور فلان والدكتور علان



مجرد رأي يحتمل الخطاء والصواب

[ابو إبراهيم]

مستوي رابع اتوقع ان الدكتور ما يدرس اي مادة لهم
الا اذا تغير شي
اذا نجحت في القراءات والمطالعات واتوقع عدم النجاح
ابحاول قدر المستطاع تجنب مواد الدكتور عمار

[طالبه جامعيه E]

طيب لنفرض حملت مادة القراءات واحذت ماده له بيصيروا ثنتين وهذا انتحار وضد الانسانيه
طبعامابنجح فيهاولافي اللي قبلها اذا بتستمرالاسئله بنفس الاسلوب يعني اوصل للمستوى السابع اوالثامن وانا احمل في موادهجعله بالماغص والله مااخذولاماده من مواده خلوها تصدي

[alyaa]

صراحه بعد ماهديت ما ادري حسيت انه حل المقاطه خطأ لانه ممكن الدكتور يتغير او يغير طريقته اوتكون الماده متطلب لماده بعدها ومن حسن حظنا انه ماراح يعطينا شي الترم الجاي
وبالنسبه ل اللغه في ناس عاشت فتره من عمرها في امريكا ولغتها ممتازه ومستواها الدراسي ممتاز لكن وقت اختبار القراءه كانت كذا

[~Mrs.ENGLI$H~]

ابغى افهم شلون بتعرفون اسم الدكتور قبل لا تختارون الماده ؟

اذا الادب القرن 17 تغير دكتوره علينا بعد شهر تقريبا من بداية الدراسه ؟ مافيه فايده من مقاطعته ابدا بالعكس انتم ياللي بعدنا تستفيدون من خبرتنا فيه ... وبيمشي حالكم احسن منا ... بما انه جتكم مناعه منا


الحل انكم بس تتوكلون ع الله ... و تجمدون قلوبكم وتتعودون ع اسلوب الدكتور و خلاص ...


كان الله في عوننا جميعا ..