مكالمتي مع د/ خالد خليل الساعه 9 قبل دقائق من الان

[KSAjamal]

الله يجزاك خير
ويهديك بنفس الوقت

الحين تعلم الدكتور ان معنا الاسئلة
لا وتسأله اذا بيجيبها نسخ لصق

الظاهر الاترام الجاية بتصير صعبة علينا
أكثر مما هي عليه

[آية النور]

مع أحترامي قهرتني لما قلت عندي اسئلة العام الماضي انت كذا خربت علينا ! ولو بجيب زيها بيغيرها غصب
الدكاترة بيكتشفو التسريب وبيغيرو اساليبهم ..عموماً مشكور وماقصرت بس خطأك فادح فضحتنا !!

الله يسهل على الجميع ومشكور على توضيح المكالمة بس ياليت ماتخبر باقي الدكاترة بأسئلة الامتحان اللي عندك

[بو فروحه]

هرب قمة الذكاء اسئلة العام منجد نكبه

[لووودي]

بالنسبة لشباب اللي طالبين 280 كلمه
بنزله بملف مرفق

[تركي الطويلعي]

زين سئلتية الحين ولا سئلتيه قبل الاختبار بفتره
الحين ما يمديه يغير الاسئله اذا هو جايب نفس الاسئله او جايب فقرات كثيره منها

على العموم بالتوفيق ياشباب ويابنات وهانت مابقى الا يومين وانشاءالله موعدنا كلنا على المستوى الرابع

[تركي الطويلعي]

بس ما فهمت لل 280 كلمه كلمه
هل هي تعاريف للمصطلحات والا ايش بالظبط
مع انه في اسئلة اختبار الترم الي راح ما جاب مصطلحات

[هلالي مـوت]

ما يمديهم يغيرون الاسئله

خلاص توزعت الامتحانات على المراكز

[لووودي]

المشاركة الأصلية كتبت بواسطة جناح الطير

مع احترامي لك ولكثير من الاخوة

احد يكلم الدكتور ويقوله بتجيب اسئلة الترم اللي فات؟؟؟

وش الذكاء الزايد عندكـ ؟؟

انت كنك تقوله ترى الاسئلة موجودة حاول تغيرها..

وبعدين لو قالك ايه بتجي او لا ميب جايه في كلا الحالتين بتذاكرها..

ابي افهم وش الحين اللي استفدته من المكالمة ؟؟

تسأله وش تنصحني؟؟ قالك ركز على المواضيع المهمه <<<<قل قسم

مع احترامي لك في ناس كثير تقهر

مع احترامي ما راح انزل لمستوى كلامك ونقاشك والله انى اترفع اني ارد عليك
ودام شايف نفسك تنتقد رح اتصل وجيب المعلومات اللى بتضيفها وتنورها للمنتدى.

قال: قال رسول الله -صلى الله عليه وسلم-: من كان يؤمن بالله واليوم الآخر فليقل خيرا أو ليصمت، .

بالنسبه وش استفدت من المكالمه.. انا استفدت اذا ما استفدت هذى مشكلتك وحلها مع نفسك.

في الاخير ياليت نتعلم الاحترام ونتبع افعال الرسول علية السلام ونقول خير او نصمت.

[ياقوته]

جزاك الله خيرا اخوي
وش فيها لو عرف الدكتور انه عندنا الاسئله حقت العام عادي اساسا يدري عنكم
خصوصا يوم التقنيه البنات كلهم يسئلونه عن اسئلة العام

اتوقع بتكون الاسئله نفسها بس محرفه شوي مثل التقنيه تغيرات
وبالنسبه للمصطلحات
اساسا الدكتور مابيجيب ولا كلمه انجليزيه عطانا الكلمات عشان نركز على مصطلحاتها
هذا احساسي

[جاك سبارو]

لودي الله يعطيك العافية وماقصرت بس ترى فعلاً مسألة نقاشك مع الدكتور حول اسئلة العام ماكان فيهـا نتيجة
معلش اخوي بس حتى لو فرضاً كانت هي نفس اسئلة العام تتوقع بيقولك ؟

بالنسبة للي يقولون الاختبارات توزعت ولا يقدر يغيرها ..ترى فيه نماذج بديلة لأي إختبار في حال اي سبب من الأسباب يتم تغييرهـا

اسف يالودي بس فعلاً مسألة إنك تسأله عن إختبار العام ماتمنيتك سألته ..

مشكوور على كل حال وتسلم على نيتك في عمل شي حلو لأني متأكد والكل متأكد إنك ماتقصد أي شيء يخرب على أي أحد ..

تقبل مروري