حادث مفاجئ لفتاه في كلية الغد بالدمام

[صدى السعوديه]

السلام عليكم ورحمة الله وبركاته
انا طالبه في كلية الغد فرع الدمام، رحت استلم اشعاري مع والدتي مثلي مثل باقي الطالبات، استلمت الاشعار لاكن ورقة التوقيع على الاستلام مانطبعت بسبب خلل في الطابعه، فاضطريت اني انتظر مع والدتي في الاستقبال لين ماتنطبع الورقه، في وقت الانتظار اذن علينا الظهر، فطلبت والدتي مغسله عشان تتوضأ للصلاه، رحت معاها الطابق الثالث عشان كنت متوقعته خالي من البنات، دليتها على المغسله ورحت احد الفصول وشغلت المكيف وجلست متسنده على الطوف، جت والدتي تبغى تصلي على كرسي وانا جالسه اناظر نتيجتي، وهنا المفاجأه، طاح فوق راسي ديكور الجبس اللي بين الطوف والسقف، وقمت من الكرسي وانا بموووت من الألم، والدتي قطعت صلاتها وجت مسكت راسي معاي الا وانا انزف بقووه، نزلت لغرفة العميده لقيت السكرتيره خبرتها بإصابتي، ونادت على دكتورة العياده وفتحوا قسم العياده دخلوني فيه، كشفت على الجرح وهو ماوقف نزيف، قالت عادي جرح بسيط، وكان فيه معلمتين من قسمنا حاضرات، غطت لي الجرح بشاش ولزاق وقالت مافيك الا العافيه، مع اني توقعت اهتمام اكبر لان حالتي ماهي بسيطه كان النزيف مستمر،الحمدلله اني ماطحت في غيبوبه ولا جاني نزيف داخلي ولا كسر في الجمجمه مع انه كان احتمال وارد، طبعا محد جا شاف حالتي ولا اتصلوا بالاسعاف ولا وصلوني المستشفى، والله اعلم اذا الكليه بتكتب تقرير عن الحادثه هاذي ولا لا. وللأسف ان جوالات الكاميرا ممنوعه عشان كذا ماقدرت اصور حجم الجبس اللي طاح على راسي، طلعت من الكليه واخذت تكسي ورحت مستشفى الدمام المركزي قسم الاسعاف، ماخلوني انتظر لما عرفوا باصابتي قدموني على باقي المرضى، لاني نزفت لمدة نصف ساعه من الكليه لحد ماوصلت المستشفى، كشفت الدكتوره على الجرح وقالت تحتاجين خياطه حلقت شعري حول الجرح وحطت مخدر براسي وخيطت لي الجرح 5 غرز وعطتني ابرة منع التسمم، وانا كل يوم اتألم، وكل يوم اروح المستشفى اغير للجرح. وثاني يوم لقيت الفصل مقفل.
هاذي حادثتي كانت يوم الأحد بتاريخ 9/8/1432هـ الموافق 11-7-2010
اللي صار لي ياجماعه ممكن يصير لأي احد فينا، انتبهوا انتبهوا، السالفه عجيبه ، شلون جبس يطيح، انا اطالب بتعويض على الحادث اللي صار لي،واضح ان المبنى كل مواد البنى فيه تجاريه، اليوم انا بكرا واحد منكم لا سمح الله، احنا بكليه اهليه جديده محنا بكليه حكوميه مبنى قديم. وعلى فكره هذا مو اول حادث يحصل لي، حتى المبنى الأولاني اللي كنا فيه، كنت اكرمكم الله بدورة المياه افتح موية الغسيل وادور ادور فيه الا طلع بيدي وانفجرت المويه بالحمام كله وتغرقت بالمويه، بالله هاذي حاله. شوفولكم حل بالمباني التجاريه، بكرا يطيح كل المبنى على روسنا. الله يستر.
انا اطالب بتعووييييض

[تاج حيدر]

طالبة بالكلية والجنس ذكر ..
المهم ماعلينا
ترى الكلية مبناها الحمد لله والشكر للمعلومية في حمامين الله يكرمكم مسكرينهم علشان في تسريب من السقف
وهذا بشهادتي شفته بعيني يسرب مآي وثاني يوم قفلوهـ
آم بصراحة إذا تبي تعويض من جد ارفعي الشكوى لأدارة الكلية في الرياض وإذا ماعطك وجه مالك إلا الجرايد

[هدوء البنفسج]

بسمه تعالى

الحمدالله على سلامتك اختي
سويتي فحوصات ؟؟!

وبالنسبة للعمارة والله مدري انا استغربت من كلامك
كيف الكلية الجديدة وطاح عليك الجبس
لانهم اصلا اتوقع الغرف مقسمينها يعني عشان يطلعون كلاسات زايدة
لان الجدار اذا طقتيه تسمعين انه صوت فااضي والجدار عن قطعة خشب
اذا رفتسيه برجلك بكل قوة يطيح الجدار
ولك الحق المطالبة بالتعويض واذا مانفع معاهم بينفع معاهم ..........!
ومسهل نشر الاشاعة اللي فيها مضرة للغير
فيس نت جرايد تويتر بلاك بيري << واللي تبينه
ولا تخافين كل وحدة بتقول لثاانية ويوم وليلة ينتشر الخبر في كل الارجااء
وغصبن عنهم يتعلمون
والله اهلنا مو قاطينا بالشارع
ومثل ماتكرمتي ياخوفي السنة الجاية البنى كله على روسنا

اختمها مرة ثانية
الحمدالله على سلامتك
ولا تسكتي عن حقك

[صدى السعوديه]

الشر مايجيكم . الله يعطيكم العافيه

سويت اشعه وقالوا الحمدلله مافي كسر . بس حاسه بألم وتعب مقدر اوصفه وعذاب في النوم.

المهم اني مو مرتاحه من اللي صار. لاني في اعراض جتني بس مابينت في الفحوصات.

والمعلمه تقول لي هاذي ضريبة النجاح

لاحول ولا قوة الا بالله. حسبي الله على الظالم

[7de classe]

الحمد الله وقفت على كذا وما صار شي ادهى ولا تسكتين عنهم لول

[صدى السعوديه]

الحمدلله على كل حال

[فارس الشهري]

يمكن يبون يسون فيك بروفه عشان طلاب طب الطوارئ كيف يتعاملو مع الحالة الطارئه هههههههههههه امزح ماتشوفي شر والله و من حقك ترفعي شكوى وتاخذي تعويض هذا دم مو لعبه .

[Adman03]

اولا الحمدالله على السلامة

ثانيا انا سوف اتفقد المبنى غدا يوم الخميس وسوف ابلغ العميد باتخاذ اجراء لتغييير المبنى


بمناسبة حدوث الحادثة والخروج منها بشكل سليم وانتي طالبتي بتعويض انا راح اوعدك بترشيحك لدخول منح التعليم العالي واعتقد مافي احلا من هذا التعويض

وان شاء الله يكون خير في الموضوع


تحياتي لكم ,,,

[mrs.cheryl]

ماتشوفين شر أنشاء الله آخر الأسواء ,, وتتهني بالتعويض

أممم أنا أذكر

أنا بعد لمن كنت بالكليه كنت أمشي ع الدرج و

أبي تعويض مثلها لو سمحت

[lahfa]

الحمد الله ع سلامتك

المفروض صحيح يتاكدون من كل شي بالمبنى