رد الدكتور الشعيبي علي قبل شوي بخصوص البلاك بوووورد

[منصور التميمي]

هذه اسمه يسوق الهبل علينا ولنبتعد عن العاطفه مثل ماللجامعه حقوق عليها حقوق مدخول الجامعه السنوي مايقل عن 40 مليون ريال يعني اربعه وجنبها سبع اصفار 40.000000 عاجزين عن توسعة السيرفر بمليون ريال وتزيد الطاقه الاستيعابيه الي 100.000 طالب لنا على هذا الحال سنتين ونعاني من موقع الجامعه ماله داعي احمل فيرفوكس ولا اسهر الليل على شان ادخل على موقع الجامعه لييييييش من حقي اني ادخل على موقع الجامعه باي وقت ابي واتصفح المحاضرات ولا وقت النتائج الله لا يوريك لييييش وبالنهايه الحبيب يقول حاولي تدخلين على البلاك بورد مره ومرتين وثلاث ايش الهبل هذا الله يعديها على خير ونتخرج بس

[Bush Bush]

كيف يعني مابيحسبون المشاركات وتحميل المحاضرات اللي من الافتراضي !!!!!
هم كاتبين عادي تنحسب الدرجه في كلا النظامين !!
لو ماحسبوها من الافتراضي بشكيهم للشريان

[طبشورة]

مشكوريييييييين جميعا والله يوفقنا

اللي حمل من الافتراضي بعد ماتقفل يحاول يلحق ع البلاك بورد ويعيد التحميل

أما اللي حملوا من قبل بإذن الله محسووبة

بس فيه نقطة

الدكتور جزاه الله خير يمكن نساها

هذي نص رسالة ارسلوها الجامعة الترم اللي فات

( السلام عليكم ورحمة الله وبركاته
استعدادا لإعلان نتائج الاختبارات النهائية للفصل الدراسي الأول من العام الجامعي 1433/1432 نفيدكم علما بأن جميع الانظمة التعليمية للتعليم المطور للإنتساب سيتم إيقافها إعتبارا من يوم الأربعاء 1433/2/10 الموافق 2012/1/4 الساعة الواحدة بعد الظهر.
www.kfu.edu.sa)

يعني كانوا منبهينا قبلها انا كمت متذكرة هالمسج بس مابغيت أجادل الدكتور في شي حسيته منتهي منه خلاص..

بإذن الله يمدينا كلنا نلحق

[سامي المشاعر]

المشاركة الأصلية كتبت بواسطة الليـل

انا مادري ليه سعادته مايرد الا على البنات ..؟!

خمس رسائل كلها يتجاهلها طويل العمر

هههههههههههههههههههههههههههههه

قوية ياليل

ثلاث رسايل بكل ادب و احترام

مدري ليش مايرد علينا

فيه سر ...؟؟؟؟؟؟؟

[خجل الورد]

عفوا ياجماعه انا حالي حالكم معلق الموقع علي
بس الدكتور احمد الشعيبي ماهو اللي يقرر كل شيء لوحده :/
هذه قوانين لازم يمشي عليها
وحنا فعلا مقصرين وانا اولكم
وكلمته وقلت له قال تستاهلين محد قالك تفكرين تدخلينه الحين وانتي تقدرين تخصصين له وقت من قبل
هذا وانا بنت اخته ماقدر يسوي لي شيء

فاللي يقول مايرد الا على بنات !! مدري شقول صراحه !!!!

[NOW OR NEVER]

مشكور على النقل ما قصرت


بس انا عندي سؤال

الطلاب ما يدرون ان فيه مشاركات ومناقشاات وواجبات من اول الفصل ؟؟؟

لمدة تزيد عن 4 شهور

تو يطري لهم يشاركون

لو الواحد يدخل في الاسبوع نص ساعة بس تكفي

او في الشهر ساعتين


لماذا دائما الجامعة على خطأ في نظرنا


هل كل منا قام بواجبه ؟؟


........


انا ماني شايل هم تقفيل البلاك ابد ولا دريت عنه

انا شايل هم ان المشاركات ممكن ما تحسب كامله زي ما حصل من قبل


بالتوفيق للجميع

[advisor]

الدرجات تنحسب على البلاك بورد الجديد او القديم

[محد يستاهل الحب]

المشاركة الأصلية كتبت بواسطة منصور التميمي

هذه اسمه يسوق الهبل علينا ولنبتعد عن العاطفه مثل ماللجامعه حقوق عليها حقوق مدخول الجامعه السنوي مايقل عن 40 مليون ريال يعني اربعه وجنبها سبع اصفار 40.000000 عاجزين عن توسعة السيرفر بمليون ريال وتزيد الطاقه الاستيعابيه الي 100.000 طالب لنا على هذا الحال سنتين ونعاني من موقع الجامعه ماله داعي احمل فيرفوكس ولا اسهر الليل على شان ادخل على موقع الجامعه لييييييش من حقي اني ادخل على موقع الجامعه باي وقت ابي واتصفح المحاضرات ولا وقت النتائج الله لا يوريك لييييش وبالنهايه الحبيب يقول حاولي تدخلين على البلاك بورد مره ومرتين وثلاث ايش الهبل هذا الله يعديها على خير ونتخرج بس

معك في كل حرف وفي كل كلمه

[NOW OR NEVER]

المشاركة الأصلية كتبت بواسطة advisor

الدرجات تنحسب على البلاك بورد الجديد او القديم

كلهم

سواء شاركت هنا او هنا تحسب لك الدرجات

[منصور التميمي]

المشاركة الأصلية كتبت بواسطة محد يستاهل الحب

معك في كل حرف وفي كل كلمه

انا اقدم اعتذاري للدكتور احمد واتسف على كل كلمه قلتها وانا ظلمت الدكتور وانا كلمت الدكتور شخصيا وفهمت من الموضوع وبشكل كامل ولاتظلمون الدكتور احمد انه مايرد الا على البنات بل بالعكس رد علي وبكل ادب واحترام وشرح لي الموضوع وبشكل كامل وانا اعتذر منه مره ثانيه واتمنى انه يقبل اعتذاري وانا من نفسي كتبت الكلام هذا لانه مااحب اظلم احد وكان قمه في الاخلاق والاحترام