 |
|
||||||
| ملتقى المواضيع العامة منتدى المواضيع العامة والنقاش الهادف |
 |
|
|
أدوات الموضوع |
|
#1
2010- 5- 25
|
|||
|
|||
|
حلطمة وحده طفشانه
الله يعينكم على حلطمتي هالمرّه .. واقع اشوفه بحياتي ودايم أتسائل ولا القى إجابه يمكن القاها عندكم ..! اكتشفت إني مو بس أنا لحالي اللي تجي على بالي هالأسئلة .. وسبق وشفت نفس حلطمتي وما أخفيكم لو قلتلكم إني انبسط اذا شفت أحد يتحلطم بنفس حلطمتي لاني بذيك اللحظه ما حس اني لحالي مستنكره ووضعي طبيعي ..!
- ليش بعض الناس ما يعرفون ينبسطون و ياخذون الامور ببساطه وسعة صدر ..ليش يحبون النكد وماغير عابسين وجييههم طول الوقت ..! مع إنهم بصحّه وعافية ولا جيت تسولف معهم ماغير يتشكّون .. زي وحده من البنات كل يوم تتشكى لي من أنظمة شغلهم طيب وش حادّك تشتغلين ! اجلسي في بيتكم وإلا نقطينا بسكاتك ترى كلنا مضغوطين وكلنا نعاني بس مانبي نجيب الهم لغيرنا .. ! و بعض الحريم إذا اجتمعن وقامت وحده تشكّى من شغالتها انها ماتعرف تشتغل تقوم الثانيه تشكى من نفس المشكله والثالثه والرابعه مع العلم إنهم كلهم نصّابات ! وإلا يشتكون من معاملة ازواجهم خاصة لاصارت جالسه بينهم وحده عزباء مثلي – الظاهر يبون يكرهوني بالعرس- ! - ليش الشاب اذا جا يكلّم خويّه لازم يستخدم مُصطلحات – ( كل تبن . انقلع .الله يخسّك . حيوان . الله يلعنك . جعلك السّلال ! ) وإذا كان حوله خواته يسولفون بالمجلس قالهم اسكتوا لين يسكّر خويي ! - ليش البنات الحين اغلبهم يكشفون واذا جلسوا بالكوفي قاموا يسولفون بالبلاك بيري أجل وشوله طالعات مع بعض ؟ – وحاطين رجل على رجل وحركات برستيج واذا جت تسولف تقول ترى انا ماسوي شي وتفتخر انها ماتعرف تطبخ بيض .! - ليش المسلسلات التركية تطول وحلقاتها أكثر من ميه مع ان كل يوم يصير نفس الحدث ومافي شي جديد الا ان بآخر حلقة يعرسون اللي حابين بعض ومع ذالك فيه ناس تتابعهم .! - ليش الواحد يكون حريص على اللي يحبّه بس يستحي يعبّر عن مشاعره و يقول كلمة ( أحبّك ) ..ويستحي يملّح كلامه ببعض الكلمات مثل – كيفك يا عٌمري – اخبارك يا عسل – حبيبتي – شكرن يا حبّوبة - يالبّي ! ، ترى مهوب عيب نعبّر .. ليش ما يبيّن مشاعره وتعامله دايم يكون جاف مع العلم إنه ما يقدر يعيش من غير الشخص اللي يحبه سواء كان قريبه أو رفيقه أو زوجته .. ! - ليش بعض البنات تدخل المسن وتحط ( بالخارج ) و لما تجلس تتكلم معها ينبح صوتك ماترد وبعد عشر ساعات تجيك تقولك والله كانت نايمه والا طالعه اجل وشوله داخله المسن ومسوي زحمه علينا وعلى شركة الكهربا ! - ليش بعض الشباب يتأثرون باخوياهم و يدخّنون مع إنّ مكتوب على علبة السجاير – ( تحذير : الدخان سبب رئيسي لأمراض السرطان ) . ! - ليش الحياة في بداية الزواج ( وناسه ) وفي النهاية ( تعاسة ) ! - ليش بعض الناس يدّخلون بحياتك الخاصّة .. زي فلانه تزوجت ولا حملت من اول شهر .. قاموا يسألونها ليش ماحملتي ؟ طيب هي ورجلها مايبون يجيبون عيال بأول حياتهم تدخلون وتسألون ليش ! وإلا واحد ما أعرس قاموا يسالون ليش فلان لين الحين مااعرس .. ! طيّب هالفلان متعقّد من الحريم وكارههن تسألون ليش ! - ليش الواحد كل ماكثرت فلوسه يفسق ويصير (( فري)) بشكل مبالغ لدرجه إنك ما تصدق إنهم مسلمين ! - ليش بعض الناس تحب تتفاخر باللي عندها قدّام الضعوف مع إنّ معروف ما يتفاخر إلا اللي توّه طايح بالنّعمه من تالي ! وبعض الحريم إذا شافوا عليك شي حلو يحسبونه ماركه وإذا قلتي لهم إنه من محل أبو عشرة طاح من عيونهم واستحقروك ! ترى الاشياء الحلوه تعتمد على ذوق الشخص ومش على المكان اللي تشتري منه ! - ليش ( الهندي ) طايح من عيون الناس ! .. يفتشون الحريم عنه اذا كان موجود بالمطعم أما لو إنه في المطعم واحد سعودي تغطوا عنه .. يعني السعودي رجّال وذاك مهوب رجّال ! 
|
|
2010- 5- 25
|
#2 |
|
أكـاديـمـي مـشـارك
|
رد: حلطمة وحده طفشانه
[
زي وحده من البنات كل يوم تتشكى لي من أنظمة شغلهم طيب وش حادّك تشتغلين ! اجلسي في بيتكم وإلا نقطينا بسكاتك ترى كلنا مضغوطين وكلنا نعاني بس مانبي نجيب الهم لغيرنا .. ! ايه و ربي صادقه ياكثرهم اللي كذا ولا تجي تقول لس ما احد عانا في حياته قدها و - ليش الشاب اذا جا يكلّم خويّه لازم يستخدم مُصطلحات – ( كل تبن . انقلع .الله يخسّك . حيوان . الله يلعنك . جعلك السّلال ! ) وإذا كان حوله خواته يسولفون بالمجلس قالهم اسكتوا لين يسكّر خويي ! يازين هذي الكلمات هذي كلمات دلع عندهم والخافي اعظم استغفر الله ما ابي اظلم احد - ليش البنات الحين اغلبهم يكشفون واذا جلسوا بالكوفي قاموا يسولفون بالبلاك بيري أجل وشوله طالعات مع بعض ؟ – وحاطين رجل على رجل وحركات برستيج واذا جت تسولف تقول ترى انا ماسوي شي وتفتخر انها ماتعرف تطبخ بيض .! البلاك بيري حمى وربي ازعجونا فيه مره كنا في جمعة بنات ولا كلهم بالبلاك يسولفون تيب ليه مجمعينا على قولتس الله يهدينا اجمعين - ليش بعض الشباب يتأثرون باخوياهم و يدخّنون مع إنّ مكتوب على علبة السجاير – ( تحذير : الدخان سبب رئيسي لأمراض السرطان ) . ! سخافة عقل وقلة دين الله يهديهم يارب - - ليش الواحد كل ماكثرت فلوسه يفسق ويصير (( فري)) بشكل مبالغ لدرجه إنك ما تصدق إنهم مسلمين ! لاني ربي يزيده من رزقه عشان يمهله بس هو في غفلة - ليش بعض الناس تحب تتفاخر باللي عندها قدّام الضعوف مع إنّ معروف ما يتفاخر إلا اللي توّه طايح بالنّعمه من تالي ! وبعض الحريم إذا شافوا عليك شي حلو يحسبونه ماركه وإذا قلتي لهم إنه من محل أبو عشرة طاح من عيونهم واستحقروك ! ترى الاشياء الحلوه تعتمد على ذوق الشخص ومش على المكان اللي تشتري منه ! ايه والله صادقه وما ينفخ الا الناقص موضوعس روووعه مثل صاحبته وسعتي صدري الله يوسع عليس مثل ما وسعتي علي |
|
|
|
2010- 5- 25
|
#3 |
|
صديقة الملتقى
|
رد: حلطمة وحده طفشانه
 تسلمييييييييين محبه ع التعقيب الاكثر من رائع وعاد انا موسعه صدري ولا يهمك الموضوع ملطوش اصلا |
|
|
|
2010- 5- 25
|
#4 |
|
أكـاديـمـي مـشـارك
|
رد: حلطمة وحده طفشانه
ههههههههه ...حلوه الحلطمه ..
يعطيك العافيه على الموضوع الرائع .. |
|
|
|
2010- 5- 25
|
#5 |
|
أكـاديـمـي مـشـارك
|
رد: حلطمة وحده طفشانه
يعطيك العافيه كلام جميل والله
وصدقتي والله في سالفة البلاك بيري وهذا اللي حاصل ....تحياتي |
|
|
|
2010- 5- 25
|
#6 |
|
أكـاديـمـي ذهـبـي
|
رد: حلطمة وحده طفشانه
يسلموو
|
|
|
|
2010- 5- 25
|
#7 |
|
صديقة الملتقى
|
رد: حلطمة وحده طفشانه
 انرتم الصفحه |
|
|
|
| مواقع النشر (المفضلة) |
| الكلمات الدلالية (Tags) |
| حلطمة, وحده, طفشانه |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| مومصدقه معيضه مره وحده ههههه | مآشيه بالمعكوس | ملتقى الطلاب والطالبات الترفيهي | 38 | 2010- 5- 18 09:36 PM |
