لماذا ؟ أصبحنا ناقدين فقط لايعجبنا أي شي صحيح أم خاطئ ..!

[محمدويه]

السلام عليكم ورحمة الله وبركاته

إخواني أخواتي أحاول أن ألخص كلامي وأختصرهـ

.............

لاحظت مواضيع كثيره تنتقد فقط نظام الجامعه من غير أي تبرير
ماادري هو بس يبي يضع موضوع يعني في القسم
أو إنه يبي الجامعه تمشي على هواه وتضرب بجميع أساليبها عرض الحائط

............

مواضيع محاولة إبطالة إعادة اختبارين محاسبة 2 وإنقلش
قلنا إنهم حلوا زين ولا عندهم ظروف ومايقدرون يعيدون الاختبار ويحاولون
مع إننا كلنا ندري إنه مستحيل مهما قلنا انها ماتنعاد
ولقيت واحد ينتقد طريقة إختبار التوفل
ويقول البيانات اللي نعبيها كثيره في ورقة الاجابة في الاختبار
رقم جوال والاسم والرقم الجامعي ووووو
ويقترح حل انه يكتب الارقام بس مايحبر على الاجابات

يعني يتكلم وهو نايم او كيف وضعه ماادري

تصحيح ورقة اختبارات التوفل تصحيح الكتروني
يحطون جميع الاوراق في الجهاز ولا تاخذ ثانية الا وهي مخلصين بياناتك في ورقة الاجابه
بسبب التحبير ذا اللي هو العلامة السوداء اللي تسويها بقلم الرصاص

واللي يقولون الاسئله صعبه ومعادلات الرياضيات ماعرفت احلها
يعني انت جالس تدرس في الجامعه عشان درجة البكالوريوس
يعني بعقلك بيحطون لك اسئله 1+1 = كم ؟
اللي يقول موظف وعندي عيال وزوجه والتزامات
اقوله ماهي صعبه
أنا متزوج وعندي 3 عيال الله لايحرمنياهم وامهم
وموظف وعندي محلات اروح لها في المساء غير التزامات البيت والاولاد والزوجه
ومع ذلك موفق بين كل شي الحمدلله ومعطي كل شي حقه
ونسبتي المستوى الأول 3.90 وان شاء الله متأمل المستوى الثاني أحسن وأحسن
يعني ماهو عذر انك مشغول عشان يحطون لك اسئله
تبي تدرس الجامعه شد حيلك ماتبي غيرك مليون
مو من حقك تقول عطونا اسئله سهله على كيفنا احنا والله مساكين مانقدر نذاكر

واللي يقولون نبي ترم صيفي ونطالب بترم صيفي ومزعجينا ومزعجين الجامعه

أحب أقولكم اذا على الترم الصيفي ترى المستفيد الأول هي الجامعه
لأنك بتدفع لها مبلغ وقدره وبيستفيدون الدكاترة والمراكز
وحتى مراقبين الاختبارات في جميع المدارس بيستفيدون
لأنها تعتبر مثل خارج دوام لهم
يعني الكل مستفيد
لكن هناك عجز في الوسائل وللحين ماتركزوا وجهزوها
يعني لو بيدهم كان سووها لأنهم هم المستفيدين قبلك
ونظام التعليم عن بعد في الجامعه مبتغاه الاول هي الدخل المادي للجامعه

يعني تكفون ي إخوان فيه مواضيع مثبته تحط رائك فيها
لاأحط يفتح مواضيع فاضيه مافيها اي فايدة للجميع
وبسبب ذي المواضيع تروح علينا مواضيع مهمه للجميع

أنا ماابي أحد يزعل علي ولا يقول ايش يبي ذا
أنا كل اللي ابيه اننا نصحصح شوي وترانا طلبة جامعيين
يعني اللي يبي يكون له مركز يحس بمسؤولية الشي اللي هو فيه
وقبل كذا احترم الشي اللي تقدمه لك الجامعه
تأمين دكاترة ومراكز اختبارات
صحيح نواجه سلبيات لكن فيه اجابيات كثيرة ريحتنا راحه تامه
في النظام الاول الانتساب يدفع فلوس ولا يلاقي غير ورقة اسئله فقط
يجي يحلها ويمشي وبكيفه
لا محاضرات مثل الناس لا واجبات ومشاركات وتحميل محاضرات وووو
يعني الحمدلله على ماوصلنا له
والله يوفقني وياكم
وناخذ البكالوريوس بأفضل النسب
بس تكفون ي إخوان الجامعه تبذل كل ماتقدر
وإحنا لازم نقدر ذا الشي ولا نطالبهم بأشياء تصغرنا بعيونهم وعيون كل واقعي

..........
تسهيل الاسئله
تغيير طريقة اختبار التوفل
الإسراع بالنتائج فوق مايستطيعون
وغيرها من اللي ماتحضرني الحين

......

من حقنا نطالب في زيادة سيرفر موقع الجامعه عشان نتخطى مشكلة البلاك بورد والبورد الافتراضي في التعليق وقت الضغط
من حقنا نطالب بوجود اترام صيفيه لكن بحدود مايستطيعون
نعطيهم طلبنا بصورة حضاريه وهم يحاولون قد الإمكان
صحيح أني انتقد قيادة العميد النجار
بس عاد ان شاء الله ماراح يقصر معانا
اهم شي الاحترام والتقدير والرقي في المواضيع

وبالتوفيق

ان اصبت فمن الله وإن أخطئت فمني والشيطان .

[roqa]

ذوو النفوس الدنيئة , يجدون اللذة في التفتيش عن أخطاء العظماء



أبدعت ..تسلم اديك ..

(( للأسف الذي يزعجني أن هذه العقليات تؤثر عالبعض وتووزع شحنات سلبية قدر المستطاع )) ..

- إذا لم تعلم أين تذهب , فكل الطرق تفي بالغرض

وتذكروا دائما هذه الجملة :

- يوجد دائماً من هو أشقى منك , فابتسم

[فضيل]

يا أخي مافيه شي النقد

والدليل ان القراءة والمذاكرة في الوقت الحالي، لازم يكون فيها نقد. ويسمونها المختصين القراءة النقدية.

راح وقت التلقين.

سلاااام

[ابو جوود]

النقد لم يشرع إلا لكي نتلافى أخطاؤنا , فجميل أن نفهم معنى النقد والأجمل
أن يفهم الجميع معناه , وكل ذلك من أجل أن تظهر صورة النقد الجميل الذي
يطور الإنسان لايعقده .

فنقدك لكيان ما هو محاولة منك لمساعدته - وذلك عندما يفهم معنى النقد -

وإنتقادك لكيان ما هو محاولة منك للتعقيد وإخراج الطرف الآخر بأنه مخطي .

فالنقد بصورة عامة هو محاولة الكشف عن الأخطاء دون ذكرها والتركيز عليها من
أجل المساعدة .

[بدويه]

أخي الكريم

موضوعك من أجمل ماقرأت اليوم بالأحرى من أجمل وأرقى المواضيع في الملتقى فكر نظيف ونية أنظف وحسن ظن راااااااقي
ولامهونة للجميع

هالتذمر للاسف صار صفة سائدة

[Adel A]

عليكم السلام والرحمة ..

مسألة تلوين المعلومات الشخصية .. نعم هي متعبة ومتعبة جداً واذا كان عذر الجامعه لكي يتم رصد الدرجة للطالب مباشرة في نظام البانر .. أعتقد يقدرون يسوون ربط عن طريق ( السجل المدني فقط ) أو ( الرقم الجامعي فقط ) .. ماباقي ياخذون الا ( عنوان البيت ) ؟؟ واحنا نتكلم عن كل اختبار يكون فيه ( تعبئة للمعلومات الشخصية ) ..

أما بالنسبة لانتقاد الجامعه .. فهو حق مكفول للطالب .. اذا كان في اطار ( انتقاد العمل ) وليس ( انتقاد الشخص ) ..

وان حصل تجاوز من بعض الطلبة فأنا التمس لهم العذر ، لسبب بسيط ..
أن الجامعه في كل فصل دراسي .. ترتكب نفس الخطأ .. ألا وهو ( تعطل الأنظمة ) .. والى الآن لم تجد له حل ؟ سبحان الله لـ هالدرجة المشكلة معقدة وصعبة الحل ؟

أترك الاجابة للقارئ ، وسلامة فهمكم .

أما بخصوص سؤالك : لماذا أصبحنا ناقدين فقط ؟
أنت أجبت بقولك ( لايعجبنا شيء ) واتهمت الطلاب بالسبب وراء الانتقاد !
طيب ليه ماتطرح الاجابتين جميعاً عشان تكون حيادي ؟
الاجابة الاولى ( لايعجبنا شيء ) = جواب شخصك الكريم .
الاجابة الثانية ( عمل الجامعه التخبطي ) .

لماذا ؟ الجامعه لاتتحمل أخطائها ؟

المعذرة على الاطالة ..*

[Dr.Rawa8an]

النقد يصحح الاخطاء الموجوده + يساعد في تلافيها مستقبلا

والجامعه لا احد ينكر ايجابياتها ودورها الواضح ،، لكن الاخطا عند كل من يعمل

ودورنا كـ طلاب جامعه نوضح وننقد الاخطاء بس بشرط

( يكون باسلوب راقي وبكل احترام وبدون تجريح باحد كوادر الجامعه سوا موظفين او من هيئة التدريس )

وهذا الي اشوفه من مواضيع المنتدى ولله الحمد الغالبيه طرح مواضيعهم وانتقادهم بشكل محترم وبطريقة راقيه

وفالكم النجاح يارب

[roqa]

ياجماعة كلامكم كله عالعين والراس ..

بس الموضوع لو نقد بناء أكون أول الناقدين ..صار موضوع دلع وتطاول وسب وشتم ..

أين آداب النقد ألم نتعلمها أيضا ؟؟!!

[Adel A]

المشاركة الأصلية كتبت بواسطة roqa

ياجماعة كلامكم كله عالعين والراس ..

بس الموضوع لو نقد بناء أكون أول الناقدين ..صار موضوع دلع وتطاول وسب وشتم ..

أين آداب النقد ألم نتعلمها أيضا ؟؟!!

السب والشتم يعكس شخصية من يستخدم مثل هـ الأسلوب .
لايوجد شخص يرضى بالسب والشتم ، وذكرت في ردي السابق .. أن الانتقاد اذا كان في اطار العمل فهو مكفول لـ صاحبه .. أما اذا خرج للشخصنة ( هنا لانقبله بتاتاً ) .

[@بوفهد]

فليسمح لي صاحب الموضوع
لماذا تنتقدنا اذا