تجربتي في كلية الجبيل الجامعيه .. للفائده ادخل

[نوآف القحطآني]

آلسلآم عليكم ورحمة الله وبركآته
أسعد الله مسآئكم بكل خير آخوآني واخواتي .
~~
كعآدة الطآلب دائماً هو انسان يحب التذمر لآن ارضاء الناس غاية لاتدرك .. فعندما ترى طالب يتذمر من شي فآعلم وكن متيقن انه يهتم لهذا الشي الذي يتذمر منه .. فمن الطبيعي ان يغضب الطالب لحدث ما او لتآخير اختبار او او .. ولكن ليس من المألوف ان يخرج الطآلب من المألوف كمآ رأيت من زملآئي وغيرهم من سب وشتم لهذآ البيت اللذي احتضنهم وعلمهم فوآلله اني لا انسى آن (من علمني حرفاً كنت له عبداً ) ..

بدآت في كلية الجبيل الجامعيه سنة 2008 وكنت من ثاني دفعه تدخل الكليه ومآرأيته من حماس ورغبة بالنجاح من مسئولي الكلية وطلابها جعلني اتشجع واتحمس لتحقيق هدفاً ما .. فهل لي ان ابحر بكم في غمآر مرحلتي الدرآسيه ؟

السنه التحضيريه (Prep year):
دخلت السنه التحضيريه لآأملك من الانقلش الشي الكثير (الله يسامح مدآرسنا الثانويه ) يخلون مصري يدرسنا انقلش (از هز بز وز) ويشطح شوي ويقول بص حدرتك هذا اللي علمونا عليه .. واجهت صعوبه قويه بالسنه التحضيريه لقوة الانقلش والتشديد عليه .. وكانوا يضعون الضعيف بالانقليزي مع الفلته يعني مآكآنوآ يسوون اختبار تحديد مستوى بالبدآيه اللي لطآلمآ طالبنا فيه .. ولكن حآولت بشتى الطرق تعدية هالمرحله المفصليه عشآن احقق حلمي وادخل الهندسه الميكآنيكيه اللي كانت مطلبي الوحيد وكآنت متطلبات دخولها انك تجيب C بالماث 1 و2 .. وجبت A بالماث ون و A+ بالماث تو .. ولكن المشكله كانت بالانقلش (حدث ولا حرج ) فلبيني يدرسنآ !!( آترك التعليق لكم ) بس دخلت معاهد انقلش تساعدني وش اسوي !!
من وجهة نظري من اساسيات التعليم الصحيحه لاي لغة كآنت ان يكون المدرس من native speaker (المتحدثين الاصليين للغه ) وجبت درجآت معقوله بالانقلش ولله الحمد والحمدلله كان معدلي عالي .
في نهآية السنه التحضيريه عطونا اوراق نسجل رغباتنا بالتخصصات اللي نبي ندخلها وسجلت بالخيارات الاربع الاولى هندسه ميكآنيكيه (<يبيها بالغصب ) والخيار الاخير كمبيوتر لاني واثق اني باذن الله بدخل هندسه .

وعلى كذآ انتهت السنه التحضيريه بخيرهآ وبشرهآ ورحت باجازه صيفيه جميله

السنه الاولى بالتخصص (Freshman) :
عند عودتنا من الصيف تفآجئنآ بانتشار خبر اللي كان زي الفاجعه على الكثير من الطلاب واولهم انا وهو
(مآانفتح تخصص الهندسه الميكآنيكيه ) آي شعور كآن ! وآي صدمه كآنت ! والله كآنت كالعلقوم في حلوقنآ لآني ي جماعه والله أثرت الذهاب خارج المملكه لظروف عائليه والبقاء بكلية الجبيل الجامعيه لوجود تخصصي المنشود فيهآ وطموحها الجميل .. المهم مآلكم بالطويله وآنبرشنآ على الاداريين ورئيس القسم الوهمي الدكتور غسان يعني حاطين رئيس قسم لقسم اصلاً مآهو موجود (Future Time) !! .. المهم قال لنا مانضمن لكم وجود هالتخصص خلال سنتين او اكثر والطالب اذا دخل تخصص ثاني وقعد فيه سنتين مستحيل يحول لتخصص غيره لآنه على كذا بيتآخر .. المهم وحطوني برغبتي الخامسه (كمبيوتر ) اللي بعد الاربع رغبات الاولى(الهندسه الميكآنيكيه) .. تآثرت نفسياً بصراحه بهالوضع وتآثر مستوآي دراسيا بسبب عدم رغبتي بالتخصص اللي دخلوني فيه الكمبيوتر وكآن معدلي بالسنه الاولى بالتخصص 1.92 و عطوني آحلى warning
وذهبنآ بصيفيه مليئه بالاحزان والتفكير ..

آلسنه الثآنيه بالتخصص(Sophomore) :
بعد عودتنا من الصيف وبدء الدراسه باسبوعين تفآجئنآ بفتح الهندسه الميكآنيكيه ولسآن حآلنآ يقول (مآعآد بدري قلتلي وش تحرى ) .. وكآن فيني ذرة امل وضحيت بالمواد اللي اخذتها بالكمبيوتر واعتبرتها زيآدة خبره وحولت للهندسه ومعدلي السيئ انتقل معي . . ولكن نفسيتي تغيرت وطموحي صآر عالي (لآ أستنقص من تخصص الكمبيوتر ولكن رغبتي الشخصيه ) وبدأت السمستر الاول وحصلت على معدل السمستر 3. 42 وارتفع المعدل الكلي الى 2. 45 (تطور ملحوظ )
وعديت السنه الثانيه بمعدل كلي 2.81 .

آلسنه الثالثه بالتخصص(Junior) :
وآستمر طموحي ورغبتي برفع المعدل وكآن هنآك عقبه وحيده آسمهآ الدكتور العطآر بصرآحه طلع لنآ قرون من قوة التعقيد اللي عايش فيه .. درسنآ ماده اسمها مآتريل ساينس وخلآهآ مآدة بزنس من كثر مآهو يهتم بال theory وسآحب على المسائل بس هنآ تكمن قوة الطآلب بالتكيف وعدم التذمر وانشغال تفكيره ووضع اللوم على الدكتور والاهتمام بالامور الجانبيه فآنآ لعبتها صح وكيفت نفسي على نظآمه وهذي نصيحه للطلآب تكيف على اي دكتور وعلى اي نظآم لآن هذا شي طبيعي بالدراسه الجامعيه ولآتشغل بالك بالتذمر وغيره .. والانسان الطموح مآرآح يوقفه عائق اياً كآن .. المهم والحمدلله عديت الماده ب B مع اني كنت اطمح اكثر بس مآهي بشينه .. ولله الحمد بهذه السنه رفعت معدلي الى بحور الثلاثه وانتهت السنه الدراسيه بعقباتها ب معدل كلي 3.34 من 4

آلسنه الرابعه بالتخصص (Senior):
هي سنتي الحآليه فيها بوآدر جيده من الدكاتره ولله الحمد ولكن كآنت الصدمه الوحيده طريقة وضع الجدآول كآنت اشبه بالكآرثه .. وانشالله تكون نهآيتها خير ..

الحكمه من الموضوع :
آن طموح الطآلب لايتوقف عند صدمة مآ او حدث معين يعيق الطآلب عن مواصلة جهوده للارتقاء والتحسين فلكل جواد كبوه ولكن الجواد الاصيل هو من ينهض من كبوته ويكمل مشوآره نحو النهآيه .. فآتمنى ان اكون افدتكم ولو بالشي القليل

(أن اصبت فمن الله وآن اخطئت فمن الشيطآن )

لكم كل التقدير والتوفيق .

[sarah alghamdi]

الله يوفقك يارب .. حمستنا للدراسة ..

قصة جميلة وحكمة أجمل ..

[al-8ymat]

.
.

يعطيك العافيه عـ الموضوع والله يحقق طموحك وطموح الجميعَ

اهم شيُ الواحد يثق بالله . . ويشد حيله

وبالاخير لكل مجتهد نصيب . .


.
.

[نوآف القحطآني]

^^
حيآكم الله وبيآكم نورتوآ الموضوع وشكراً لمروركم

[Spencer]

والله موضوعك مفيد جدآ
والتذمر مشكله كبيره جدآ عندي انا

بس ان شاء الله احااول استمتع بدراستي واشد حيلي لان بصراحه ماعندي مشكله مع الانقلش بس مدري ليه اتذمرر كثير

الله يوفقك ان شاء الله وتتخرج وتحقق طموحك
تسلم ايدك على هالموضوع

[نوآف القحطآني]

^^
الله يسلمك ويعآفيك
حيآك آلله اختي نورآ .. شرفتي الموضوع

[M.k♔]

الله يوفقك
والاهم من هذا كله انك تملك طموح ومتوكل على الله

^^
ومافي شي اسمه مستحيل
كنت بجامعة الدمام وجاني اكثر من انذار اكاديمي وبعدها سحبت ملفي :(
وحاولت اسجل من جديد فيها وطلع ممنوع >عندي سجل سابق
وسجلت بكلية جبيل الجامعيه وكنت متخوفه من الانقلش جدآ
وماقبلوني وتحطمت كانت املي الوحيد

والخيره فيما اختاره الله :")

بس لاني متوكله على ربي
رجعت ادرس بنفس جامعتي القديمه > من خلال دراسه عن بعد
وبتخصص له مستقبل
وخلال سنه وحده احول انتظام
بس يبي لها شدة حيييييل


بالتووووووفيق للكل يَ رب

[نوآف القحطآني]

ششدي حيلك آختي وانشالله مايوقف قدام طموحك وحلمك احد .. فبآلعمل تذل المصاعب .. الله يوفقك ي رب ويحقق حلمك

[بلآ وطن]

ما شاء الله تبارك الرحمن

قصة حلوه وفيها عبره ونصاسح راح تفيد

المتذمرين مثلي

انا ترى احس اني اهذر على نفسي من ن

[نوآف القحطآني]

شرفني مرورك بلآ وطن وعطر متصفحي