 |
|
||||||
| قصائِدكم و خواطركم [ خاص ] قسم خاص بكتابات الاعضاء .. ويُمنع المنقول بهذا القسم |
 |
|
|
أدوات الموضوع |
|
#1
2012- 2- 8
|
||||
|
||||
|
جــــــــــديد المحيط ابن فطيس
الكل يعرف الشاعر البحر او المحيط
محمد ابن افطيس الصراحة قريت اليوم هالقصيدة فابكتنى؟ فرحت لـك .. وأنـا معاليقـي حطـام والصدر .. مـن مـا فيـه بيّـح كنينـه فرحة يتيم ٍ .. ليلـة العيـد مـا نـام ! خـالاتـه , وخـوالـه .. مواعديـنـه مواعدينـه بشـت .. وشمـاغ بـسّـام ويلّعبونـه .. فـي مـلاهـي المديـنـه مانـام .. واحـلامـه تـحّـراه قــدام كنه يطـول أحلامـه بـ( راحتينـه ) ! صبحه تجّلا نـوره بـ/ عيـد الاسـلام وقبـل يـروح المسـجـد : ملّبسيـنـه جده مـا بيـن العيـن والجيـم والـلام خلّـيـه يافـلانـه .. ولا تأخريـنـه ! تراقبـه بـ/ عيونهـا .. حـب وهيـام وعيونهـا .. ممّـا تكـنّـه / حزيـنـه "يعرض لها الماضي مثل عرض الافلام " لـ.. ماضـي ابـوه وغـلاه وحنيـنـه يرجيه لـ( سنين القسـا ) درع وحـزام وجنـب ٍ علـى صكـات بقعـا يعينـه ابـو ثـلاث أعـوام .. والا 4 أعـوام يغار منـه البـدر .. مـن كثـر زينـه صلّى وجاء وأمر الله اللي قضـى تـآم ماهـوب داري عنـه .. زينـه وشينـه بشتـه عليـه .. مهنـدم ٍ خيـر هنـدام واللـي بـ/ عمـره .. كلهـم محترينـه يوم اطلعـوا للشـارع انقسمـوا أقسـام وأهـم مـافـي القـصـه ؟ ملّعبيـنـه تداعـب رموشـه .. ذعاذيـع الانسـام ويابردهـا .. يـوم آيبـسـت شفّتيـنـه وعلى تـراب الأرض بأصبعـه رسّـام أمـا رسـم لـه طيـر .. والا سفينـه العيد طعمه كـان فـي الشـارع العّـام ماهـوب عـن رغبـاتـه .. مقيديـنـه رجـع ولكـن فرحتـه ضايعـه ( دام : كل ٍ مشـى ) وأخـذ ولـده بـ/ يمينـه صاروا خواله في نظـر عينـه اصنـام آحيـوا بـ.. داخلـه الجـروح الدفينـه ولا عنده الا أمـه ونـاب القهـر سّـام جاهـا يبـي منهـا اليـديـن الأميـنـه شعوره اللـي حـس بـه مثـل الإلهـام وأول سؤال في بالـه : أبـوي وينـه ؟ سؤال : لكـن كـان مثـل النبـا الهّـام لازال باقـي فـي المسامـع .. رنينـه جته تعـدي , ماهـو تخّطـي بالاقـدام وشالتـه بيديهـا .. وحـبّـت جبيـنـه أبوك : جاء البارح وقبـل الفجـر قـام وشرى لـك ألعـاب , وهدايـا ً ثمينـه تراه حبّك وأنت غـارق فـي الاحـلام وراح لـ.. دوامه , والشغـل مرسلينـه لحظه .. وهو بيـن الحقايـق والأوهـام والدمـع الازرق حايـر فـ.. مقلتيـنـه يمّـه : تـرى مانمـت والعالـم نـيـام ماجـاء .. ولا لمسـت يدينـي / يدينـه مدام رقمـه معـك مـن بيـن الارقـام بـ.. أكلمـه , يـوم إنـك تكلميـنـه ! طاحت ما كن آلها من الصدمـه عظـام ولاعـاد فيهـا صبـر .. ولا سكيـنـه قالـت بـدون شعـور وإدراك وإلمـام أبـوك ! فـي تـراب القبـر دافنيـنـه العام مات .. ومـتّ مـن موتـه العـام وكنـي بعـد مامـات عنـي سجيـنـه أبـوك جنـدي للوطـن ضـد الإجـرام عـطـاك عـمـره دون داره وديـنـه تفجّـرت مـن تحـت رجلينـه ألـغـام ولاعاد لـي بعـده حصـون ٍ حصينـه بكّت .. وطاح الدمـع مـن حـر الآلآم وبكى وطاح الكـون مـن مـوق عينـه كـل ٍ عذلهـا .. بيـن عاتـب ولــوّام تصّبـري .. خلـي ضلوعـك متيـنـه ماهو صحيح ان الضروره لهـا احكـام اكبـر خطـاء يـوم إنــك تعلميـنـه بـكـره تنسّـيـه الليـالـي والايــام هو فيـه أحـد ينسـى حـدا والدينـه ؟ طير السعـد فـي عالمـه مابعـد حـام والله يعـلـم وش تـخـبـي سنـيـنـه أنـا كـذا ! ساكـت وصابـر ومنضـام لكـن كـان الفـرق بيـنـي وبيـنـه : الدمـع لـ.. عيـون الأرامـل والايتـام ودمـع الرجـل ذل وهـوان وغبيـنـه |
|
2012- 2- 8
|
#2 |
|
متميزة في ملتقى الصور وعالم التصوير
|
رد: جــــــــــديد المحيط ابن فطيس
الله عليك اخوي انتقاء رائع لشاعر اروع
صح لسان شاعرها وتسلم يمين ناقلها واتحدى اذا احد يقرها وماتنزل دمعته مؤلمه جدااا تقبل مروري 
|
|
2012- 2- 13
|
#3 |
|
صديقة كلية التربية الخاصة
|
رد: جــــــــــديد المحيط ابن فطيس
|
|
2012- 2- 13
|
#4 |
|
متميز أدراة الاعمال _ المستوى السابع
|
رد: جــــــــــديد المحيط ابن فطيس
اهنيك ع ذووووقك
|
|
2012- 2- 14
|
#5 |
|
أكـاديـمـي
|
رد: جــــــــــديد المحيط ابن فطيس
ذوق
دورتها يو تيوب ما لقيتها 1000 شكرا يا ذوق |
|
2012- 2- 14
|
#6 |
|
رحمه الله
|
رد: جــــــــــديد المحيط ابن فطيس
مشكورين على المرور
يالغالين |
|
2012- 2- 14
|
#7 |
|
هذه العضوية استخدمها عضو ذكر وحصل عن طريقها على وسائل اتصال وبيانات شخصية تخص عضوات
|
رد: جــــــــــديد المحيط ابن فطيس
يعطيك الف عافيه الشاحن
 ررووووعه ماقدمت يداااك
|
|
2012- 2- 28
|
#8 |
|
أكـاديـمـي ذهـبـي
|
رد: جــــــــــديد المحيط ابن فطيس
ليه تبكي يالشاحن........... ليه ماتعيط على قوله اخواننا المصريين قصيدة تحكي عن نفسها وسلمت يمناك على النقل
|
|
2012- 2- 29
|
#9 |
|
أكـاديـمـي نــشـط
|
رد: جــــــــــديد المحيط ابن فطيس
الصراحة ياجماعة إني عيطت وبكيت
أتعب قلوبنا ذا المري بالقصائد الروائية الله يهديه والله إني أتعب إذا قريت قصايده |
|
2012- 3- 3
|
#10 |
|
أكـاديـمـي فـعّـال
|
رد: جــــــــــديد المحيط ابن فطيس
الله يرحمك ويسكنك فسيح جناته
|
|
| مواقع النشر (المفضلة) |
| الكلمات الدلالية (Tags) |
| المحيط, ابو, جــــــــــديد, فطيس |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| [ شعر ] : هوايل ابن فطيس | جنتل معربا | ملتقى الفنون الأدبية | 10 | 2012- 1- 30 11:31 AM |
| صبايا مستوى ثاني لو سمحتو دقايق من وقتكم | ليووووس | ملتقى طلاب التعليم عن بعد جامعة الملك فيصل | 5 | 2011- 3- 16 07:50 PM |
| لو سمحتو في احد نفس مشكلتي الله يوفقكم ردوي بسرعه | روح اتعبتها | قسم المحذوفات و المواضيع المكررة | 8 | 2011- 1- 5 12:00 PM |
| [ الدراسات الاسلامية ] : ضروري وعاجل لو سمحتو | A.M | منتدى كلية الآداب بالدمام | 2 | 2011- 1- 4 06:49 PM |
| سؤال لو سمحتو | طلال عبدالعزيز | إدارة أعمال 1 | 2 | 2011- 1- 4 01:39 PM |
