ماهو اسهل قسم بجامعة فيصل يناسب الموظفين حالاتي

[الشعلاء]

السلام عليكم افكر اغير التخصص لانه غير مناسب مع ظغط عملي ومسولياتي الاسريه وش تنصحوني به

[فيصل0]

الله يعينك وأظن المرحله الجامعيه يبيلها أهتمام وسواء قسم أداره أو أي قسم بالتربيه وعسى الله يعينك ويسهل أمورك

[kaky]

كل التخصصات هذي نظامها من ناحية المحاضرات والمناقشات واوقاتها اذا تقصدين من ناحية الظغط

بس شوفي وش التخصص اللي يناسب ظروفك ولا تتسرعين



واللله يكتب لك اللي فيه الخير ان شاء الله

[حايره في الدنيا]

نصيحه مني لا تغيرين تخصصك لان هذا التخصص مره مستقبله كبير وبالنسبه للضغط صدقيني كل الاقسام فيها ضغوط ومسؤليات طيب انتي موظفه وعندك اولاد حاولي تنظمين وقتك يعني خصصي يوم او يومين في الاسبوع هو الي تذاكرين فيه المحاضرات وبافي الايام خليكي متفضيه لشغلك وعيالك وبكذا تكونين مو ضاغطه نفسك وبنفس الوقت مو ضايعه في قسمك ومضغوطه فيه بس نصيحه لاتغيرينه بعدين هي كلها فتره وتخلصين يعني مراح تجلسين طول العمر وانتي تدرسين حاولي ترتبين وقتك ونصيحه اخت لاختها لا تغيرين قسمك لان اصلا كل باقي الاقسام فيها ضغط يعني كله بالهواء سواء

[@الشمالي@]

هلا ب الشعلاء

صباح الخير

بالنسبة للتخصصات الثانيه اسمع انها اسهل من ادارة الاعمال بكثير

لكن للاسف ماعندي فكرة كبيرة عن تخصصهم او المواد الي يدرسونها

وانتي شوفي الي يناسبك ويناسب طموحك واهدافك

واي تخصص ثاني بالانتساب غير ادارة الاعمال راح يكون اسهل اكيد


تحياتي وبالتوفيق لك

[~ميريام~]

مافيه تغير القسم انا حاولت ابي علم اجتماع بس الايقونه مب شغاله

لو يصير بليز علميني

[الشعلاء]

الادارة يبيله ناس متفرغه والا بالعكس عاجبني التخصص

بس مو اهمال او تكاسل بالعكس حريصه على الدراسه <<<<قايمه من الصبح تكمل محاضرة المحاسبه لكن القسم يبيله شخص متفرغ مو بس اسمع للمحاضره حاولت ارجع لمراجع بالنت حلو الابحار والتطلع للنقاط اللي استصعب علي فهمها

هدفي من هالتخصص:
1- تحسين المستوى الوظيفي
2- هالتخصص علم ودي اتعلمه للمستقبل حيث انه يفيد الشخص لوفكر يسوي له بزنس خاص فحلو يكون ملم بهالمجال

مبادئ الاقتصاد مشي الحال بعد ماطلعت عليه اعتمدت على المحتوى وبرجع لملخص ابوموزه جزاه الله خير شرح الدكتور كانه يقرا لنا الملخص ما يفهم زي دكتور المحاسبه ماشاء الله عليه خلاني انبهر بعلم المحاسبه لو هالتخصص لوحده كان روعه اليوم اختم محاضره رقم 3 من المحاسبه

لسا باقي القانون الادارة والرياضيات عاد احب الرياضيات بخليه اخر شي لانه اسهل شي

والله يسهل بس حاليا تركيزي فقط على نيل الشهادة من اجل التحسين الوظيفي ما يهم المعدل عشان كذا ادور اسهل تخصص والا ادارة الاعمال ما ينفوت بس يبيله ناس متفرغه لانه فهم وتركيز وصعب علي هالشي وانا تحت ظغوط عمل تتطلب مني التركيز يعني جهد فوق طاقتي جهد عمل وجهد دراسه

يله رشحولي اسهل تخصص

[الشعلاء]

حايره انا موظفه محتاج من هالشهادة وظيفه افضل من وظفتي لاني احبها جدا وحسب ميولي لكن عشان المرتبه الوظيفيه وهالزحمه لازم اخذ بكالوريوس انا شخصيه قياديه محب انقاد عشان كذا ابي ادرس حتى احقق رغبتي اني اكون رئيسة قسمي لا متبوعه لمن هي اعلى مني

هلا والله بولد ديرتي ياحيي اسالي حرام تروح فلوسي هباء منثورا

مريومه كان ثاني ترشيح لو ما ناسبني الادارة علم اجتماع بس للان مادري وش موادهم بروح اسالهم كان جت على هواي بحول له
الانجليزي اخر خيار لي

[@الشمالي@]

انا اعتذر عن الترشيح

لان ماعندي فكرة عن مواد التخصصات الثانيه

لكن الاخوان او الاخوات الي حولوا من تخصصات ثانيه اكيد بيفيدونك ان شالله

[@الشمالي@]

ابشري بسئل لك وبعد لو بغيتي واسطه لتغيير التخصص ابشري بعزك

دام انك قلتي :ياحيي

فلا يهمك شي



.........