شوفوا وش صار بمهرجان العروسه بالخبر مول(بالصور)

[sunset5900]

السلام عليكم ورحمة الله وبركاته
انا من احدى المشاركات بمهرجان العروسه بالخبر مول الي كان بقيادة ام رامي حسبي الله عليها الي ضحكت على الكل

اولا كان الاعلان كاذب وباطل من اوله لاخره وكل السالفه استغفال وكذب ومثل هذي ام رامي لاتصلح تكون منظمه للمهرجان شوفو وش صار واترك الحكم لكم والله على ما اقول شهيد

شفنا الاعلان بالمبوبه والوسيله وكان الاعلان يدعو للمشاركه والحجز بالمهرجان وكل وحده عندها ابداعاتها وشغلها والي تبي تبرز نفسها والي تبي تحسن دخلها راحت وحجزت موقعها وأستأجرت وطبعا كاتبه بالاعلان مفاجأه كبرى(مشاركة مصممات أزياء عالميات) وطبعا ماشفنا لا مصممات ولا شي !!

بدأ المهرجان بتاريخ 1/12/1430هـ وتفاجأنا إن ما احد يدري عن المهرجان كل ما قلنا لاحد قالو ماسمعنا عنه وطبعا لا يوجد بالمعرض غيرنا احنا المشتركات فقط وكل الي يجون هم من اقاربنا والي احنا دعيناهم تصورو ياجماعه نطلع برا المجمع نشوف ناس يتسوقون ونعطيهم الاعلان يقولون وين هذا المهرجان هنا؟؟ ايه والله والسبب إن ام رامي لا سامحها الله حاطه اعلان على بوابة المجمع تقول فيه(ترقبوا مهرجان العروسه بتاريخ 1/12/1430هـ ) ترقبوا !!!
وبدأ المهرجان وانتهى والاعلان ترقبوا باقي ..

كل هذا يهون بس تخيلوا وش صار بعد افتتاح المهرجان .. ام رامي اختفت ندورها ما نلقاها مافيه تنظيم ابد ابد الطاولات جنب بعض ولدرجة انها مأجره اكبر عدد بس همها تعبي الموقع بالمستأجرات
وبعد كذا مهمتها انتهت ما سوت اعلانات لإافتتاح المهرجان ولا فيه نظافه ولا نظام اقسم بالله إن الصراصير تمشي بالمعرض وعند الاكل ولما كلموها البنات قالت اسألو نفسكم والله إن البنات ينظفون بنفسهم وياخذون اغراضهم ويغسلونها بالحمامات اكرمكم الله ..

المهم انو بالايام الاخيره جات ام رامي تطل دقايق وتطلع واذا احد كلمها تعطيه ظهرها وتحتقر الكل انسانه في منتهى قلة الأدب والاستهتار وكأنها تقول اسكتو ولا احد يتكلم لا وترفع صوتها البنات جاتهم خيبة أمل اقسم بالله البؤس بوجيهم وهذي تدخل تضحك وتطلع نكلمها عن النظافه تقول ليش اخسر نفسي واجيب عاملات انا انظف انا وبناتي !!! تخيلوا والله لا جابت احد ينظف ولا نظفت هي ....

والي ادهى وأمر جينا نقول لها بكل هدوء بعد ما صدناها باليالله جايه على نهاية الدوام ونص المشتركات شالو اغراضهم وراحوا وين يا ام رامي الناس وانتي ما سويتي اعلانات قالت الا سويت بالمبوبه قد الصفحه كامله جبنا لها الاعلان الي كان معانا عشان نحاججها فيه بس طلعناه قامت عطتنا ظهرها وتصارخ وتقول انا ما احب هذا الاسلوب !!!
ليش ماتحبين الحقيقه تخيلو تكذب علينا تقول سويت لكم اعلان كبر الصفحه والاعلان اقسم بالله لايتجاوز كف اليد تخيلو تستغفلنا الله لايسامحها ولا يحللها وطبعا بس قلنا لها ليش تكذبين قامت علينا ماااايحتاج تصارخ وتسب وتقوووول الي موعاجبه ياخذ اغراضه ويطلع >>>>>>> هي قالتها ولا ماااااقالتها !!!

تخيلوووا بعد تعبنا ووقفتنا كم يوم تخيلو من الساعه 4 العصر إلى الساعه 11 بالليل ولمدة اسبوع تقول الي موعاااجبه يطلع برا احنااااا نطلع ؟؟؟ مين انتي يااام رامي عشااان تقولين لنا نطلع برااا؟؟

طيب حاولنا نتفاهم معاها قلنا على الاقل الاعلان الي برا (ترقبوا) شيلوه حطو تم الافتتتاح قااااامت تصارخ وتهاوش المهم بدأت أخلاقها تطلع اليكم كلماتها الي قالتها مو بحق وحده بس لا بحقنا احنا يالسعوديات كلنا ................
قاااالت يااا .... يااااا ............ يااا ...........انتو كلكم تحت............... "شفرنا الكلمات عشان لاينحذف الموضوع !!

والي مو عاااجبو يطلع برا .......... طبعا بلهجتها مع العلم إن ام رامي مصريه أو فلسطينيه ماحددنا جنسيتها..
احناااا بنات البلد تحححححححححححححت ............... اكرمكم الله
مثل هذي من اعطاااااها الصلاحيه تقيم مهرجاااانات وتضحك على السعوووديات لا واسكتو ولا احد يفتح فمه ليييييييييييييشطبعا احنا ما سكتنا لها ووقفناها عند حدها لاكنا خلاقنا ماااتسمح لنا نتلفظ بنفس الفاظها البذيئه اكتفينا بطردها من المعرض كلمنا مدير المجمع وطلعها ..
هذا واقسم بالله اننا لم نتكلم عليها ولم نهينها فقط طااالبنا بحقنا من وضع اعلان تم افتتاح المهرجان واحتجينا على كذبها بأن الاعلان كبر الصفحه وهو اعلان بسيط بالمبوبه وبجريدة الحياة وكل مافي الاعلان شاركي يعني للي تبي تشارك وسارعي بالحجز..
حسبنا الله ونعم الوكيل فيها وطبعا كاتبه بالاعلان تحت رعاية (مستوصف السعودي الاوربي للأسنان) ولما كلمناهم قالوا احنا ماندري عن هذا المهرجان وهي ماخذه اسمنا للأعلان !!!!
(ومركز تدريب لجامعة الملك فيصل ، وجوائز مقدمه من فندق بارك إن والجوائز راحت لثنتين من صديقاتها..والراعي الرسمي مجموعة نزيه السعوديه) وشركة نزيه يقولون احنا فقط مشاركين حالنا حالكم !!! احنا ما همنا الخساره كل الي همنا إن وحده مثل ام رامي تكذب علينا وتستغفلنا لا وبالاخير لما ندافع عن حقنا تشتمنا
والشرهه موب عليها على الي يعطيها الحق انها تمسك مهرجان أو ترفع صوتها على بنات البلد وتقووول انتو تحت ...... !!!!

لا اسلوب في التعامل ولا حتى تنظيم للمهرجان ولا نظافه الي هي اهم شي مهرجاااان فاشل ويدل على من نظمه
ولا مصداااقيه في الاعلان كذب في كذب ...!!!

تقديري واحترامي للجميع

[بنت أبوها]

لاحول ولاقوة الا بلله

فعلا تسيب

[جامعيةواجتماعيه]

شي يرفع الضغط

[sunset5900]

انا وش رفع ضغطي غير قلة الاحترام والالفاظ الي قالتها!!!

الله لا يجعل احد منكم يقابل مثل هالاشكال ولا تتعاملون معاهم ابد

[سجود الروح]

اسلوب غير حضاري

:no2:

[كرستالهـ؛؛]

ماعندها ذوووق