<<أي منـــاهج التي تطــالب صـــغارنا بدخـــول الانترنت...!!!

[Abu ali55]

المشاركة الأصلية كتبت بواسطة المهره الاصيله

انا ماحبيت سالفه المذاكرة عن طريق النت

الله يرحم ا يامنا
اذا طلبو بحث رحنا المكتبه واخذنا الكتاب وطبعنا كم صفحه
ووديناه لابله نقول هذا بحث

واخذنا درجه كامله

اسمحيلي هنا اختي لي وجهة نظر مخالفه لك ,,, لأن سالفة المكتبه والبحث الجاهز من عند السوداني او المصري حق محلات خدمات الطالب هو اللي خلانا ما نعرف نبحث عن المعلومات اللي نحتاجها بغض النظر عن الدرجه اللي راح ناخذها ,,, ... وهو اللي خلا دراستنا الجامعيه تبدو لنا اصعب ومعقده في كثير من الاحيان لأننا لم نتعود على ذلك... بينما في دول اخرى الطالب عند دخوله الجامعه يعتبر نفسه انه متخرج من اول يوم يدخل للجامعه لأنه متعود على طريقة ايجاد المعلومه اللي يحتاجها بدون ان يجيبها له احد على طبق من ذهب ...

وهذا ما انتبهت له وزارة التعليم متأخراً ولاكنها لم تحسن طريقة تقديمه لنا ولأطفالنا حتى الان للأسف .

ارجو تقبل مداخلتي بصدراً رحب ...

دمتي بود

[~Mrs.ENGLI$H~]

اذا بتناقشون ظاهره حلوها لا تحاربونها

الله يحفظك

هالسطر وحده حكــــــــــــــــــــــايه

ويكفي ... لا اجد ما اقول بعد اللي قلتيه ...

يعجبني المثل اللي يقول اذا كبر ولدك ... خاويه ...

في هالعصر هذا اللي ينفع مع العيال ... نقرب منهم ونحسسهم اننا اصحاب و اقرب اصحاب لهم .. واننا اخوان من اقرب الاخوان لبعض .. ننزل لمستوى تفكيرهم عشان نرفعهم معنا ... مسألة المنع لمجرد الحمايه بدون مانعرضهم شوي لإختبار هذا المجال .. ماينفع .. رح يجي يوم ينفلتون فيه

تشتيتي ابدعتي ..

والشكر لصاحبة الموضوع ... في الصميم

[حطہمہوگ ياقلبہي]

من وجهة نظري .. أن التركيز على تنمية ثقافة وذكاء الأبناء .. وغرس الأخلاق الحميده في نفوسهم وحثهم على إستخدامها في كل شئونهم
وقبل هذا كله توفير الوقت الكافي من الوالدين للبقاء مع أبناءهم .. ومتابعتهم .. واللهو معهم .. وإظهار الصفات الحسنه أمامهم .. وتشجيع قولهم وفعلهم الحسن


هو الحل الأمثل .. لزرع الرقابه الذاتية في نفوسهم .. وتجاوزهم لأي آثار سلبية قد يتعرضون لها


وكل ما ذكرته سابقاً .. هو مجرد رأيي شخصي ...
والحياة علمتنا .. أن ليس كل مانفكر به نعمله بالضرورة

ولكن لامانع من المحاولة ...




سلمت يداك

المهره الاصيله ...

[دمعه الشوق]

موضوع جميل ورائع


انا ضد استخدام النت وخصوصا تصفح المواقع لأقل من 18 سنة لكن اذا كان في وقت محدود وتحت عين اهلهم ما عندي مشكلة

اتذكر لما كنت صغيرة ما اعرف شيء من عالم النت الا المسن والايميل

حتى المواضيع اللي يطلبونها منا المدرسة والاذاعه كانوا اهلي يطلعونها لي لاني ما اعرف

ما اخذت حريتي الا لما تخرجت من الثانوي وصار عندي جهاز خاص فيني

والا اليوم وانا اقول ليتني كنت زي اول >>مو عشان شيء بس لأنه ضياع وقت على الفاضي

وادمان وصار جزء من حياتي اليوم اللي ما ادخل فيه النت احس شيء ناقصني

والى الان خواتي اللي اصغر مني يسيرون على نفس نهجي الا بالعطله الصيفيه يخربونها شوي

ليتني موظفه في وزارة التربية والتعليم \\

عشان اعلمهم التطوير اللي مو فاهمينه لحد اللحين

بدال النت خرجوا طلاب من الابتدائية يعرفون يقرأون على الأقل مو يتعتعون ومليون غلط في السطر الواحد

[*Album*]

حالياً الطفل سـن سبع سنوات يعرف يستخدم النت < مش مشكلة
وهو ما يعرف أيش فيه وأن فيه الصح والغلط
وأحيان يكون ما يعرف ينطق الكلام تمام < هنا المشكلة

صحيح النت هذه الأيام ما يـُـستغنى عنه لكن لا ننسى الحياة أولويات..
أتذكر بنت جيراننا بسادس رجعت لها المعلمة التعبير لأنه مو مأخوذ من النت < !!!!

أنا مع.. بحدود
بمعنى مستحيل يصبح النت والكتب الالكترونية هي مصدرنا للمعلومات
الكتب الورقية لها قيمتها وستبقى كذلك

العلم في الصغر كالنقش على الحجر < كذلك التربية مستحيل يروح أثرها
فالخطأ وارد من أي شخص لكن العبرة بعد الخطأ

الطفل إلى عمر سبع سنوات < هذا العمر هو وقت زرع القيم والمبادئ

سلــمتِ

[هـمـس التميمي]

شئ حلو الدراسه تكون مطوره وتصير ع النت
سوا لواجبات او بحوث او دراسه عن بعد

المعلمه اغلطت بشئ
انها ماوضحت ايجابيات وسلبيات النت
وباسلوب الترهيب والترغيب راح تقنع البنات بالصح وتبعدهم عن الخطا

والام تصرفها غلط
المفروض تحل الموضوع بشكل جذري
وتقنع البنت بالصح

الواحد يوم يكون عنده شئ ماهوب زي
يجي ابوه وياخذه منه من غير تبرير.. راح يجيب زيه من مكان ثاني

بعدين فيه طرق لحمايه جهاز الطفل او المراهق من الاشياء الخطا
سوا من مواقع او برامج او حتى اضافات
وبه شبكه مراقبه محليه تكون في البيت
مشبوكه بجهاز رئيسي عند الام او الاب

او اقلها اذا الطفل او المراهق استخدم النت
يكون معه احد كبير من والديه او اخوانه

[زيدان9]

المشاركة الأصلية كتبت بواسطة تشتيتي مركز

اسمحوو لي لي وجهة نظر .. وخلونا نحلل الموضوع ونتناقش ..

الانترنت ضروره الحين .. و تصفحه مهم ..
الغلط اللي صاير مو انه تطلب منها واجب بحث بالنت ..
الغلطه هي ليه ما يكون هناك حصه توجيه عن مساوء هالتقنيه ومحاسنها وتنبيه من المفاسد اللي فيه .. بالمدرسه او كلمه بحث معينه بحيث الاستاذه تطلب شي محدد وصفحه هي عارفتها عشان مايكون هناك تعمق..

مساله حجر وصكصك انا ضدها .. وبكرا يكبرون وتنفتح الدنيا بوجيههم على سن مراهقه (( واي شي ممنوع مرغوب ) ولا راح تقدرن تسيطرون عليهم ان ما صار قدامكم فهو من وراكم ..
لانه بيصير تمرررد من الانغلاق ..

انا استخدمت النت من يوم كنت باول متوسط (( كانو يحسسوني اهلي اني حره واستخدمه بحريه)) .. وكان له اثر كبير علي بالاطلاع .. وخبره .. وربي للحين ادعي لابوي لاني كنت من الاوائل اللي دخلو هالعالم ..
وكان عندي كنترول على نفسي يرجع لثقه اهلي فيني.. وما مريت باللي مروو فيه ناس اعرفهم اهلهم متشددين باصول التربيه شعارهم بالحياة كل شي ممنوع .. كان كل شي عندي وكنت اعرف حدودي ..

و كان فيه ثلاث اجراءت قبل ما ينحط قدامي النت ..
اولا محاضره من امي وابوي .. واضحه عن انه هالتقنيه فيها خير وفيها شر .. وان الواحد يبحث عن الفايده ويبعد عن اي شي غلط ومن هالكلام ..... واي شي يصير لا زم اطلعهم ..

الثاني فيه اعدادات امان .. لحظر المواقع المشبوهه .. ما يمنع بس يقلل من خطر الوقوع فيها .. وحنا اصلا الانترت عندنا محجوووب ..

الشي الثالث .. يكون الكمبيوتر بوسط الصاله .. كمبيوتر عام .. والاستخدام قدام الكل .. مو اللي صاير الحين اي باد والا اي بود والا لاب وبالغرفه والله واعلم وش يصير .. ووش يفتحون .. هذا غلط ..



راح اقرب فكرتي .. ورايي ..
في ظاهره تشبه النت .. بس كانت قديمه حبتين ويمكن للحين موجوده بعض البيوت ..
اذا بيت فيه قنوات فضائيه .. والتلفزيون موجود بالصاله طبعا معروف القنوات اللي فيه لانه حق العايله عرب سات مثلا ..

وفيه ناس مانعين عن عيالهم التلفزيون.. وبغرفتهم مدري مكتبهم كل انواع القنوات .. بحكم ان التلفزيون خراب على عقول عياله ..


راح يكون عند عيالهم شغف وتعطش لكل شي جي بالتلفزيون وراح يركزون بتفاصيلالتفاصيل ..
بينما اللي عندهم التلفزيون بيكون وضعهم عادي لانهم يناظرون تحت اشراف اهلم بالصاله ومع الايام صار زيه زي اي وسيله ترفيه بحياتهم .. يعني مو الشغله شفاحه .. (( وهالشي فطره بالنسان اذا قل الشي او منع يصير مرغوب بشكل شديد ))

ما راح يكون تاثيره عليهم زي اللي ما عندهم تلفزيون ..صدقوني عيالهم يحفظون كل اسامي الفانين .. اذا راحو لناس يسنترون عن التلفزيون .. وما يناظرون الااسوء شي .. وهذاشي حاصل وشفته كثير .. واذا كبرو شوي مرحله مراهقه تكون شديده وتمرد غريب .. ومن ورااا الا هل بلاوووي .. ما يصدقون اهلهم يغفلون ..
كل هذا ليه .. لان اهلم صاكين عليهم ..

ليه انفرهم مني ليه ما افرض سيطره عليهم بدون ما يحسون وامتلكهم بصغرهم عشان اكسبهم اذا كبرو .. وما يشوفوني (البعبع) اللي يحارب وناستهم ..



التقنيه موجوده بحياتنا .. وصار شر لا بد منه .. وخيرها يغلب شرها اذا عرفنا نستخدمها ..
والقمع والانغلاق مو الطريقه السليمه لمواجة هالشي .. امنعو قفلو صكوو مو حل ..

انامع الاسلوب الجديد بالتعليم عن طريق البحث عن المعلومه .. ولا تقولون كتب .. من منا الحين لا بغى معلومه را ح يدور كتاب .. البحث يبدا من الشيخ قوقل .. خلونا واقعيين .. الزممممممممممن تغير .. ولازم نجاريه ..
اسس التربيه وحده .. بس كيف نشكلها بحيث ما تكون عائق .. يسبب تخلفنا ..



اذا بتناقشون ظاهره حلوها لا تحاربونها .. يعني بدل ما تحطون اللوم على الوزاره .. ابحثو عن حل واقترحوه على الوزاره .. قولو يا وزاره لازم حصه توعويه لمضار الانترت قبل لا يبحرون اطفالنا فيه ..
ودائما التربيه من البيت قبل المدرسه واللي تاسسيه صححححح لا يمكن يغيره شي ومهما تغير يرجع للي تربى عليه ..

لا تحاربووووون كل شي حلو ويخلي للتعليم متعه .. صراحه الله يذكر ايام تعليمنا بالخير تلقين تلقين تلقين على غير سنع .. هنا فيها تحريكه مخ .. وتشجيع على الابداع ..

((مو كل شي يصير بهالدنيا نحسبه ضدنا ونتحزم له ونحاربه ليه التفكير السلبي هذا.))


وسلامتكم ..

انتي كذا خلصتي كل الكلام

وفقك الله

[ابونواف1]

إذا الشغله شغلة نت أجل الغو المدارس وخلو الدراسه عن طريق النت ع الاقل بيوتنا احفظ لهم من الذهاب الى مدارسكم